Пайрем шўлышан сайлымаш

Россий Президентым сайлаш тиде участкыш эн ончычак вате-марий Зариповмыт толыныт. Нунын куштылго кидышт дене тиде участкыште сайлымаш кече тўналын. Эр гычак шке гражданский чолгалыкыштым да сай примерым илалше сайлыше-влак - вате-марий Кугубаевмыт ончыктеныт. 84 ияш Сайпаш Кугубаевич да 80 ияш Ольга Байдемировна, ончыкылык илышна верч азапланена да тыгай кўлешан событийыште єрдыжеш кодаш сулык, манын каласышт. Кугубаевмытым умылаш лиеш, вет нунын тукымыштым икшывышт, уныкашт да кугезе уныкашт-влак шуят. Нунын ончыкылыкышт верч эн ончыч тургыжланат. 2653 №-ан УИК Мишкан селасе 2 №-ан ПМШ зданийыште верланен. Тушто паша сайын организоватлалтын. Комиссий председатель Анжелина Яманаеван вуйлатымыж почеш, комиссий член-влак тиде кечылан чот тыршен ямдылалтыныт. - Сайлыме участкыште икшыве-влак дене пырля толшо ача-ава-влакым ужаш куанле, - манеш комиссий председатель. - Ача-ава-влак, шке гражданский праваштым шуктен, икшывыштлан сай примерым ончыктат. Сайлаш толшо-влакын кумылышт пеш сай. Мемнан пашана ласкан, тыматлын, деловой манме обстановкышто эрта. 2653 №-ан УИК-ште поро шўлыш комиссий член-влаклан кєра озалана. Комиссий член-влак кажне толшым шыргыж вашлийыныт. Сайлымашын кокымшо кечыштыже эн ончычак Ахматзия Галимзянов йўклен. Тиде кечын сай примерым илалше-влакат, самырык-влакат ончыктеныт. Мишканыште илыше 90 ияш Хамия Султаншина избирательный участкыш шкеак толын. Ийготшо кугу гынат, эше пеш чулым улеш. Шке илышыштыже тудо ик сайлымашымат коден огыл. Хамия Разимзяновна ўшана, кажне айдеме шочмо элжын илышыштыже участвоватлышаш. Тиде кечын самырык сайлыше Максим Ибаев икымше гана йўклаш толын. Торжественный обстановкышто тудым ты пале событий дене саламленыт. - Россий Президентым сайлымаште участвоватлаш мемнан элысе кажне гражданинын порысшо. Ме шке шонымашнам каласышаш, шке позицийнам ончыктышаш улына. Тидыже поснак самырык-влаклан кўлеш, вет ончыкылык мемнан кидыште, - каласен самырык сайлыше. Тиде участкыште тазалыклан кєра 14 ен толын кертын огыл, нунын деке комиссий шке миен. Тыныс илыш верч йўклаш Мишкан села гыч шуко икшыван Байбулатовмыт еш толын. Участкыш нуно чумыр еш дене толыныт. Еш вуй Вадим Валерьевич Мишкан ветстанцийыште ышта, сурт озавате - Мишкан ЦРБште. Кугурак икшывышт-влак - Карина ден Тимур - 1 №-ан лицейыште тунемыт, изи Амелиялан кызыт кум ий гына, йоча садыш коштеш. Байбулатовмыт ешым мый 2657 №-ан избирательный участке воктене (военкомат зданий) вашлийым. Йўклымашын икымше кечыштыже нуно эн ончычак толыныт. Ача-ава йўклаш икшывышт-влак дене пырля коштыт, тиде пеш сай. - Ача-авана мемнам йўклымашке эре пеленышт налыт, - ойла 16 ияш Карина. - Жап писын эрта, шижынат шукташ ок лий, мыланемат, ача-ава семынак, сайлаш жап шуэш. Мый нунын деч пален налынам, сайлымаште йўклаш - тиде мемнан