Порылык да пагалыме кече

Мишкан селасе Тўвыра полатыште 1 октябрьыште ен-влак шукын погыненыт. - Таче шокшо шўмланда, чыла вийдам пашалан пуымыланда, самырык тукымым - икшывыда да уныкада-влакым патриот шўлышеш воспитатлаш полшымыланда кугу таум ойлена, шерге уна-влак. Те нунылан йєратыме кувава да коча гына огыдал, а эн лишыл, шокшым да ласкалыкым пуышо ен улыда, - каласен пайрем мероприятийым вўдышє Василий Кутлуметов. Уна-влаклан пайрем концерт ямдылалтын: мурым ветеран-влакын «Мишкан сем» калык ансамбль, БР культурын заслуженный пашаенже Рауия Саматова, самодеятельный композитор да мурызо Леонид Иванов муреныт, педагогический пашан ветеранже Серафима Антонова шке возымо почеламутшым лудын. Погынышо-влакым район администраций вуйлатышын пашажым шуктышо Лариса Александрова саламлен: - Район вуйлатыше-влак, депутат корпус, районышто илыше-влак лўм дене уло кумылын сарын, пашан, вооруженный вийын ветеранже-влакым, 55 ийым эртыше илалше-влакым уло кумылын саламлем. Илышыште кажне енын самырык жапше лиеш, а пагалыме ийготаныш чыланжак шуын огыт керт. Тендан пиалда еш, икшыве, уныкада пелен. Тек нуно тыланда кажне кечын куаным, шке йєратымашыштым да пагалымашыштым пєлеклат. Пенгыде тазалыкым, пиалым, сай илышым да чолга кужу ўмырым тыланем. Кунам мемнан спортсмен ветеранна-влак выступатлат, сулен налме канышыште улшо-влак район да республикысе сценылаште шке мастарлыкыштым ончыктат, мый пеш куанем. Кугу тау, тыланда, шерге ветеран-влак! Район советын секретарьже, «Руш-влакын соборышт» верысе отделенийын председательже Татьяна Колединат спорт ветеран-влакын чолгалыкышт нерген палемден: - Алик Аликов, Яков Апсатаров, Сергей Салиев, Виталий Янкиев, мый тыланда «городки» руш калык модышым пєртылтымыланда кугу таум ойлем. Тидыжым ме ФОК оралтыше ужына. Могай азарт да кумыл дене те модыда. «Городки» модышын вожшо 1000 ий шенгеке пєртылта. Йот элласе путешественник-влакын палемдымышт почеш, ты модыш лач Российыште гына уло. Тиде модыш дене виян, пе‰гыде ен-влак гына модыт. Мемнан ветеран-влак коклаштат тыгай виян, тале ен-влак улыт. Тиде пайрем «Ветеран оралте - 2024» районный конкурсым иктешлаш да сеныше-влакым наградитлаш пеш келшыше мероприятий. Тиде суапле пашам шукташ комиссийын председательже Муллахан Хановлан ўшаныме. Тудо тыгай конкурсым эртараш полшымылан район администрацийлан, тўналтыш ветеран организаций-влакын председательышт-влаклан, конкурсант-влаклан, конешне, комиссийлан текшырен кошташ полшышо водитель-влаклан кугу таум ойлен. «Калык йўлам аралымылан да тукым-влак кокласе кылым пенгыдемдымылан» номинацийыште Ваксола ял гыч Серафима Шамаевалан дипломым кучыктымо, «Шочмо мландым йєратымылан» - Кугу Соказа гыч Мария ден Александр Салиевмытлан, «Ветеран оралтым образцово кучымылан» - Монар гыч Галина ден Станислав Валитовмыт палемдалтыныт. Тиде конкурсышто Андреевка ял гыч кум еш участвоватлен. Георгий Алексеев «Мастар кидлан да пєрт воктеным моторын сєрастарымылан» диплом дене наградитлалтын, Валерий Ирбулатов - «Пашам йєратымылан да личный подсобный озанлыкым моштен виктарымылан», Татьяна Кугубаева - «Оралтым моторын сєрастарымылан» диплом дене палемдалтыныт. «Пеледышым йєратымылан» номинацийыште Чорай гыч Любовь Калугина, «Шочмо кундемыш пєртылмылан» - Кигазытамак ял гыч Гульчира ден Гаян Гафаровмыт, «Личный озанлыкым оформитлымаште ойыртемалтмылан» - Айбылат гыч Галина ден Михаил Ишмаевмыт палемдалтыныт. Кемий ял гычат кум еш конкурсышто участвоватлен. «Шке оралтым кызытсе дизайн дене оформитлымылан» номинацийыште Галина ден Юрий Муртазинмытлан, «Еш поянлыкым аралымылан» номинацийыште Людмила ден Петр Александровмытлан, «Пакча саскам куштымаште шумо се‰ымашлан» номинацийыште Таисия Александровалан дипломым кучыктымо. Ирсай ял гыч Светлана Валиева «Пенгыде ветеран оралте» номинацийыште наградитлалтын. Арзамат ял гыч Лия ден Анатолий Тимуршинмыт «Личный подсобный озанлыкым у семын намийымылан да йєным муын моштымылан» номинацийыште палемдалтыныт. - Мишкан районышто 42 тўналтыш ветеран организаций уло. Нуно спорт, культурно-массовый мероприятийлаште участвоватлат, самырык-влак дене вашлийыт, ГТО нормативым сдатлат, волонтер пашам шуктат, «Башкирское долголетие» программа дене Россий мучко коштыт. Шкет илыше-влаклан полшат. 2022 ий 22 декабрьыште мемнан районышто Кугурак ийготан-влакын вашлийме рўдерышт почылтын. Мемнан рвезе-влак «Занятость. Повышение уровня доходов людей старшего поколения» - «Ветеранское подворье» практикым ончыктеныт. 27 августышто командына Уфа олаште республиканский этапыште участвоватлен. Тушто выставкым да площадкым ыштыме. Чыла тидыже мемнан режиссерна, сценаристна, организаторна да тўн мотиваторна Вера Усковалан кєра ышталтеш, - палемден Муллахан Ханов. Пайрем мероприятий «Вдохновение» командын видеороликшым ончымо да презентацийже дене иктешлалтын.

Виктория ИШМУРЗИНА.