«Юбилей йолташ-влакым чумыра»

Кеч-могай учрежденийланат 50 ий - шагал огыл жап. Мишкан Тўвыра полат шке 50 ияш юбилейжым кугу концерт дене палемден. Лўмлє кечылан ямдылалташ ончылгочак тўналме. Пайрем мероприятийыште Тўвыра полатлан негызым пыштымаште шогышо да варажым тудым виянден толшо-влаклан шуко шокшо ойым да кугу таум ойлымо. Учрежденийын шумо сенымашыже-влакым да ончыкылык задача-влакым палемдыме. «Юбилей йолташ-влакым чумыра» пайрем кас Тўвыра полатын историйжым шергал лекташ, тудын кызытсе илышыжым ончалаш да ончыкылык нерген шоналташ эн келшыше йєн лийын. Пайрем касым вўдышє-влак Регина Исмагилова ден Василий Кутлуметов Тўвыра полатын «уремлаж» дене эрташ да тушто илыше-влак деке «унала» пурен лекташ ўжыныт. Путешествийым «Эрвел» куштышо коллектив деч тўналме, варажым «Березка» вокальный ансамбль ден «Ложкари» ансамбль деке вонченыт. Концерт программа «Тўвыра пашаен-влакын гимнышт» дене тўналын. Сценышке пайрем концертыште участвоватлыше-влак чылан лектыныт. А тиде жапыште экраныште тўрлє творческий коллектив-влак ончыкталтыныт. 50 концерт сезон - тиде шуко але шагал? Икте шагал манеш. Тудо чын лиеш - Тўвыра полат эше пеш самырык, вий-куат, чолгалык да мастарлык вия‰ме жапыште гына улеш. А весе шуко манеш. Тудат чын улеш. Пел курым жапыште шуко событий лийын, тўжем дене артист-влак тиде сценыште выступатленыт. Шўдє тўжем дене, можыч, миллион дене е‰-влак нунын концертыштым ончен, кидыштым кыреныт. Юбилей касыште залыште яра вер лийын огыл. Вўдышє-влак Тўвыра полатын 50 ияш корныжым тўрыснек шерын лекташ тыршеныт. Ончышо-влак экранлан кєра пел курымаш корным эртен кертыныт. Тўвыра полат деч посна районын илышыже тўрыс ок лий ыле. Вет ик концертат, ик мероприятият, ик событият Тўвыра полат деч посна ок эрте. Могайрак лийын вара мемнан Тўвыра полатна? Икмыняр фактым ончалына: 1973 ий марте районысо Культура пєрт изи пу зданийыште лийын. Тудо кызытсе Марий историй да тўвыра рўдер ден Сенымаш аллей коклаште лийын. Варажым тудо кызытсе зданийыш куснен, тидын лўмеш кугу концертым ончыктымо. Культура пєрт зданийышке Пионер пєрт куснен. Ту жапыште культура отдел вуйлатышылан Мария Николаевна Изергина ыштен. Варажым тудо БАССР культурын заслуженный пашаенже лўмым налын (1976 ий). 1973 ий ноябрь - ночко йўран шыже кече, но тиде кече мишкан калыклан ик эн куанле лийын - у Культура пєрт почылтын. Ту жапыште тиде зданий Мишканысе моло зданий-влак деч пеш чот ойыртемалтын, волгалтын шоген. Вет тунам Мишканыште утларакшым ик пачашан пу зданий-влак чо‰алтыныт. А Культура пєрт кўкшє, кермыч дене чонымо, фасадше кўртньє конструкций да янда гыч ышталтын. Мутат уке, Культура пєртын рўдыжє - 400 веран зрительный зал. А сценыже могай? Тудым почмо кечын тушто тўвыра пєртын артистше-влак да художественный самодеятельностьын чолга участникше-влак мастарлыкыштым ончыктеныт. Тунамсе торжественный концертыште Мишкан РДК-н хоржо, «Эрвел» куштышо калык ансамбль (калык лўмым 1967 ийыште Куйбышев олаште эртыше сельский художественный самодеятельностьын всероссийский смотрышто сулен налын), калык инструмент-влак ансамбль, солист-влак Яков Байдимиров, Клара Аюпова, Зинаида Айгишева да молат выступатленыт. Концертно-театральный сезон лач 1973 ий гыч шотлалташ тўналын да тений тудо юбилейный улеш. Тўвыра полатын пўрымашыже тушто пашам ыштыше-влакын пўрымашышт дене чак кылдалтын. Кажне енже Тўвыра полатын пўрымашыштыже келге кышам коден. Пел курым пашам ыштыме жапыштыже тушто пеш шуко уста, талантан ен-влак ыштеныт. Юбилей кастене тўвыра пашаен-влак тўрлє жапыште пашам ыштыше да «БАССР культурын заслуженный пашаенже», «Башкортостан Республик культурын заслуженный пашае‰же» чап лўм-влакым