элысе кажне гражданинын праваже. Ме шке шонымашнам, шке позицийнам ончыктышаш улына. Тидыже поснак мыланна, самырык-влаклан кўлеш. Вет ончыкыжым ме решатлаш тўналына, кузе тунемаш, пашам ышташ, кузе илаш. Кажне айдемын шке шонымашыже уло. А кызыт, ача-авана дене сайлыме участкыште улмо годым, йўклымаш кузе эртымым шекланен ончем. Тений мемнан ешна «Сайлымашке уло еш дене» акцийыште участвоватлаш кумыланын. «Сайлымаш - мыланна пайрем» - манеш Дигитаевмыт еш. Тє‰гак ялысе 2686 №-ан избирательный участкыште Вадим Иванович ден Инга Федоровна Дигитаевмыт ик эн ончыч сайлыме бюллетеньыштым урныш кудалтеныт. Тыгак нунын икшывыштат - Ирина, Дарья да Анастасия - гражданский порысыштым шуктеныт. Йўклымашке Ирина Вадимовнан 5 ияш ўдыржат толын. Сайлыме участке ял клубышто верланен. Тиде тєнгак калыкын ик эн йєратыме верже. Пайрем годым тышке изижат, кугужат чумырга. Теве сайлымашкат ен- влак чумыр ешышт дене толыт. - Мемнан клубышто эре волгыдо да йонгыдо, тыште чылалан келша. Теве ынде мый 28 ий тыште методистлан пашам ыштем. 11 ий Тєнгак ялыште УИК член лийынам. Кызыт Ардаш сельсоветыште депутат улам. Сайлымашке ме эре чумыр еш дене толына. Мыланна тиде пайрем. Тушко эре национальный вургемым чиен миена. Сайлымаш - кажне гражданинын илышыштыже пеш кўлешан событий. Мемнан сайлымашна деч шуко шогаш тўналеш, - ойла Инга Дгитаева. Палемден кодаш кўлеш, 2686 №-ан УИК-ште пашам пеш сайын организоватлыме. Инесса Андриянован вуйлатымыж почеш, комиссий член-влакын тиде кечылан тыршен ямдылалтмышт раш шижылтеш. 16 мартыште тыште концерт лийын. Сайлыше-влакым шке талантше дене «Алан» вокальный ансамбль куандарен. Лера Яншаева еш нерген почеламутым сылнын лудын, Валентина Зайнакаева мурым мурен, Байрамовмыт еш дуэтын выступленийже чылалан келшен. 2658 №-ан избирательный участке Ирсай ялыште верланен. Тиде участкыште сайлыме спискыш пуртымо ен-влаклан йўклашышт чыла условий ышталтын. Комиссий председатель Алена Калиеван мутшо почеш, икымше кечыштак ен-влак чолгалыкым ончыктеныт. - Сайлымаш кум кече шуйна, тиде сай, - манеш тудо. - Сайлымаш ласкан эрта, кугу черет уке. Кажне ен толеш, шке порысшым шукта. Мемнан дене эн ончычак Константин Шаяхметов йўклен. Тудын мутшо почеш, ийготыш шумеке, обязательно сайлымашке каем манын шонен. Ынде кугемын, но шке гражданский позицийжым ончыктыде ок кодо. СВО участникын аваже Оксиния Саляева мланде ўмбалне тыныслыкым тыланем манеш. Кумшо кечын кечываллан мемнан участкыште йўклышє-влакын 78 процентше шке порысшым шуктен. Медицина пашае‰ коллега-влак Людмила Байрамаловам, Елена Сайфулинам, Лариса Яниевам да Людмила Изибаировам ужаш кўмыллє лийын. Икте-весынам куанен саламлен, ме тўшка фотом ыштышна. Мемнан участкыште пайрем шўлышым «Чолга шўдыр» вокальный ансамбль пуртен. Тудо пеш ямле концертым ончыктен.

Светлана ТОЙМУРЗИНА.