«Пеш сай сенымашке шуынна!»

19 октябрьыште «Башкортостан» государственный концертный залыште «Келшымаш узор» йоча калык хореографий виш республиканский фестиваль-конкурсын финальный этапше эртен. Конкурсышто калык да образцовый лўман эн сай хореографический коллектив-влак гына выступатленыт. Гала концертыште чумыр республика гыч финалыш лекше 14 коллектив участвоватлен. Нунын коклаште «Эрвел» куштышо калык ансамбль лийын. Тудо лауреатыш лектын. Мемнан коллективлан тыгак «»Национальный фольклорым аралымылан» номинацийыште дипломым кучыктымо. Фестиваль участник-влаклан гына огыл, тыгак ончаш мийыше-влаклан кужу жаплан шарнымашеш кодеш. «Эрвел» куштышо калык ансамбльын балетмейстерже Ирина Имаева фестиваль нерген тыге каласыш: - Чумыр республикынан шуко тўрлє калыкын икгай кєргє чон поянлыкше нерген палемдаш кўлеш. Тиде кугу мероприятийыште мемнан культурына иктыш ушнен да чын келшымашым ончыктен. 43 творческий коллектив республикыште илыше тўрлє калыкын куштымашыжым ончыктен. Ме отборочный турым сайын эртышна да республикынан ик эн сай сценышкыже репетиций деч посна лектын, шкенам пеш сай могырым гына ончыктышна. «Эрвел» куштышо калык ансамбль «Башкортостан» ГКЗ-н сценышкыже Слава Асмаевын шындыме «Сўан модыш» куштымаш дене лектын. Мемнан коллективын кандаш мужыржо куштымо мастарлыкым пеш кугу кўкшытыштє ончыктен. Кажне фестиваль-конкурс шке семынже тургыжландараш тарата. Компетентный жюрин мутшо почеш, Мишкан ансамбль моло-влак коклаште профессионализм да куштымаш талант дене ойыртемалтеш. Награждений годым куштызо-влаклан призым кучыктымо. Удыр-влаклан косметика наборым, рвезе-влаклан музыкальный колонкым пєлекленыт. Мемнан ансамбльлан кугу пєлек - куснылшо колонка логалын. Тудо мемнан пашаштына пеш кўлеш. Мый рвезе-влаклан тыршымыштлан пеш кугу таум ойлем, тыгак нунын ача-аваштлан кумыланден да полшен шогымыштлан кугу тау. Удыр-рвезевлак репетицийыш у футболка дене - Мишканын гербшым да ансамбльын логотипшым сўретлыман, мият. Тыгай вургемым ача-ава-влакын полшымышт дене налме. Нуно тыгак сценыште чийыме йолчиемым олмыкташ полшат. «Эрвел» куштышо калык ансамбльын чапше район ден республикыште гына огыл, а моло кундемлаштат шарлен. Ончышо-влаклан мотор вургем, сценыште шкем моторын кучымо, устан шындыме куштымаш-влак чот келшат. Ирина Имаеван вуйлатымыж почеш самырык куштызо-влак ик кўкшыт почеш вес кўкшытыш нєлталтыт. А тидыже кажне кечын тыршен пашам ыштымын лектышыже. Сенымашке шуаш мыняр пўжвўдым йоктарыме, тидыжым Ирина Елисеевна да тудын куштышызо-влак гына палат. Ансамбльын балетмейстерже Башкортостан Республикын Чап кагазше дене палемдалтын. «Эрвел» куштышо калык ансамбль районышто эртыше кажне концертыште шке мастарлыкшым ончыкта. Тиде материалым возымо деч ончыч мый ансамбльын участникше-влак дене вашлийым. Репетиций Тўвыра полатын кокымшо пачашыштыже эртен. Мо шинчалан пернен, участник-влак чыланат чот тыршеныт, ўдыррвезе-влакын чурийыштышт куанен шыргыжмаш гына койын. Лач моторын шыргыжмашышт нуным моло куштызо-влак деч ойыра. Шке шонымаш нерген палдараш йодмеке, эн ончычак Мишкан селасе 2 №-ан ПМШ-ште 7 классыште тунемше Кирилл Байрамалов мутым нале. - Ме конкурслан пеш тыршен ямдылалтынна да тушто сайын выступатлаш уло вийнам да моштымашнам пыштенна, - манеш Кирилл. - Конкурсышто пеш виян коллектив-влак участвоватленыт, сандене чыланат чот тургыжланенна! Ме пеш чот тыршышна. А фестиваль-конкурс моткоч онай да ответственный. Мемнан выступленийнам жюри кўкшын аклен, тидлан пеш куаненна. Ме дипломым да пєлекым налынна. 1 №-ан лицейыште 5 классыште тунемше Элиза Килинбаеван мутшо почеш, конкурс кугу шарнымашым коден. - Номерым ме пеш чот тыршен тунемынна, - манеш Элиза. - Конкурс кумыланда. Ме моло уста коллектив-влакым ужынна. Мылам кушташ, конкурслаште участвоватлаш пеш келша. Эмоций - ойлен мошташат ок лий. Пеш сай сенымашке шуынна. Ме ансамбльлан ончыкыжымат мастарлыкым вияндаш да эшеат кугурак кўкшытыш шуаш тыланена!

Светлана ТОЙМУРЗИНА