Изижат, кугужат полшаш вашка!

Кызытсе жапысе согышышто маскировочный сеть-влак моткоч кўлешан улыт. Молан манаш гын, салтак-влаклан эре шылын шинчыман – нуным кўшычын нимо ужшаш огыл. Вет каваште чарныде беспилотник-влак пєрдыт, нуно салтакна-влак ўмбаке иктаж снарядым кудалтен але наводкым пуэн кертыт. Беспилотник-влак дечын маскировочный сеть-влак сайын аралат, нунын йымалне коштшо але шинчыше салтакым ужаш неле. Но кеч-могай сетьат мардеж да йўрыштє кужу жаплан ок чыте – кўрышталт пыта. Тидлан кєра тудым эре вашталтен шогыман. Салтакна-влакын илышыштым аралаш манын, кумылан-влак Россий мучко маскировочный сеть-влакым пидмашке ушненыт. Уялат суапле паша деч єрдыжеш кодын огыл. Тыште сетьым пидмашке изижат, кугужат ушнен. Умырышт мучко пашам ыштен илыше пенсионер-влак тиде пашам чулымын ыштеныт. Нунылан йоча ден самырык-влакат полшеныт. Пашае‰-влакын кумылыштым шкенжын мурыж дене Галя кокай – Г. Байрамалова нєлтен. Мурыжо тыгак патриот шўлышым пурташ полшен. Паша чылаже кок шагат наре жапым налын. Икманаш, ме, тыршена гын, кўчык жапыште икмыняр сеткым пидын кертына! А ял калыкын чолгалыкше нимучашдыме улмаш, суапле паша чыла енланат келшен. Эше ик сетьым, чыла налын ямдылымеке, лишыл кечылаште пидаш ямдылалтына.

А. КИЛИНБАЕВА.