Сай ен-влак шукырак улыт

Монар ял гармончын семюзгар-влак дене палыме лиймаш эше икымше классыште тунеммыже годымак тюналын. Юрий Иликаев шарналтен ойла: - Икымше гана хромка дене мый руш калык «Во поле береза стояла» мурым шоктышым. Шуко жап эртен гынат, гармонь дене шокташ йºратымаш тугак икымше верым налын шога. Ий гыч ийыш Юрий Александровичын мастарлыкше шуаралт веле шоген. Кызыт уста музиканчым Пошкырт кундемыште веле огыл, тыгак моло кундемлаштат сайын палат. Тудын деке полышым йодын Мишкан районысо тюрлº фольклор да вокальный ансамбль-влак толыт. Юрий Александрович чылалан полшаш ямде улеш. Музиканчын ватыже Ирина Андреевна пелашыжлан пенгыде энертыш улеш. Тудо пала: пелашыжын семюзгарым йºратен шоктымаш – п¢тынь илышыже. Тальянке йоммеке, а тудын дене Юрий Александрович 23 ий ойырлен огыл, пелашыже дене пырля моткоч ойганен да тургыжланен. Тиде случай Балтач районышто эртыше мероприятийыште лийын. Мыняр кычалыныт гынат, муын кертын огытыл. Тиддеч вара Юрий Александровичын ен-влак нерген шонымашыжат вашталтын. Но… Пиал уэш шыргыжалын: Ленинский ялыште илыше Николаевмыт мужыр музиканчылан тальянкым пºлеклен. Кызыт Николаевмыт вате-марий сулен налме канышыште улыт. Еш вуй 86 ияш, а суртозаватылан 83 ий. Нуно шке сурт озанлыкыштышт тыршат: емыжым, виноградым, пакча саскам да эше шуко моло кушкылым ончен куштат. - Александр Алексеевич ден Серафима Изиляевналан чон гыч лекше шокшо тау мутым ойлем. Нуно шижтарыде да вучыдымын тольыч да мыланем кидышкем тальянкым кучыктышт. ªрмем да куанымем дене мом пелешташат аптыранышым, ик татлан йылмемымат нельым докан, - пºлалтеш Юрий Александрович. Ала-кушто кºргº чон лукыштыжо тудо кызытат ушана: сай, поро кумылан ен- влак уда ен-влак деч шукырак улыт да кунам-гынат йомдарыме тальянкыже шке озаж деке пºртылеш…

Виктория ИШМУРЗИНА.