Келшымаш
+24 °С
Йӱр
Все новости
Тӱрлӧ
30 шорыкйол , 12:03

«Пўрымашемлан тауштем»

Мемнан корреспондентна Светлана Тоймурзинан ойлымашыже-влакым «Дружба» газетым лудшо-влак сайын палат. 2009 ий гыч тушто чўчкыдын савыкталтыт (С. Тоймурзина рушла возышо автор). Шукерте огыл Йошкар-Олаште тудын «Цените жизнь» ойлымаш-влак книгаже савыкталтын. Ты книган икымше лаштыклаштыже авторын ойлымашыже-влак, творчествыже нерген икмыняр енын ойлымыжым пуртымо.

«Пўрымашемлан тауштем»
«Пўрымашемлан тауштем»

Теве кузе аклат Светлана Саляйевнан пашажым Рита Каникиевна Ялаева ден Юлия Григорьевна Балахнина. Р. Ялаева: «Светланан ойлымашыжым лудаш куанле. Шижам, кажне ойлымашым возымыж годым чонжымак пыштен. Туге чучеш, пуйто мый шкежат ойлымаш кєргыштє улам але єрдыж гыч эскерен шогем. С.Тоймурзина пеш кўлешан пашам ышта, йоча, подростко да самырык-влакым порылыклан туныкта, янлык ден кайык-влакым, пырыс ден пийым чаманаш, аралаш кумыла‰да («Лисенок», «Голубь», «Божьи коровки», «Подарок»). Илышыште порылык ден пырля осал койыш-влакат вашлиялтыт. Автор тидымат шке возымаштыже ончыкта («Осторожно, злые собаки», «Ваня, Люда и тактичность», «Случай в тайге»). Светлана пеш тўткын эскерен мошта, йоча-влакын чон кєргє шижмашыштым шижеш. Тудо кугые‰-влакын кажне кечын ужмо сўретымак вес шинча дене онча. Тудын кажне ойлымашыштыже тарватыме тема - чын лияш, тўткє лияш, йырысе пўртўсым, воктен улшо е‰-влакым, поснак шо‰го-влакым пагалаш, аклаш кумыланда («Устами младенца глаголит истина», «Лебедушки»). Кажне ойлымаш йоча, ача-ава, туныктышо-влаклан, чыла лудшылан шижтарыде айдеме чон поянлыкым пойдараш полша. Икымше йєратымаш темым пеш моштен сўретла («Давай поженимся», «Я тебя дождусь»)». Ю. Балахнина: «Корреспондент Светлана Тоймурзинам мый пеш сайын палем, возымыжым эре эскерен шогем. Сюжетым чо‰ымыжо о‰ай. Поснак изи, кўчык ойлымаш-влак шарнымашеш кодыт. Светланан творчествыже порылыклан кумыланда, шонаш да иктешлымашым ышташ тарата: мый чын илем мо, чын корно дене каем мо? Теве кодшо кечылаште «Солнышко» ойлымашыжым уэш лудын лектым, ава деке йєратымашым туге моштен ончыктен, шинчавўдемат лекте. Кажне ойлымашыштыже автор лудшо-влакым виешлыде чын корныш виктарен шога. Тиде ныл йолан йолташна-влак нерген («Тишка») але самырык ен-влак нерген («Преодолеть себя»), самырык-влак кокласе кыл нерген - автор эре шкалан ўшанаш, шкем достойно кучаш ўжеш». Светлана Тоймурзина дене юбилейже вашеш вашлийын мутланышна. Тудо шкеж нерген теве мом ойла: - Икымше ойлымашым 16 ияшем годым возенам. Ачам Саляй Шамшиярович Салмияровлан пєлекленам - «Этого не может быть». Тудо 1990 ий 23 январьыште 39 ияш пашаште колен. Сандене тиде книгамлан презентацийым ачамым шарныме лўмеш, 23 январьыште эртараш шонен пыштышым. Ойлымашыште мый ту жапысе шижмашемым, чаманымашым, ойгым почын пуаш тыршенам. Школышто тунемме годым тиде мыйын илышыштем эн кугу ойго манын шоненам. Тунам ончылно могай йомдарымаш-влак лиймым