Ме шарнена...

10 шагатлан Сенымаш мемориал ден Курымашлык тул воктене Кугу Отечественный сарыште кредалше-влакым ушташ Мишкан селасе предприятий да учреждений пашаен, пенсионер, студент, тунемше-влак погыненыт. Игече йўштє лийын гынат, тиде йўштє калыкым изишат лўдыктен огыл. Тиде тыгак лийшаш. Вет 79 ий ончыч мемнан салтакна да тылыште тыршыше-влаклан тылеч ятырлан чот йўштым се‰аш пернен. Нуно лўдын огытыл гын, меат лўдшаш огынал. Ончылгоч каласыде ок лий: йўштє дечын изи йоча-влакат лўдын огытыл – нуно парад дене ошкылаш эрдене эрок ямдылалташ тў‰алыныт. Погынышо-влакым ондак Мишкан район МР администраций вуйлатыше Павел Трапезников саламлен. Тудын деч вара Мишкан да Бурай районласе военный комиссариатын старший специалист экспертше, посна военный операцийын ветеранже, младший лейтенант Александр Иванов да районысо ветеран организаций бюрон членже, Мишкан сельсоветысе тўналтыш ветеран организацийын председательже Харис Гайфуллин выступатленыт. Самырык-влак лўм дене тауштыме шомакым Мишкан селасе 2 №-ан шуко профилян полилингвальный школышто 11 классыште тунемше, отличник, Экологий да литератур дене тунемше-влак кокласе всероссийский олимпиаде-влакын региональный этапыштын призержо, «Идалыкын тунемшыже-2022» районысо конкурсышто сеныше, «Икымше-влак движенийын» чолгае‰же Анна Сайфулина ойлен. - Ме, мыланна тыныс илышым пєлеклыше-влаклан кєра, сарын шучкылыкшым ужын огынал. Тидлан кєра, самырык тукым лўм дене, шочмо элнам тунам да кызыт аралыше-влаклан чон гыч лекше тау мутым ойлем. Нуно мемнан пиалан илышна верчын шкеныштын илышыштым чаманен огытыл. Ме элнан ончыкылыкшо улмынам шарнен илена, вет лишыл жапыште тудын ончыкылыкшо верчын мутым лач ме кучаш тўналына. Шочмо элнамат лач мыланна аралыман. Уло самырык тукым лўм дене россий калыкын да кугезына-влакын чапыштым волташ огыл товатмутым пуэм. Кугу Отечественный сар нерген шарнымашым ме тукым гыч тукымыш аралаш тўналына, икшывына ден уныкана-влакымат нацизм ден фашизмым сеныше кугезына-влак нерген палдараш тўналына. Сенымашлан тений 79 ий темын. Тиде ик айдеме ўмыр. Военный хроникым ончымына годым ме иктым шонена: кузе мемнан кочана ден кугезе кочана-влак тыгай шучко тушманым сенен кертыныт? Ме нунын геройлыкыштлан, лўддымылыкыштлан вуйнам савена! Торжественный выступлений-влак деч вара Кугу Отечественный сарыште кредалше, сенымаш дене пєртылшє да согыш пасушто вуйыштым пыштыше-влакым тып минут шоген уштымо. - Сар нерген шарнымаш ондак тушто кредалше-влак, Кугу Сенымашым лишемдыше-влак нерген шарнымаш, - каласен торжественный митингым вўдышє Василий Кутлуметов. – Ятыр ий эрта да элыштына моло кугу событий-влак лийыт гынат, Кугу Отечественный сарыште Сенымаш да кугезына-влакын подвигышт нерген шарнымаш нигунам огыт мондалт! Тиде шомак деч вара Сенымаш мемориал воктеке пеледыш аршаш-влакым пыштыме. Митинг деч вара Се‰ымаш кечылан лўмлалтше парад эртен. Мишкан урем дене тиде кечын Мишкан селасе Ф. Буляков лўмеш 1 №-ан лицейыште