Келшымаш
+9 °С
Пылан
Все новости
Тӱрлӧ
21 Ага , 14:38

Йєратыме паша – чонлан куан

Альбина Сабирова индивидуальный предприниматель-подолог улеш

- Шке пашам почаш шонымаш шукерте ончыч шочын, но тидым ышташ куштылго ок лий, - ойла Альбина. – Ту жапыште Мишкан селаште клиентлан бьюти услугым тичмаш налын кертшашлык ик моторлык салонат лийын огыл. А. Сабирова шонымашыжым 2019 ийыште шуктен, тунам тудо селаштына «Astudio Beautu House» моторлык студийым почын. Альбина шкаланже подологий направленийым ойырен налын - ўдырамаш-влаклан кўчышт ден йолгопаштым моторештараш, тўрлє чер деч эмлаш полшаш тўналын. А. Сабирова Свердловск оласе Первоуральск олаште шочын. 13 ияшыж годым ешыже Янаул олашке куснен толын. Школым тунем пытарымеке, ўдыр Нефтекамск олаште машиностроительный техникумышто тунемын. Тудым тунем пытарымеке, Ижевск оласе Калашников лўмеш государственный технический университетыште тунемын да машиностроений инженер профессийым налын. Профессийже почеш пел ий Нефазыште пашам ыштен, ончыкылык Ильдар пелашыжым лач тушто вашлийын. Мужыранмеке, самырык-влак Мишкан селашке илаш кусненыт. Но Мишканыште инженер-влаклан паша уке, тидлан кєра ўдырамашлан профессийжым вашталташ пернен. Тудо заочно Россий университетыш тунемаш пурен да юрист профессийым налын. «Финансистъ» КПКште, «Мои документы» МФИ РГАУ-што, район администрацийысе архитектура отделыште тўн архитектор лийын ыштен. Туге гынат, ўдырамаш шке пашажым почаш шонен пыштен. Ондак парикмахер лияш шонен, но ик жап гыч подолог лияш кумыланын. Тыге ўдырамаш у пашалан тунемаш тўналын, тўрлє занятийлашке коштын. Тыршымыже арам лийын огыл, тидым кабинетыштыже кечыше 30 сертификат пенгыдемда. - Мый декем утларакшым илалше да инвалид-влак коштыт, - шуя умбакыже Альбина. - Южыжо студийыш кокымшо пачашыш кўзен кертын огыл, тидлан кєра мый нунын деке шке миенам. Чыла кўлеш оборудований ден инструмент-влакым поген кошташ, конешне, куштылго огыл, но чыла нелылыкымат сеныме. Студийыште ныл ий ыштымеке, мый икымше пачашыште верланыше посна кабинетыш куснаш шонен пыштышым. Ынде мый декем чыла енат пурен кертеш. Кабинетым «Пятерочка» магазиныште арендоватлем. Икана бизнес-шериф Д. Муртазинын телеграмм каналыштыже социальный предпринимательство темылан статьям ужым да тиде статусым налаш кумыланым. 2023 ий шошым бизнес-план дене йодмашым пуым. Ик жап гыч регистрацийым эртыме да кок арняш курсым тунем лекташ кўлмє нерген уведомлений тольо. Мый тунем лектым да шыжым «Социальный предприниматель» статусым нальым. Районыштына шонгыен ден инвалид-влаклан «Еш» пансионат уло. Мый нунын кокла гыч кєлан-гынат полшен кертам. Кызыт лач тиде пашам шуктем. Пансионатын директоржо Г. Магзумова, полыш кўлеш гын, виклан йынгыртен ўжеш але пациентым шке кондат. Илалше-влаклан полыш кўлеш гын, нунылан полшаш тыршыман. Мучашлан ешарем: йолдам аралыза! Нуно тендам илыш мучко нумалын коштыт. Сабировмыт ешыште кок икшыве кушкеш. Кугурак Ильяс эргышт 15 ияш улеш, Мишкан селасе 1 №-ан лицейыште 8 классыште тунемеш. Ляйсан ўдырышт – тиде лицейыштак 6 классыште. Коктынат спорт дене кылым кучат. Эргышт каратэ дене Башкирийын чемпионжо улеш. удырышт ўстел теннис дене модаш йєрата. - Икшывына-влак ачашт гай улыт, - ойла Альбина. – Тудо многоборец улеш. Ожнырак призовой вер-влакым налын. Тыге икшывына-влакат спорт деке шўманыныт. Альбинат пелашыж ден икшывыже-влак почеш ок код – телым ече дене коштеш, ке‰ежым эр еда куржталеш, кумылын бассейныш коштеш. Альбина Диларовна деке полышым йодын моло районла гычат толыт. Ен- влакын тудын пашажым моктымым мый ик гана огыл колынам. Шкаланемат тудын пациентше лияш пиал шыргыжын. P. S. Моторлык кече-влак выставке кышкарыште Уфа олаште 23 гыч 25 апрель марте «Шєртньє шерге» маникюр да педикюр дене тўнямбалсе чемпионат эртен. Районын чапшым тушто педикюр дене подолог-мастер Альбина Сабирова арален да 3-шо верым налын.

Венера АГЛЯМОВА

Автор:Венера Аглямова