налше-влакым шарналтеныт. Тиде - Мишкан районысо историко-краеведческий музейым ыштыше Александр Аликаев, культурно-просветительский пашан методистше Антонида Антонова, РДК-н художественный вуйлатышыже, «Эрвел» куштышо калык ансамбльын чолга участникше Дмитрий Шамыков, баянист, тальянист, аккомпаниатор Нагим Бабичев, директор Яков Байдимиров, художественный самодеятельностьын участникше, Кульчубай ялын эргыже, тальянист Габитьян Гарипов, Чорай СДК-н директоржо Надежда Елизарова, Кугу Шаде ялысе Боевой да Паша чап музейын директоржо Масгут Закиров, драматический кружокын вуйлатышыже (варажым «У илыш» калык театр) Нина Михайлова, художественный самодеятельностьын участникше, тальянист, Кульчубай ялын эргыже Айгельде Мурзин, драматический кружокын («У илыш» калык театрын) участникше Дарья Паляева, звукооператор, Мишкан РДК-н музыкальный группын вуйлатышыже Валерий Садретдинов, калык творчество да фольклор дене методист Рауия Саматова, директор Виталий Апсаликов, режиссер Светлана Апсаликова, баянист, аккомпаниатор Данил Аслямов, «У илыш» калык театрын вуйлатышыже Нина Ахмадеева, методический кабинетым вуйлатыше Клара Аюпова (Пастухова), Нерге СДК-н вўдышє методистше Светлана Каншаева, а «Эрвел» куштышо калык ансамбльын вуйлатышыже Яныбай Янгубаевлан «БАССР культурын заслуженный пашаенже» да «Россий Федераций культурын заслуженный пашае‰же» чап лўмвлакым пуымо. Мишкан Тўвыра полатын юбилейыштыже пеш шуко поро тыланымаш да саламлымаш-влак йонгеныт. Поснак район администраций вуйлатышын икымше заместительже - социальный йодыш да внутренний политика шотышто заместительже Лариса Александрован выступленийже чоныш логалын: - Кужу жап пашам тыршен ыштымыланда, Мишкан районышто культурым нєлтен толмыланда, культурно-массовый мероприятийлам эртарымаште кўкшє профессионализмдалан кугу таум ойлена. Тендан творческий вийда, усталыкда ончышо-влаклан поро кумылым пєлекла. Ончыкыжымат творческий се‰ымашым, чыла шонымашдам илышыш пурташ да залыште шинчыше-влакын йєратымашыштым да пагалымашыштым тыланена. Мишкан Тўвыра полатын директоржо Азат Хановлан Саламлымашым кучыктымо. Пеш сай юбилейный концерт эше ик гана ончыктыш, Мишкан мланде талантлан поян. Районышто пашам йєратыше, поро кумылан, творческий ен-влак илат. Мемнан культура пашаенна-влак кечыйол семын шочмо кундемнам ырыктен шогат. Тиде кастене залыште шинчыше-влаклан марий муро калык хор (вуйлатыше Олесия Мусалина), «Эрвел» калык инструмент-влак калык ансамбль (вуйлатыше Светлана Шахмадеева) выступатленыт. Тыгак «Березка» Мишкан Тўвыра полатын, «Муро памаш» Монар СДК-н, «Тонбоек» Янагуш СДК-н, «Эр Кече» Йылыш СДК-н вокальный ансамбль-влак шке мастарлыкыштым ончыктеныт. Пўнчер СДК-н «Юго» куштышо калык ансамбль весела куштымаш дене куандарен. Йоча сымыктыш школын самырык куштышызо-влак (вуйлатыше-влак Марина Яшкина ден Ирина Янситова) творческий пєлекым ыштеныт. «Мишкан сем» ветеран-влак вокальный калык ансамбль сылне мурым йо‰галтарен. Мотор муро дене Светлана Каншаева, Олесия Мусалина, Ирина Аликаева, Ильфак Арсланов, Руслан Янситов, Анастасия Апекова, Анастасия Белоусова, Ирина Аликаева, Василий Кутлуметов, Анатолий Шамшиев, Наталия Шамшиева, Леонид Иванов куандареныт. Пайрем концерт «Юбилей йолташ-влакым чумыра» муро дене мучашлалтын. … 50 ияш юбилей идалыкыште Тўвыра полат у жапыш кусна - зданий капитально олмыкталтеш, кугу, йонгыдо зал ынде концерт да моло мероприятий-влакым эртараш гына огыл, а кинозалышкат савырнен. Кызытсе Тўвыра полат могайрак лиеш - жап эртыме семын ужына, но тудо 50 ий ончычсо семынак артист-влакым да ончышо-влакым шкеж деке шупшаш, тўвыра да сымыктыш тўняшке мемнам кондышташ тў‰алеш.

Светлана ТОЙМУРЗИНА