Книган кюлешлыкше йомын огыл

Мероприятийышке культура пашаен, марий йылме да литературым туныктышо, библиотека пашаен, краевед, мер пашаен да тыглай лудшо-влак южылтыныт. Нунын дене вашлияш Марий Эл гычын люмлº уна-влак толыныт: Марий Элысе Государственный Погынын депутатше, «Марий книга издательство» издательский пºртын директоржо, Марий калык конгресс председатель Эдуард Иманаев, марий писатель, Россий писатель ушемын членже, Марий калык конгресс исполкомын членже Александр Петров, Марий Элысе С. Чавайн люмеш национальный библиотека пашаен Людмила Иманаева да бард-музыкант Геннадий Григорьев.

Семинар-совещанийыште уна-влак лудшо-влакым «Марий книга издательство» шукерте огыл лукмо книга-влак дене палдареныт. Книга-влакын содержанийышт дене палыме лияш йºнанрак лийже манын, историй да тювыра рюдерын фойештыже книга выставке эртаралтын. Кумылан-влак тушто келшыше книгам да Марий Эл гыч кондымо сувенир-влакым налын кертыныт. Вашлиймаште «Марий книга издательствын» директоржо Эдуард Иманаевлан ятыр йодышым пуымо. Нуно йоча-влаклан посна книга-влакым лукмо, школлаште марий учебник-влак ситыдымаш, библиотекылашке марий книга-влакым шуэн кондымаш дене кылдалтыныт. Россий Почтын пашаж дене кылдалтше йодыш-влакымат тарватыме. Вет Марий Элыште лекше газет ден журнал-влак мемнан деке чючкыдын вараш кодын толыт. Тидыже нунылан возалташ кумылым лугыч ышта. Эдуард Иманаев нине йодыш-влакым шотыш налаш, Башкортостан Республикысе тºра-влак дене кылым пенгыдемдаш да ситыдымаш-влакым корандаш тыршаш сºрен. Но сай тат-влакат лийыныт, вашлиймашке мийыше-влак тюрлº марий книгам йодыныт. Тугеже шочмо йылме дене лудшо-влак эше улыт. Писатель, поэт да журналист-влак шочмо йылме дене кумылын возат, тюрлº книга-влакым луктыт... Нунын пашашт кызытсе саманыштат моткоч кюлешан улеш. А эше марий муро-влак чарныде шочын шогат. Икмыняр у мурым тиде кечын бард-музыкант Геннадий Григорьев йонгалтарен. Ме юшанена: у технологий-влак шарлыме жапыштат шочмо йылме дене лекше книга-влак огыт йом да калыклан кюлешан кодыт. Вет книга-влак тыглай лудаш веле огыл луктылтыт, нуно тюрлº шинчымашым да калык тювырам аралыше юзо арвер улыт.

 Вячеслав КАМИЛЯНОВ.