Келшымаш
+24 °С
Йӱр
Все новости
Тӱрлӧ
23 Апрель , 11:25

«Еш – кумыла‰дыше памаш»

Марий историй да тўвыра рўдерыште «Чон сандалык» музыкально-поэтический кас эртен

«Еш – кумыла‰дыше памаш»
«Еш – кумыла‰дыше памаш»

Тиде мероприятий самодеятельный автор да поэтесса Светлана Салиеван творчествыжлан 25 ий теммылан лўмлалтын. - Творчествем «Мишкан – мыйын шулдыр» книга лекме деч вара виянаш тўналын, - палдарен мероприятий тўналтыште Светлана Ивановна. – Вячеслав Абукаев-Эмгакын тыршымыж дене лекше тиде сборник латкок авторын произведенийлашт гыч шога. Мыламат нунын коклаш логалаш пиал шыргыжын. Тыге Вячеслав Александрович мыйым творчествем вияндаш кумыланден кертын. Тидлан тудлан кугу деч кугу тау! А почеламут ден муро-влакым мураш авторым ешыже, шочмо вер-шєржє деке йєратымаш, самырык ден шон- гылык кокласе кучедалмаш, тыныслыкым вучымаш, куан ден ойго кумыландат. Ниным чыла тудын произведенийлаштыже лудаш лиеш. Автор тыгак пеш сайын мура, чўчкыдын шкенжын мурыжо-влакым шкеак йонгалтара. Тиде кечын гын тудын мурыжо-влакым «Ужара» (Светлана Каншаева вуйлата), «Мишкан сем» (Тамара Исадыкова), РДК пеленсе калык хор (Олеся Мустафина), Анастасия Белоусова да Алексей Ибулаев муреныт. Но мероприятийышке посна сылнылыкым, конешне, Светлана Салиеван шкенжын выступленийже пуртен. Тудо кумылым савырышын «Мый сарым ужын омыл» почеламутшым лудын, тиде почеламутын темыже кызыт шуйнышо посна военный операций дене кылдалтын. Самодеятельный авторым творческий юбилейже дене Мишкан районысо Культура отдел вуйлатыше Радион Плотников, Мишкан районысо «Эрвел марий» калыкле-тўвыра автономий вуйлатыше Валерий Байбулатов, «Вдохновение» илалше-влак кылым кучымо рўдерын представительже-влак, «Чолман» газетын тўн редакторжо Игорь Губаев саламленыт. Саламлымашке тыгак поэтессан йолташыже да творчествыжым аклыше-влак ушненыт. Поро шомак, тауштыме серыш, пеледыш аршаш-влак ўдырамашын кумылжым палын нєлталыныт. Тидыже, ныжылгын шыргыжмашыжым да пиал дене волгалтше шинчажым ончалмеке, раш койын. Мероприятийышке пайрем шўлышым тыгак Светлана Ивановнан эргыж ден уныкаже-влакын «Браво» группын репертуарже гыч муро-влакым йонгалтарымаш пуртен. Ончышо-влаклан нунын усталыкышт моткоч келшен. Выступлений-влак музыкально-поэтический касын лўмжым чылт рашемден почыныт, тудлан арам огыл «Чон сандалык» лўмым пуымо улмаш – ончышо-влак, Светлана Салиеван почеламутшо ден мурыжо-влакым колыштын, чынжымак тудын чон сандалыкышкыже логалыныт. Авторын мутшо почеш, тыгай нажыл да ямле произведений-влакым возаш тудым эн чот ешыже кумыла‰да. - Еш – кумыла‰дыше памаш, а икшыве ден уныка-влак чон сандалык улыт, - ойла Светлана Ивановна. Тудо «Лий воктенем, пиалем», «Мутланал мый денем, шўдырем» соборник-влакын авторышт улеш. Лишыл жапыште кумшо книгам лукташ планым ыштен. Светлана Ивановналан творчествыжым эшеат вияндаш да чыла шонымашыжым шукташ тыланена!

Виктория ИШМУРЗИНА.

Автор:Виктория Ишмурзина