«Кидпашам ышташ изинек йєратем»

Чыла енат моторлык ден о‰айлыкым йєрата. Но южо ен тыгай онайлык ден моторлыкым шке кидше дене ыштен мошта. Нунын кидпашашт ятыр е‰ын кумылжым нєлта. - Тўрлє кидпашам ышташ изинек йєратем, - ойла Лилия. – Мый спице да крючок дене пидаш, крестик дене тўрлаш школышто тунеммем годымак тунемынам. Чылажланат мыйым авам туныктен. Ондак – носким пидаш. Вет ешыштына вич икшыве лийын, кажныжлан пидаш кўлын. А авалан кє полша? Конешне, ўдыржє. Вет ешыштына мый шкетын ўдыр икшыве лийынам. Авамлан изинек тўрлє кидпашалан туныктымыжлан чон гыч лекше тау мутым ойлем. Изиш кугеммекем, мылам пидме паша нерген книга ден журнал-влакым пєлеклышт. Мый схеме-влак почеш тўрлє тўрым тўрлаш тунемым да шкалам икымше кофтым пидым. Умбакыже паша шкак кидышкем толаш тў‰але. Кидышкем крючокым нальым да салфетке, шовыч-влакым пидаш тў‰альым. Варажым шўжарем-влаклан тувыр-влакымат ургышым. Марлан лекмекыже да эргыже-влак шочмеке, Лилия Имаевалан кидпашам ышташ жапше кодын огыл – икшыве-влакым ончаш да пєртым чо‰аш полшаш кўлын. Но ныл ий ончыч уэшын йєратыме пашажым шукташ жапым муын да марий тўр-влакым тўрлаш тўналын. Тиде ийыште Мишкан села лачак финн-угор тўнян тўвыра рўдерже ыле. Мый тўрлє книга да Интернет полшымо дене тўрлаш тўнальым. Лилиян усталыкше кажне ийын кушкеш. Марий ўдыр ден вате-влаклан тудын сєрастарыме ўзгарже – кєрж ден кулонжо-влак пеш келшат. Кидпашазе, паша гыч пєртылмеке да чыла сомылым ыштымеке, йєратыме пашажланат жапым муэш. Лилия Имаева ик гана огыл творческий выставке ден мероприятийлаште участвоватлен, тудын пашаже-влакым Марий ИКЦ-ште эртыше мероприятийлаште ужаш лиеш. - Иктаж ўзгарым ыштен пытаремат, шўм-чонем моткоч куана! Марий тўр-влакын, очыни, чынжымак юзо вийышт уло. Нуным тўрлен, шўм-чонемлан лайык чучеш, кумылем нєлтеш. Лилия Имаеван ончыкылыклан паша планже изи огыл, тудо эше ятыр серлагыш ден сєрастарыме ўзгарым ышташ шона. Творчествыже шагал огыл жапым налеш гынат, озавате чыла сурт сомылымат жапыштыже ышташ жапым муэш. Тудын сурт-оралтыштыже эре арулык озалана. Пєрт кєргыштыжат, сад-печыштыжат ятыр пеледыш кушкеш, пакчаштыже – пакчасаска. Лилия канцелярий вуйлатыше лийын ышта, кызыт изи икшывым ончымо шотышто отпускышто улеш. Владимир пелашыж дене коктын нуно кум эргым да ик ўдырым куштат: Максимым, Игорьым, Антоным да Екатеринам. Владимират шєртньє кидан улеш. Тудо бытовой техникым да электроникым олмыкта. Ешым тиде паша денак пукша. А Лилия тыгак книгам лудаш йєрата улмаш. Ик эн йєартыме книгаже - Рэй Бредберин «451 градус по Фаренгейту» научно-фантастический романже. Ме Лилия Имаевалан усталыкшым эшеат чот вия‰даш да мемнам марий тўр дене сєрастарыме эше шуко ўзгар дене куандараш тыланена!

Светлана ТОЙМУРЗИНА.