«Тек шинчада эре куан дене волгалтеш»

Республик вуйлатыше Радий Хабировын темлымыж дене, республикыштына «Башкирийыште кужу ўмыр» программе илышыш шы‰даралтеш. Тудын полшымо дене илалше-влак тўрлє вере миен толын кертыт. Проект 2020 ий октябрьыште пашам ышташ тўналын. Тудын полшымо дене ныл ий жапыште ятыр илалше ен путешествийыш миен толын. - Кодший Башкирийышке турист семын 2 миллион утла е‰ толын, тений турист-влакын чотышт эше 20 процентлан артен, - каласен Радий Хабиров. – Ме Приволжский федеральный округышто туризм виянме шотышто кумшо верыште улына. Турист-влакым республикышкына кондаш федеральный бюджет гыч оксам ойырымаш полшен. Оксам шагал огыл ойырымо – 1,5 миллиард тенгем. «Башкирийыште кужу ўмыр» эн сай практик фестивальыш илалше-влак Башкортостан Республикысе кандаш район гыч толыныт. Нуно Мишкан районысо культура дворецын сценыштыже шкеныштын усталыкыштым ончыктеныт. Мероприятий илалше-влакын усталыкыштым почаш, пенсийыш лекмекышт, илышыште шке верыштым муаш полшаш, тазалыкыштым аралаш, талантан илалше-влакым рашемдаш да усталыкыштым эшеат вияндаш полшаш виктаралтын. Фестивальым «Тазалык искусство» калыкым таза илышым илаш кумыландыше региональный общественный организаций, «БР-се муниципальный образований-влак совет» ассоциаций, БР-се еш, паша да калыкым социально аралыше министерстве ямдыленыт да эртареныт. Конкурс ондак тўрлє зонылаште эрта, пытартыш этапше Уфа олаште эртаралтеш. Районысо Культура дворецыште уна-влакым марий муро дене «Ужара» мурышо калык ансамбль вашлийын. - Поро кече, пагалыме унавлак! Салам лийже, шерге йолташ-влак! – саламлалтын унавлак дене мероприятий вўдышє Регина Исмагилова. – Мишкан мланде «Башкирийыште кужу юмыр» республиканский фестивальын участникше-влакым шокшын саламла! Фестивальышке Аскын район гыч «Ак калфак» команде толын, Пўрє район гыч – «Биряночки», Благовещенск район гыч – «Второе дыхание», Караидель район гыч – «Василисы», Кушнаренке район гыч – «Добрые сердца», Нуриман район гыч – «Оптимисты», Чишма район гыч – «Клуб здоровья». Мишкан районын чапшым «Вдохновение» команде арален. Нине команде-влак иктаж направлений почеш могай-гынат пашашт - практик дене онайын палдарышаш лийыныт. Направлений-влак илалше-влакын тазалыкыштым аралыме, нуным туныктымо, туризм, физкультура, волонтерство да наставничество, илалше-влакын парышыштым кугемдаш тыршымаш, культура да творчество дене кылдалтыныт. Команде-влакын визитный карточкышт ден видеоролик-влакым посна жюри аклен. Тушко пуреныт: Мишкан район МР администрацийын икымше заместительже Лариса Александрова, Башкортостан Республикысе еш, паша да калыкым социально аралыше министерствын ветеран ден моло граждан-влаклан социальный полышым ончыктымо шотышто отделже начальникын заместительже Лениза Салишева, калыклан социальный полышым ончыктышо республиканский рўдерын калык дене кыл шотышто специалистше Олеся Неметова, «Тазалык искусство» Башкортостан Республикысе калыкым таза илышым илаш кумыла‰дыше региональный общественный организаций правлений председатель Рима Шайдуллина, Сарын, пашан, Вооруженный Вийын да законым аралыше органын ветеранже-влак республиканский совет председатель Валерий Шарипов. - Илалше-влаклан пашам тыршен ыштымыштлан, эре ончылно лияш тыршымыштлан кугу таум ойлем, - каласен фестивальын участникше-влаклан Лариса Александрова. – Те сар деч вара элым нєлтенда, тудым виянденда. Самырык-влакым патриот шўлышеш воспитатлаш тыршенда. Тек тендан чолгалыкда нимучашдыме лиеш, а шинчада эре куан дене волгалтеш. Те чылалан пример улыда. Тек Мишкан мланде чылаландат проектда дене сайынрак палдараш полша. Тышке толшо кажне команде шке семынже онай, сенышым рашемдаш пеш неле лиеш. Тидлан кєра жюрилан онай пашам тыланем. «Тазалык искусство» Башкортостан Республикысе калыкым таза илышым илаш кумыландыше региональный общественный