нигє пален огыл. А тыгайже лийын, марием больницыште колен, вара эргым илыш ден чеверласен. Нуныланат икмяныр ойлымашым лўмденам, книгашкем пуреныт. «Цените жизнь» ойлымашым эргым колымо деч вара пел ий гыч возенам. Мыйын книгамым савыктен лукмаште пырля пашам ыштыме коллегем Валерий Абукаевын надырже пеш кугу. Тудо огыл гын, книгам огешат лек ыле. Кодший ке‰ежым газетеш савыкталтше черетан ойлымашемым посна папкыш пўчкын пыштымем ужын, возымемым посна книга дене лукташ темлыш. Тыге пагылыме Валерий Александрович книгамын редакторжо лие, версткымат шкеак ыштен да Йошкар-Оласе палымыж-влак гоч савыктен лукташ полшен. Валерий Абукаев шкежат уста писатель, ныл книгаже савыкталт лектын. БР да РФ Журналист ушем-влак член, Я. Ялкайн лўмеш премийын лауреатше. 2010 ийыште тудо «Токтар патыр» пьесыжым рушла савыктен лукто. «Приключение Токтара» книгалан сўрет-влакым ышташ йодо. Тыге икымше гана художник-иллюстратор семын шкемым терген онченам. Мый специальностем дене художник-оформитель-дизайнер улам. Йошкар диплом дене Мишканыш пєртыльым, ПУЖКХ-н художественный мастерскойышкыжо пашаш пурышым. Тунам вуйлатыше Валентин Иванович Малмыгин ыле. Организаций пеш виян лийын. Тушто индеш ий ыштенам. Ончыкыжымат шке пашамым ыштем ыле, но илыш вашталтын. Художественный мастерскойым петырышт. Мый калыклан паша верым ситарыше рўдерыш тольым. Тунам тиде рўдерыште паша шотышто о‰ай тренинг-влак эртеныт. Уфа гыч специалист-влак толыныт. Тыгай мероприятий-влак нерген уверым газетыш пуэн шогенам. Шкемын ойлымашем-влакымат редакцийыш намиенам. 2010 ий январьыште тунамсе редактор Валерий Иванович Усков мыйым редакцийыш пашаш ўжє. Тунам ик эн тале журналист Владимир Салиевич Яниев сулен налме канышыш каен, верже яра кодын. Тудын шинчыме ўстел гыч мыйын журналист корнем тў‰але. Школышто тунемме жап ўмырешлан шарнымашеш кодеш. Мый 1 №-ан Мишкан кыдалаш школышто тунемынам, 1991 ийыште тудым тунем пытаренам. Литература мыйын эн йєратыме предметем лийын. Тудым Фаруха Саитхановна Алимова намиен. Пеш ушан, пеш шокшо кумылан туныктышо лийын. Тудын урокшо-влак мыланем эн шерге лийыныт. Илыш да колымаш, поро да осал, йєратымаш да ужмошудымаш - ме урокышто литературный герой-влак дене пырля чыла тидыжым чытен, шўм-вошт колтенна. Ме шонкалаш да иктешлымаш ышташ тунемынна, тидлан мемнам Фаруха Саитхановна туныктен. Урок деч вара литературный кружокыш куанен коштынам. Сочиненийым возаш эн чот йєратенам. Чўчкыдынак туныктышо мыйын сочинениемым классыште лудын. Тунам мый вожылын, йошкарген шинченам. Школ деч вара дневникым возаш тўнальым. Мый Фаруха Саитхановналан тачат тауштен илем. Мыйым пашашке налше ончычсо редактор Валерий Ивановичым эре порын гына шарнем. Чаманаш веле кодеш, ынде коктынат мемнан коклаште укелыт. Ме коллегына, Светлана Саляйевнам юбилейже да книга презентацийже дене шокшын саламлена да ончыкыжым эшеат кугурак кўкшытыш шуаш, у произведений-влакым возаш тыланена.

Автор:Виктория Ишмурзина