Икымше вер дене пєртылыныт

Башкортостан Республикыште брендовый мероприятий-влак радамыш пурышо проект Чишма районышто РДК ончылсо площадкыште эртен. Башкортостаныште брендовый мероприятий-влакын кугу ужашыже этнический культура фестиваль, фольклор да йўла пайрем-влак улыт. Регион вуйлатыше Радий Хабиров: «Кажне муниципалитет тидым шотыш налшаш. Муниципалитет вуйлатыше-влак иктым умылышаш улыт, тиде йодыш культура, этика дене гына огыл кылдалтын, тиде йодыш экономикым да шкенан районын престижшым нєлташ полша. Те иктаж-мом уым почыда гын, вигак турист-влак тушко мияш тўналыт. Ме виянме точкым ыштена. Туризм министерство дене эше ик гана вашлияш логалеш, мемнан дене могай ешартыш туристический точка-влак почылтыныт. Чыла иктешлен, ончыко кайыман». БР тўвыра министрын пашажым шуктышо Амина Шафикова: - Муниципалитет-влаклан мероприятийым эртараш оборудований ден материалым налаш государствын полышыжо кугу йєным пуэн. Варажым нине материал-влак муниципалитетлан кужу жап служитлаш тўналыт. Ойырымо оксан кугу ужашыже конкурслаште призовой ужашым кугемдаш ойыралтын. А тидыже конкурс ден фестиваль-влакыш ушнаш кумылан-влакым ятырлан кугемден. Тыгай полыш 2024 ийыште лийын да умбакыжат пуалташ тўналеш. Тидлан тийышле средствам республикын бюджетышкыже пыштыме. Ме кажне ийын участник-влакын да ончышо-влакын чотышт кугемеш манын ўшанена. Шовышо шєр пайремыште почетан уна-влак лийыныт: БР вуйлатышын администрацийжым вуйлатышын заместительже Искандер Ахметвалеев, БР тўвыра министрын пашажым шуктышо Амина Шафикова, тўвыра пашае‰-влак Россий профсоюзын республиканский организацийжын председательже, РОО исполкомын председательже Александр Кузьменко, Башкортостан Республикысе Государственный Погын - Курултайын депутатше Загир Хакимов, БР ЖКХ министрын заместительже Арсланбек Хайдаров, калык творчество республиканский рўдерын генеральный директорын заместительже Альбина Юлдашбаева. «Катык байрамы» мероприятий Башкортостан Республикысе калык-влакын национальный культурыштым арален кодаш кўлмым пропагандироватлаш виктаралтын. Творческий коллектив-влак тышке икте-весыштын паша опытышт дене палыме лияш, шке калыкын национальный кочкышыж дене палдараш чумыргеныт. Чишма мемнан кундемыште шовышо шєрын рўдє верже улеш. Виш кокымшо районный пайрем чишма ўдырамаш-влакын подвигыштлан лўмлалтын. Нуно сар жапыште да сар деч варасе неле ийлаште, вўдвараш ведрам сакен, шєрым Уфашке нумалыныт. Уфаш миен шумешке, корнышто шєр шовен, но ола калык тидланат куанен. Шовышо шєр шуко еным шужен колымаш деч утарен. Ту жапыште тыгай сўретым шке шинчашт дене ужшо да тиде жапым шымлыше-влакын ойлымышт почеш, чишма ўдырамаш-влак эрдене эрок, вўдвараш шєр ведрам сакен, кўртньє корно вокзалыш вашкеныт, икымше электричкыш шуаш тыршеныт. Вагонышто ен пеш шуко лийын. А тиде жапыште пазарыште ен-влак чишма шєрым да торыкым вученыт. Кажне кечын Уфашке шовышо шєрым намийыше ўдырамаш-влакым «вўдвара суксо-влак» манын лўмденыт. Шєрым ужалыме оксашт дене ўдырамаш-влак киндым, иктаж-могай вургемым