организаций лўм дене илалше-влакым Рима Шайдуллина саламлен: - Кызыт конкурсын зональный этапше-влак эртат, тудын пытартыш ужашыже Уфа олаште эртаралтеш. «Башкирийыште кужу ¢мыр» республиканский фестиваль Башкортостан Республик вуйлатышын грантшылан сеныше-влак радамышке пурен. Тыгай мероприятий-влак эре ямлын эртат. Команде-влаклан ўшаным тыланем, кеч-могай верым налыда гынат, те шкендан проектда эн сай улмылан ўшанышаш улыда. Кеч-мо гынат, те чыланат историйыш пуреда, вет тиде фестиваль икымше гана эртаралтеш. Сценышке эн ончыч Аскын районын «Ак калфак» командыже лектын. Нуно муро полшымо дене «Башкирийыште кужу ўмыр» прграммышке ушнаш ўжыныт. Караидель районын командыже тора гычак койын. Нуно чыланат нарынчалге-яндар футболкым чиен толыныт. «Василиса-влак» чыланат физкультура да спорт дене кылым кучат, шкеныштын коллективыштым командылан огыл, а кугу ешлан шотлат. Кушнаренке район гыч толшо уна-влак сценышке пилот-влак семын лектыныт. Нунын командышт «Добрые сердца» манылтеш. Лўмжє раш палдара – нине ен-влак волонтер улыт. Шочмо районыштышт илем-влакым тўзатыме, нуным арулыкышто кучымо верч тыршат. Благовещенск районын командыже «Второе дыхание» манылтеш. Нуно усталыкышт да лывыргылыкышт дене ончышо-влакым чылт єрыктареныт. Удырамаш-влак саксофон сем почеш йўксє куштымашым куштеныт, тидын годым шпагатыш шинчыныт. Мемнан «Вдохновение» лўмым нумалше командына сад паша дене кылдалтше проектым ончыктен. Илалшына-влак шке кидышт дене куштымо пеледыш, эмшудо, пакчасаска-влак дене палдареныт. Конкурсный программе пытымеке, Рима Шайдуллина погынышо-влакым вес онай проект дене палдарен. Тудо «Кугырак тукым декада» манылтеш. - «Кугырак тукым декада» фестиваль республикыштына икымше гана 2022 ийыште эртен, - каласен Р. Шайдуллина. – Тений тудо 1 гыч 10 октябрь марте «Зеленая роща» санаторийыште эрта. Фестиваль лекций-влакым колыштмаш, мастер-класс-влакым эртарымаш, скандинав йєн дене коштмаш да моло мероприятий-влак гыч шогаш тўналеш. Выступлений-влак деч вара жюри иктешлымашым ыштен. «Башкирийыште кужу ¢мыр» республиканский фестивальын Мишканыште эртыше зональный этапыштыже III степенян лауреат лўмым Кушнаренке районысо «Добрые сердца» командыже сулен налын. Караидель районысо «Василисы» команде II степенян лауреат лийын. Мишкан районысо «Вдохновение» команде I степенян лауреат лиймыж дене кугешнен кертеш. Гран-прим гын Благовещенск районысо «Второе дыхание» команде сенен налын. Мероприятий мучаште Мишкан районысо ветеран-влак совет председатель Юлия Балахнина жюрин членже-влаклан тиде фестивальым шарнен илашлан верысе краевед да мер пашаен Рита Ялаеван книгажым кучыктен. - Мемнан тукымна Башкортостан Республик вуйлатышылан «Башкирийыште кужу ўмыр» проектлан илышым пуымыжлан тау мутым ойла, ме фестиваль лач Мишкан селаште эртыме дене кугешнена, - каласен Юлия Григорьевна. – Тиде мероприятийыште Ирсай гыч Андрияновмыт, Кемий гыч Исадыковмыт, Йылыш гыч Сайфутдиновмыт участвоватленыт. Программе полшымо дене ветеранна-влак спортивный секцийлашке, Мишкан селасе «Триумф» физкультурно-тазартыме комплексысе бассейныш, экскурсий дене Российысе тўрлє олалашке коштыт. Тауштыме шомакше деч вара тудо погынышо-влакым «Вдохновение» командын участникше – эмшудым погышо Анатолий Тимуршин дене палдарен да мутым пуэн. - Мишкан мланде эмшудылан моткоч поян улеш, - каласен А. Тимуршин. - Мишкан мландым шарнен илыза манын, мый чылаландат эмшудым пєлеклем. Фестиваль мучаште БР-се еш, паша да калыкым социально аралыше министерстве лўм дене Лениза Салишева мутым налын. - Мишкан районысо культура дворец пашаен-влаклан, Мишкан район МР администрацийлан шокшын вашлиймыштлан чон гыч лекше тау мутым ойлем. Фестивальын пагалыме участникше-влак, те чыланат онай деч онай практикым ончыктенда. Тендам ончен тендян гаяк чолга да чулым лийме шуэш.

Виктория ИШМУРЗИНА