«Ачай, авай да мый – музыкальный еш»

Еш идалыклан люмлалтше «Ачай, авай да мый – музыкальный еш» творческий конкурс Республикысе калык творчество р¢дерысе «Атайсал» культура р¢дерыште эртен. Тиде конкурсышто участвоватлаш еш коллектив-влак деч чылаже 62 йодмаш пурен. Финалышке 12 коллектив логалын. Самодеятельный артист-влак Архангельский, Туймазе, Уфа, Учале районла, Уфа да Стерлитамак олала гыч лийыныт. Финалист-влак коклашке мемнан артистна-влакат логалыныт – Ардаш гыч Хамитовмыт еш да Монар гыч Сагадеевмыт еш. - Еш пенгыде гын, ен-влак илышыште кугурак сенымашыш шуыт, илышыштат тынысрак, пиаланрак, пашаштым да йºратыме сомылыштым чыланат кумылын ыштат, - ойла Мишкан РДК-н калык творчество да фольклор шотышто вюдышº методистше Рауия Саматова. – Йоча-влак музыкальный искусство дене икымше гана лач еш кºргыштº палыме лийыт. Изи годым колмо муро ден семвлак айдемын ш¢м-чоныштыжо курымешлан кодыт. Мурым ожсек кажне ешыште муреныт, кº - сылнын, кº - моштымыжо семын. Уста музыкант-влак суртыштышт музыкальный кас-влакым эртареныт. Революций деч ончыч музыкальный искусство утларакшым паяр ешлаште виянын. Нуно, сайын мурышо крестьян-влакым чумырен, хор дене мураш туныктеныт, изирак оркестрымат чумыреныт, театр-влакым почыныт. Тыглай калык гын т¢рлº пайремыште йюла муро, такмак-влакым мурен... Ожно сурт кºргысº концертым кажне поян ешыште эртареныт. Кызытсе саманыште еш-влак тыгай пашам шуэн шуктат, чылаштынат тидым ышташ йºнышт уке але усталыкышт ок сите. Тиде мероприятий ситыдымашым корандаш виктаралтын. Конкурс еш-влакым высокохудожественный манме культура деке лишемдаш йºным ыштышаш. Монар ялыште илыше Сагадеевмыт еш сценыште «Шочмо кечет дене, акай!» творческий номерым ончыктен. Тиде номер дене нуно гран-прим да 100 тюжем тенгеаш сертификатым модын налыныт. Ардаш ялыште илыше Хамитовмыт еш «Мыйын ешем – мыйын поянлыкем» номерым ончыктен. Нуно кокымшо верым налыныт да 50 тюжем тенгеаш сертификат дене палемдалтыныт. Талантан ешна-влакым сенымашышт дене алал кумылын саламлена! Палемден кодыде ок лий: конкурс Башкортостан Республик вуйлатышын грантше полшымо дене эртаралтын. Тудо кажне участникын кумылжым нºлтал кертын. Еш-влак шкеныштын усталыкыштым тюрлº жанрыште ончыктеныт, калык муро гыч тюналын, эстраде муро марте. «Ачай, авай да мый – музыкальный еш» конкурс эше ик гана пенгыдемден – муро ден сем т¢рлº ийготан ен-влакым ушат да еш й¢лам аралаш да вияндаш полшат.

Светлана ТОЙМУРЗИНА