Сайлымаш-2024: Обходчиклан омсам почса

2024 ий 17 февраль гыч 7 март марте избирательный участковый комиссийын членже-влак, вес семын каласаш гын, обходчик-влак, республикысе чыла ола ден районлаште пачер да пєрт еда кошташ да Россий Федераций президентым сайлымаш эртыме нерген умылтарыме пашам намияш тўналыт. Сайлымаш деч ончычсо «переписьын» задачыже - регистрироватлалтше сайлыше-влакын спискыштым рашемдаш, могай йєн дене йўклаш лийме, суртышто йўклаш йодмашым ыштыме нерген умылтараш да йодыш-влаклан вашешташ. Обходчикым палаш неле огыл: тудо канде чия дене возыман ош тўсан манишка-накидкым чия. Тудын пеленже лиеш: канде тўсан, тасма гыч ургымо шопер-сумка, онеш пижыктыме знак, участковый избирательный комиссийын членже улмо нерген удостоверений, тушто фамилий да лўм возалтын, УИК председательын канде тўсан печатьше пышталтын, информационный лифлет да регистрироватлалтше кандидат-влак нерген информационный листовка. «Информ УИК» участник-влак специальный мобильный приложенийым кучылташ тўналыт, тушко анкетированийын данныйжым пуртат. Чылажат калык перепись годсо гаяк лиеш. Чумыр процесс икмыняр минутым гына налеш, - манеш Башкортостан Республикысе рўдє избирательный комиссий председательын заместительже Марат Гадилов. - Обходчик-влаклан пашам ыштымышт годым агитацийым эртараш чарыме, лач уверым гына пуышаш улыт. Республикыште илыше пагалыме ен-влак, обходчик-влаклан пашам ышташышт чаракым ида ыште».

Фирдаус КАДИКОВА ямдылен.