Сайын ийын моштат

Шукерте огыл «Триумф» физкультурно-тазартыме комплекс илалше-влакым чумырен. Тушто тиде кечын пенсионер-влак ийын танасеныт. Иймашым Мишкан район МР администраций пеленсе физический культура, спорт, туризм самырык-влакын пашашт шотышто комитет ден ветеран-влак организаций организоватленыт. Иймашым «Триумф» ФОК эртарен. Иймаш деч ончыч илалше-влак разминкым ыштеныт. Ик пенсионеркын мутшо почеш, та‰асымаш деч ончыч эре разминкым ыштыман да капым в¢д дене шуялтыман. - Иймаш кеч-могай ийготан айдемылан пайдале, - ойла физический культура, спорт, туризм да самырык-влакын пашашт шотышто комитет председатель Алена Фатхинурова. – Врач-влак йоча ден кугыен-влаклан, илалше-влакланат ияш куштат. Илалше-влак бассейнышке кумылын коштмаш куандара. Иймаш нунын шюмыштым вияндаш, ш¢м черым ончылгоч корандаш полша, тудо кид-йол йыжын-влакланат пайдале улеш, нервный системымат пенгыдемда. Икманаш, тюрлº чер дечын полша. Тыгак кумылым нºлта. Бассейныш ч¢чкыдын коштмаш шонгеммашым эркындараш полша. Сандене пенсионер-влаклан бассейнышке кошташ тыршыман. Бассейныште арняш кок-кум гана миен толмаш да 40 минут дене иймаш илышым кужемдаш полша да тазалыкым палын пенгыдемда. Танасымаш деч ончыч Мишкан районысо ветеран-влак совет председатель Юлия Балахнина участникше-влаклан тазалыкым, куштылгылыкым да алал кумылым тыланен. Ик жап гыч чыланат танасаш ямде лийыныт. Танасымаште Мишкан селасе, Айбылат, Ирсай да Метръял ялласе пенсионер-влак участвоватленыт. Нуно ийгот шотышто икмыняр тушкалан шелылтыныт. Стартым в¢дыш тºрштен але в¢дыш пурен шогалын налын кертыныт. Удырамаш-влак эрыкан йºн дене 25 метрым ийыныт, пºръен-влак – 50 метрым. 55-59 ияш ¢дырамаш-влак коклаште Раисия Аптраева эн писе лийын, пºръен-влак коклаште – Анатолий Тимуршин. 60-64 ияш удырамаш-влак коклаште Елизавета Русинова сенен, 65-69 ияш удырамаш-влак коклаште – 69 ияш Тамара Григорьева. Тыгаяк ийготан пºръен-влак коклаште – Виталий Андреев. 70-74 ияш-влак коклаште почетан икымше верым Нина Кутлубаева налын, пºръен-влак коклаште – Сергей Мурзабаев. Танасымаш сайын эртен. Тудо пенсионер-влакын кумылыштым палын нºлталын. Онай танасымашым физкультурно-тазартыме комплексын пашаенже-влак Наталья Иксанова, Надежда Юкчубаева да Лариса Петрашова судитленыт. Нуно иймаш ГТО комплексыш пурышо ик дисциплина улмым палемденыт. Тиде турнир лач тудын зачетышкыжо пура. Иймаш деч вара сеныше-влакым торжественно палемдыме. Икымше верым налше ден призер-влакым Мишкан районысо ветеран-влак совет председатель Юлия Балахнина ден спортын ветеранже Иван Русинов саламленыт. Танасымаш деч вара 2025 ий гыч тыгай танасымашым квартал еда эртараш ойым лукмо. Тиде ой дене чыланат келшеныт. Икымше иймаш вес ий февральыште эртышаш. Но пенсионер-влаклан танасымаш-влак тений эше ик гана огыл эртаралтыт. Икымшыже - шахмат дене модмаш – 28 ноябрьыште эрта. Физкультурно - т аз ар тым е комплексын фойештыже мый тиде кечын Мишкан селаште илыше Роза Шаркаева дене мутланышым. Тудо 60-64 ияш удырамаш-влак коклаште кокымшо верым налын, 25 метрым 41 секундышто ийын эртен. Тиде иймаш тудын кумылжым палын нºлталын улмаш. Танасымаш нерген тудо тыгеракын ойлыш: - Айдемын ийготшо жапым пайдалын эртараш да спорт дене кылым кучаш чарак лийшаш огыл. Сулен налме канышыште улына гынат, ме «Триумф» ФОК-ысо бассейныш коштына. Иймаш мыланна тазалыкнам пенгыдемдаш, т¢рлº черым ончылгоч корандаш полша. Ме тыгак тыште икте-весына дене мутланена, кылым пенгыдемдена. Иймаш йомартлын эртыш, тудо кумылнам чынжымак нºлталын керте.

Светлана ТОЙМУРЗИНА.