генерал Шаймуратов лўмеш классыште, Мишкан селасе агропромышленный колледжыште, Мишкан селасе 2 №-ан шуко профилян полилингвальный школышто, Ирсай ялысе А. Искандаров лўмеш кыдылаш школышто тунемше-влак, Афган сарын да боевой действийын ветеранже-влак да моло эртеныт. Нунын коклаште моряк формым чийыше изи йоча-влак лийыныт - моло дене пырля марш дене Мишкан районысо «Василёк» 2 №-ан йоча садын филиалжын воспитанникше-влак эртеныт. Нине йоча-влакым Мишкан районысо Теныз братсво шефствыш налын, пайрем вашеш йоча-влаклан моряк формым лач тиде братство пєлеклен. Подготовительный группыш коштшо йоча-влак кугые‰-влак коклаште изишат єрын огытыл, нуно марш дене моторын койын да раш тошкалын ошкылыныт. Мишкан районысо Теныз братство председательын заместительже Вячеслав Сабиров ача-ава-влаклан, физический культура дене инструктор Лариса Арсентьевалан, музыкальный вуйлатыше Анастасия Кутлуметовалан, воспитатель-влак Лилия Абдуловалан, Ольга Иликбаевалан, Екатерина Шайдуллиналан, Эльвера Мукимовалан йоча-влакым парадлан ямдылымыштлан кугу деч кугу таум каласа. Маршироватлыше йоча да кугыен-влак деч вара урем дене стилизованный техника эртен. Парад деч вара калык Культура дворец ончылно погынен – тушто «Кугу май! Кугу Сенымаш!» лўман пайрем концертым ончыктымо. Сценыште тиде кечын районысо Культура дворецын пашаенже да Йоча искусство школын воспитанникше-влак выступатленыт. Пайремым шкеныштын выступленийышт дене тыгак йоча искусство школын педагогшо Надежда Иванова, Анастасия Белоусова ден Элла Янгуатова (Пўнчер ялысе культура пєрт), Настася Александрова (Монар ялысе культура пєрт) сєрастареныт. Концерт годым сар нерген да сар жапысе муро-влакым йонгалтарыме. Нине муро-влак согыш жапыште мемнан салтакна-влакын шўм-чоныштым ырыктеныт да нелылыкым се‰аш полшеныт. Муро тылыште тыршыше-влакланат полшен. Нуныланат, тылыште лийыныт гынат, пашам шуко ышташ да ятыр орлыкым чыташ пернен. Ончышо-влаклан артистна-влакын выступленийышт моткоч келшен, нуно кажне номер деч вара совыштым рўж кыреныт. Ме ўшанена: тыгай мероприятий-влак йоча ден самырык-влакын шўм-чоныштышт патриотизм шўлышым вияндат да сайлан ўшаным шочыктат. Вет историйна рашемден: кеч-мыняре неле лиеш гынат, калыкна, пырля ушнен да ик оян лийын, кеч-могай туткар ден тушманым се‰ен кертеш. Йоча ден самырыкна-влак кугезына-влакын подвигыштым шарнен илаш тўналыт гын, ончыкыжым нунын гаяк пенгыде да чолга лийын кушкыт. Кугу Отечественный сарыште Се‰ымашлан лўмлалтше концерт «День Победы» муро дене мучашлалтын. Тиде муро пайрем кечын уже ятыр ий йонга да Се‰ымашын ик символышкыжо савырнен. Тиде кечын шинчавўдым лукшо пайрем нерген мурым Анатолий Шамшиев дене пырля Мишкан селасе культура пєртын пашае‰- же-влак хор мурен. Нунылан мураш площадьыште погынышо калыкат полшен. Концерт жапыште районысо Культура дворец ончылно, посна зритель семын, парадыште участвоватлыше техника шоген. Кумылан-влак нунын ончылно возалтын кертыныт.

Светлана ТОЙМУРЗИНА.