Йоча-влак дене кылым муын мошта

Василий Сухомлинскийын чапле шомакше уло: «…йоча-влакым чын воспитатлыше лияшлан, нунылан уло шюм-чоным пуыман». С. Иксанова лач тыгай девиз почеш пашам ышта. Йоча садын воспитательже. Шукын тиде пашам куштылго да проста манын шотлат. Кажне кечын йоча-влак дене модаш, прогулкыш кошташ, сюретлаш, лепитлаш, почеламут ден муро-влакым туныкташ, пукшаш да кечывалым малаш пышташ мо йºсыжº? Шонеда, чыла проста? Уке, тыге огыл! Воспитательын пашаже - кажне кечын тыршен ыштыме паша, тудо кугу йºратымашым, тюткылыкым, чытымашым, вийым, шкем икшыве-влаклан пºлеклымашым йодеш. Вет воспитатель, ава семын, поро да ласка, чын йолташ, кажне йочалан мунло наставник лийшаш. Серафима Иксанова шкенжым йоча-влак дене пашам ыштымылан пºлеклен. Школ деч вара тудо Благовещенск оласе педагогический училищыш тунемаш пурен. 1988 ийыште, тюналтыш класслаште туныктышо дипломым налмеке, Айбылат тюналтыш школышто директор лийын ышташ тюналын. 2010 ийыште, школым петырымеке, садикышкына пашаш толын. Тиде жап гыч йоча сад тудлан кокымшо суртышкыжо савырнен. Серафима Архиповна тений кугырак группышто воспитатель улеш. Тудо эр гыч кас марте латиндеш йочам эскера да туныкта. Йоча-влак куржталаш йºратыше, уым пален налаш тыршыше улыт. Эше чыланат тюрлº койышан улмышт дене ойыртемалтыт. Но Серафима Архиповна чылашт денат вашкылым муын мошта. Тений тудо школыш кайышаш йоча-влак группым луктын. Весела, лым лийде, чыла палаш тыршыше, тюрлº койышан латиндеш йоча. Команде кугу, но Серафима Архиповна кажне йочан чонжо деке сравочым муын. Вет тудо нунын дене икымше кече гычак пашам ыштен. Йоча садын коллективше воспитательым пагала да пашажым к¢кшын акла, а йочаже-влак йºратат. Серафима Архиповна авчаава-влак дене пенгыде вашкылым куча, вашлиймаш ден консультацийлам чючкыдын эртарен шога, нунылан воспитаний шотышто тематический папке-передвижке-влакым ямдыла. Уста воспитатель шке йырже йоча да ача-ава-влакым моштен чумырен, группышто вашкелшымаш, вашполыш ш¢лыш озалана. Педагогический сферын моло пашаенже-влак семын, Серафима Архиповна йочам личность семын воспитатлыме пашам тюнлан шотла.

М. ИПУЛАЕВА, воспитатель.