Воин-землякна ок мондалт

Районышкына шукерте огыл эше ик ойго толын – адак ик землякна тушман дене кредалмаште вуйжым пыштен. Ирсай ялыште шочын-кушшо Илья Олегович Бикмурзиным пытартыш корныш 18 февральыште ужатыме. Посна военный операцийыште кредалше кажне салтакым геройлан шотлаш лиеш. Вет нуно е‰ ше‰гелан шылын кодын огытыл, а лўдде тушман дене кредалаш каеныт. А тушто чаманен моштыдымо колымаш тыйым кажне ошкылышто шучко кердыж дене солалташ ямде улеш. Чаманаш кодеш, шем колымаш осал сар-куралже дене мемнан эргына да шольынамат солалтен - тудын ўмыржє кенета кўрылтын... Но ўмыржє лугыч лийын гынат, ме тудым нигунам она мондо да элнан ўшанле аралышыже семын курымеш шарнен илаш тўналына. Лўмжє районын историйыштыже курым-курымлан кодеш. Землякнам пытартыш корныш ужаташ тудын родо-шочшыжо, пырля тунемме, пырля служитлыме йолташыже-влак, верысе военкоматын, район администрацийын представительышт, туныктышо-влак да Ирсай ден лишыл яллаште илыше тыглай ен-влак миеныт. Митингыште Мишкан да Бурай районласе военный комиссар Николай Дульцев выступатлен. Мутшым ойлен пытарымеке, тудо Илья Олеговичын аваже – Алена Ивановналан Мужество орденым кучыктен. Салтакын родо-шочшыж ден лишыл е‰же-влаклан чаманымаш мутым тыгак БР-се Государственный Погын – Курултайын депутатше, ял озанлык, экологий да пўртўс дене пайдаланыме йодыш-влак шотышто комитет председатель Ильшат Вазигатов, Мишкан район МР администраций вуйлатыше Павел Трапезников ойленыт. Илья Бикмурзин 2000 ий 21 сентябрьыште Метръялыште шочын. 1 гыч 9 класс марте Ирсай ялысе А. Искандаров лўмеш кыдалаш школышто тунемын. Варажым Мишкан селасе аграрный колледжыште шинчымашым поген. Тудым пытарымеке, Мишкан селасе «Орион» ОООшто водитель лийын ыштен. Рвезе 2018 ий 3 октябрь гыч 2019 ий 22 ноябрь марте армийыште служитлен. Армий гыч пєртылмекыже, вахта йєн дене республикына деч єрдыжтє пашам ыштен. 2022 ий 25 сентябрьыште мобилизацийыш логалын. Тыглай стрелок лийын. Землякнан ўмыржє 2024 ий 9 февральыште посна военный операцийыште воинский порысым шуктымо годым кўрылтын. Палемдыде кодаш ок лий, Ильян ачажат жапыштыже элна ончылно порысшым автоматым кучен шуктен – тудо воин-интернационалист лийын. Метръял ялын шочшыжо Олег Бикмурзин армийыш 1981 ий ноябрьыште каен. 1983 ий январьыште тудо Демократический Афган Республикыш логалын да тушто душман-влак дене кредалын. «Воину-интернационалисту от благодарного афганского народа», «70 лет Вооруженных сил СССР», «За отличие в охране государственной границы СССР» медаль-влак дене палемдалтын. Чаманаш кодеш, Ильян ачажын ўмыржє кок ий ончыч кўрылтын. Илышыште куан ден ойго коклан кенета вашталтыт. Коклан пўрымаш айдемылан иктаж пайремжым лайыкрак эртараш йєным пуа. Ильян аваже – Алена Ивановна денат тыгак лийын. Тудо 50 ияш юбилейжым эргыжын колымыж деч кум кече ончыч – 6 февральыште палемден. Икманаш, пўрымаш тиде лўмгечыжым палемдаш жапым пуэн. Но кум кече гыч ешышкышт кугу деч кугу ойго толын – эргыжын ўмыржє лугыч лийын. Икшывыжым йомдарыше аван шўм-чонжым нимо луштарен ок керт. Ойгыжым кеч изиш пасылтараш шомакым муаш нимучашдыме неле. Мый Ильям шкенжым пален омыл, но ўшанем – тудын дене аважат, акаж ден шўжаржат, йолташыже-влакат кугешнен иленыт да илаш тўналыт. Траурный митингыште Ильян класс вуйлатышыже Дилбар Валериевна Распаеват выступатлен. Тудо каласен: - Шкемын тунемшемым пытартыш корныш ужаташ моткоч неле. Мый тудым сай могырчын гына шарнем. Сандене але мартеат Илюша манам ыле. Школышто тудо эре сай могырчын гына ойыртемалтын: тыматле койышан, тыршышан ыле. Кўштымым эре шуктышан, ару, мутым кучышан ыле. Мый тудын лач мемнан школышто тунеммыже да мыйын тунемшем лиймыж дене кугешнем. Алена Ивановна, тыгай эргым ончен куштымыланда чон гыч лекше тау мутым ойлем да ойгыдам лош пєлем. Чеверын, Илюша, тек чонет волгыдо верыште лиеш. Тыныс омо дене мале. Тек кийыме мландет мамык гай пушкыдо лиеш… Илян пырля тунемме йолташыже Дмитрий Ишбулатовын ойлымыжымат чылан шинчавўд йєре колыштыныт. Тудын йолташыже могай лийыме нерген палдарен – Ильям чыланат ўшанле йолташ семын пагаленыт. Йолташыже-влак тудым, коклашт гыч каен гынат, ончыкыжымат пагален да шарнен илаш тў‰алыт...

Светлана ТОЙМУРЗИНА.