налыныт. Пайремын торжественный ужашыже «Вўдвара суксо-влак» театрализованный представлений дене почылтын. Тиде мероприятийлан 450 литр торыкым ямдылыме. Мотор вургемым чийыше, ончылакым ўшталше ўдыр-влак пайремыш толшо кажне еным торык дене сийленыт. Мероприятийын программыже пеш поян лийын. Шєр продукцийым ужалыме выставке, декоративно-прикладной искусство выставке, мастер-класс-влак, фотозона, тўрлє калыкын унагудыжо, спортивный да модмаш площадке-влак пашам ыштеныт. «Эн сай этно-кудо» да «Эн сай коллектив, ансамбль, солист» номинацийлаште конкурс-влак эртеныт. Конкурслаште республикысе 12 район гыч 24 коллектив участвоватлен. Йылыш клубын «Эр кече» вокальный ансамбльже (вуйлатыше Ирина Шамукаева) кок номинацийыштыжат участвоватлен. Мишкан районын этно-кудыштыжо марий тўвырам кумдан ончыктымо. Тыште калык ремесло изделий, кухньышто кучылтмо арвер, калык вургем ончыкталтыныт. Рим ден Дим Галимовмытын пашашт кугу верым налын. Шке этно-кудыштым тыгак Кушнаренке, Тумайза, Аургазе, Кармаскале, Давлекан, Дєртыльє, Шаран, Балтач да Чекмагуш район-влак ыштеныт. Оза семын Чишма район пошкырт, татар да мордва этно-кудо-влакым ончыктен. Концерт программыште сцена гыч шочмо кундем, илыш, йєратымаш нерген муро-влак йонгеныт. Мемнан «Эр кече» вокальный ансамбль «Эн сай коллектив да солист» номинацийыште икымше верым налын. Тыгак мемнан участникна-влак «Эн сай этно-кудо» номинацийыште шергакан приз дене палемдалтын. Пайрем мероприятийыште участвоватлымылан изак-шоляк Галимовмыт палемдалтыныт. Кастене пайрем мероприятий этно-дискотека дене шуйнен. Тушто Татарстан Республикын сулло артистше Гузель Ахметова да DarmanProject группа участвоватленыт. - Мероприятий пеш кугу кўкшытыштє эртен, - ойла «Эр кече» ансамбльын вуйлатышыже Ирина Шамукаева. - Ме чишма мландыште кугу уна лийынна. Шовышо шєр пайремыш шкенан ялыште ямдылыме торыкым намийышна. Тудым мый шке кувавамын рецептше почеш ямдыленам. Мемнан торыкнам пайремын почетный унаже Амина Шафикова тамлен ончен. Торыкна моло-влакланат келшен. Фольклор коллектив-влакын, ансамбль ден солист-влакын конкурсыштлан ме весела такмак-влакым ямдыленна. Ончышо-влак мемнам пеш шокшын вашлийыныт. Жюриат сайын аклен. Мемнан ансамбльын корзинкыштыже у диплом ешаралтын.

Светлана ТОЙМУРЗИНА

Рауия Саматова, Мишкан РДК-ште калык творчество да фольклор шотышто вўдышє методист, БР культурын сулло пашаенже: - Республикыште кажне ийын пеш шуко мероприятий - фестиваль, ярми‰га, выставке, концерт, мастер-класс да молат - эртаралтеш. Сандене полышым утларакшым брендовый мероприятий радамыш пурышо, верлаште лу ий деч шагал огыл эртаралтше мероприятий-влак налыт. Брендыш савырышаш мероприятий-влакым верлаште кычалман. Тидланже нуно раш событий, шарнымаш, вийым пуышо вер дене кылдалтшаш улыт. Тиде але вес мероприятийым брендыш савыраш куштылго огыл, республикысе калык творчество рўдерын полышыжо кўлеш. Теве, мутлан, «Катык байрамы» шовышо шєр пайремат Чишма районышто сар да сар деч варасе ийласе ўдырамаш-влакын подвигышт дене кылдалтын.