Медицина полышым кажне ен налын кертшаш

Кызытсе саманыште больницын материально-технический базыжым пенгыдемдыде деч посна калыклан сай медицина полышым ончыкташ ок лий. Кугу олалаште, конешне, тўрлє оборудований шуко уло, но селалаште чўчкыдын ситыдымаш-влак пернат. ФАП-влак шотышто гын ситыдымаш эше пўсырак. Тидын шотышто республик вуйлатыше Радий Хабиров тыге каласен: - Мемнан ныл миллион наре е‰ илыме республикыште тиде паша пеш кўлешан. Вет калыкын кумшо ужашыже села ден яллаште ила. Кум ий ончыч район-влак мучко кошташ тўналмем годым фельдшерско-акушерский пункт-влак тўрлє экзотический зданийлаште верланымым ужынам, а республикыштына чылаже 1960 ФАП уло. Мутлан, ик ФАП Кугу Отечественный сар жапыште военнопленный-влакым кучымо баракыште верланымым ужынам, вес ФАП йєршын XIX курымышто чонымо зданийыште верланен ыле. Кужу жап нине ФАП-влакым нигє саемдаш шонен огыл, а вет лач яллаште илыше-влак пўтынь медицинылан акым шындат. Тидлан кєра ме тошто ФАП-влакым уэмдаш лийна. Тыште Россий Федераций Президент В. Путинлан тау мутым каласыме шуэш. Тудо медицинын тўналтыш звеножым комплексно модернизироватлыме программым йєплен. Тиде пеш кўлешан документ, тудын почеш суапле пашалан шагал огыл окса ойыралтеш. 2025 ий марте Башкортостан Республик 18 млрд тенге оксам налшаш. Сай могырко вашталтышым Мишкан районат шижын. «Здравоохранений» национальный проект полшымо дене у фельдшерско-акушерский пункт-влак Арзамат, Измар, Улыл Памаш, Татарбай да Козаш яллаште почылтыныт. Верысе калыкым тиде паша моткоч куандарен, кызыт нуно икымше полышым сай зданийлаште налыт, тушто нуным изишак эмлен колташ чыла йєн уло. - Медицинский полышым калык илыме верыштыжак налын кертшаш, тыгай полыш деч посна калыклан илашыже комфортан условийым ышташ ок лий. У ФАП-влакым почмылан кєра яллаште илыше-влак икымше полышым шке ялыштышт налын кертыт, туштак прививкым ыштыкташ, тазалыкым текшыраш, Мишкан рўдє районный больницыш врач деке возалташ йєн уло, - каласен Мишкан ЦРБ-н тўн врачше Валерий Гареев. Козаш да Пўрємучаш яллаште илыше-влаклан у ФАП медицина полышым йодын мийыме тўн верыш савырнен. Фельдшер пашам тушто Ираида Зайнитдинова шукта. Тудо Озерка ялыште шочын-кушкын. Школ деч вара Пўрє оласе медицина училищыште тунемын. Тунем лекмекыже, ўдырым жаплан Козаш ялысе ФАП-ыш пашам ышташ колтеныт. Ик ий гыч, верысе фельдшер пашашкыже пєртылмеке, И. Зайнетдиновам Йылыш ялысе ФАП-ыш кусареныт, тушеч – Озерка ялыш. Но пўрымаш фельдшерым икымше паша верышкыже пєртылтен. Удыр Пўрємучаш ялысе рвезым йєратен шынден улмаш да лач тудлан марлан лектын. Тыге Козаш ялысе ФАП-ыш пєртылын. Тушто 1999 ий гыч чарныде пашам ышта. - Пашана мемнан, шкат паледа, паша жап мучашыш шумо дене ок пыте. Калык ўжеш гын, пелйўдымат лектын кайыман. Тыгай годым иктым гына шоналтеш – энгекыш логалшылан але черланышылан кузерак полшаш? Кузерак вараш кодаш огыл? – ойла фельдшер. – Паша тымарте 7 шагат эрдене тўналын. Вет ен-влак толмо деч ончыч конгаш олташ, арулыкым пурташ кўлын. Модульный ФАП-влак нерген шукерте ончыч колылтын да тыгай зданийыште пашам ышташ тўналмым кужу жап вучалтын. Республик правительствылан, муниципалитет, сельский поселений администраций вуйлатыше-влаклан, ял калыклан тыгай чапле зданийым чонаш полшымыштлан чон гыч лекше тау мутым ойлем, - ойла Ираида Александровна. Вашке полышын пашажымат саемдаш тыршыме. - 2024 ий гыч Башкирийыште вашке полышышто пашам ыштыше фельдшер, врач, водитель-влак тылзе еда ешартыш надбавкым налыт. Окса вес ийланат ойыралтын, - палдарен Башкортостан Республикысе Здравоохранений министр Айрат Рахматуллин вияш линий дене Радий Хабировым. Ушештарена: вашке полыш пашаен-влаклан ешартыш тўлам тўлымє нерген указым республик вуйлатыше 2023 ий февральыште подписатлен. Вашке полышын психиатрический бригадыжым ўжмашым приниматлыше медсестра ден тиде структурысо младший персоналлан 4500 тенге ешартыш тўла тўлалтеш. Территориально-участковый принцип почеш икымше медико-санитарный полышым ончыктышо да калыкын тазалыкшым диспансерно эскерыше кыдалаш профильный образованиян специалист-влаклан – 6500 тенге. Спецпсихбригаде фельдшер ден медсестра-влаклан – 7000 тенге, тиде подразделенийысе врач-влаклан – 11500 тенге, «вашкеполыш» водитель-влаклан – 12000 тенге, участковый врач-влаклан – 14500 тенге. Мишкан рўдє районный больницылан «Здравоохранений» нацпроект кышкарыште шукерте огыл «Газель» автомобильыште верланыше кусныл коштшо фельдшерско-акушерский пунктым пуымо. Эртыше ийыште тиде нылымше у автомобиль лийын. Тыгай кусныл коштшо ФАПвлак калыкын тазалыкшым тергаш да медицина полышым изи яллаште ончыкташ полшат. Мишкан районланат тўрлє техника ден оборудований-влакым колтен шогымо куандара, вет медицина полышым изи яллаштат кажне ен налын кертшаш.

Фирдаус КАДИКОВА