«Кўлешан пашам шуктенна»

Тудо элнан тўрлє олалаштыже эрта. Тиде гана ты кугу спорт пайрем Уфаште эртен. Форумым Башкортостан Республикын рўдє олаштыже эртарыме шотышто Россий Президент Владимир Путин 2023 ийыште Пермь олаште эртыше XI форумышто пунчалым луктын. Тений 17 гыч 19 октябрь марте «Россий - спорт держава» форум Уфаште эртен. Форумын участникше-влак тўрлє пайрем мероприятийлаште участвоватленыт, мемнан культурына, историйна, йўлана дене палыме лийыныт. Форум федеральный государственный да региональный власть органын представительже-влакым, спорт индустрийын представительже-влакым, спортышто вўдышє эксперт-влакым чумырен. Кум кечылан ола элнан спортивный столицышкыже савырнен. Тудо 30 утла эл гыч 5,5 тўжем участникым чумырен. Танасымаш, паша сессий, тўвыра программа, кугу отраслевой выставке да моло - чылаже 40 утла мероприятий лийын. Ик рўдє событийлан физический культурым да спортым виян- дыме шотышто Россий Президент пеленсе советын заседанийжым шотлыман. Тудым элым вуйлатыше Владимир Путин эртарен. «Ме Уфаште, Башкирийын столицыштыже чумыргенна. Тиде шуко калык илыман элыштына ойыртемалтше регионлан шотлалтеш. Тений Уфа 450 ияш юбилейжым палемда. Олаште да республикыште илыше-влакым ты лўмлє кече дене саламлыме шуэш. Тыгак элнам вияндымаште пыштыме суапле надырлан, ратный да паша подвиглан, наукышто да спортышто кугу сенымашлан тауштыман. Ушанем, форумын участникше-влак пошкырт республикын унам вашлийын моштымыжым, тудын ойыртемалтше культура поянлыкшым да спорт илышыжым, регионын шумо сенымашыжым тийышлын аклат. Башкирий тиде форумым эртараш пашаж дене сулен налын. «Спорт - ончыкылык илышын рўдыжє улеш», - палемден Россий Президент форумын пленарный заседанийыштыже. Тиде кугу событийым эртарен колтымаште волонтер-влак тийышле надырым пыштеныт. - Тиде мероприятийыште 2000 наре ен волонтер лияш кумыла‰ын, тушечын 500 енжым гына ойырен налме, - ойла Мишкан районысо волонтер-влакын кураторышт, самырык-влакын пашашт шотышто тўн специалистше Ольга Биктубаева. - Нунын коклаште Мишкан район гыч кум волонтер - Карина Байбулатова, Милена Карамова да Милана Яныбекова лийыныт. Нуно тунеммашым эртеныт, тушто фестивальын программыже, организационный структурыжо дене палыме лийыныт, личный да функциональный компетенций шотышто тренингым сайын эртеныт. Вигак каласена, форумын икымше проводникшылан волонтер-влакым шотлыман. Нуно логистика, навигаций службылаште лийыныт, делегацийым вашлийыныт да ужатен кондыштыныт, танасымаш-влакым эртараш полшеныт, СМИ дене пашам ыштеныт. Участник-влакым регистрироватлаш, нуным ужатен кондышташ - чыла волонтер-влакын пашашт. Тыгай кугу мероприятийыште участвоватлымаш мемнан волонтерна-влаклан шерге опыт лийын. Тиде форум Российын тўрлє регионжо-влак дене кылым пе‰- гыдемдаш да вашла паша опыт дене палдараш йєным пуэн. Милана Карамова ятыр ий волонтер пашам шукта, школ жап гычак, рашрак каласаш гын, 6-шо класс гыч тўналын. Удыр Уфасе топливно-энергетический колледжыште «Операционная деятельность в логистике» специальностьым налын. Колледжым 2023 ийыште тунем пытарен да вигак Уфимский государственный нефтяной технический университетыш «Экономическая безопасность» специальность дене заочно тунемаш пурен. Кызыт Милана «УАПО» АО-што производствым ямдылыше техник должностьышто пашам ышта. Республикыште тыгай кугу форум лийшашым пален налмеке, шке полышыжым темлен. Волонтер Милана Яныбаева - 1 №-ан лицейыште 10 «а» классыште тунемеш. Шке шонымашыж дене тудо соцлаштыкыштыже палдарен: «Мый кугу командыште пашам ышташ тунемым. Эн тўнжє, моло волонтер-влак дене вигак ик ойыш шуынна, вашла келшен пашам ыштенна. Форум эн поро шарнымашым гына коден». Тиде кугу мероприятийыште участвоватлыше ик волонтер дене - 16 ияш Карина Байбулатова дене вашлийна. Тудо Флорид Буляков лўмеш лицейыште 10 «б» классыште тунемеш. Каринан шонымыж почеш, кажне ен илышнам сай могырыш вашталташ полшен кертеш. А тидланже волонтер паша пеш келшыше йєным пуа. Сандене тудо волонтер радамыш ушнен Уфаште тўнямбал форум эртыме нерген пален налмеке, тушто пашам ышташ йодмашым пуэн. Карина Байбулатова шке шонымашыж дене палдарыш: - Форум спортым вияндыме шотышто тўнямбал кўкшытан виш диалоглан площадкыш савырнен, а ме, волонтер-влак, участник-влак Башкортостаныште шкеныштым мєнгыштышт улмо гай шижышт манын тыршенна. Тыгай кугу мероприятийыште волонтер лияш - кугу пиал. Тушто налме опытна ўмырешлан пеленна кодеш. Мый спорт илышыш ушнен, жапым пеш пайдалын эртаренам. Ме участник-влаклан полшенна, пашам келшен ыштенна. Вет форум пеш шуко лўмлє спортсменым, тренерым да спортым йєратыше-влакым ушен. Мый шке пашаштым уло чон дене йєратыше тынар шуко еным ужын, пашам сайын ышташ утларак кумыланынам. Мый пеш сай ен-влак дене палыме лийынам, нуно чын йолташыш савырненыт. Ме икте-весыланна паша опытна нерген ойленна, о‰ай тат-влакым канашенна да жапым веселан эртаренна. Форумышто Российыште спортын ончыкылыкшо нерген шуко онай выступленийым колыштынам. Профессиональный спортым гына огыл, а любительский спортымат вияндаш кўлмє нерген ойлымо. Мый тиде кугу форумышко логалмемлан организатор-влаклан кугу таум ойлем. Ме пырля пеш кўлешан пашам шуктенна. Тиде тўнямбал кўкшытан форумышто волонтер лиймем дене кугешнем.

Светлана ТОЙМУРЗИНА