Россий мучко тыгай рўдерже 100 утла. Куандара, ик ий годсек мемнан районысо кугырак тукымын вашлийын тўрлє проблемым, лийшаш мероприятийлам канашаш верышт уло. Ушештарена, «Вдохновение» мотор лўман кугырак тукымын вашлийме рўдер клиентский службын базыштыже 2022 ий 22 декабрьыште почылтын. Нунылан йонгыдо, волгыдо пєлемым ойыреныт. Тыште нуно погынен, чоным почын мутланен кертыт. Рўдерым ветеран советын председательже Юлия Балахнина вуйлата. Тудо рўдерын пашаж дене палдарен. Тыште онай илыш дене илат – психолог, врач-влак дене вашлиймашым, тўрлє тренингым эртарат, шашке да шахмат кружок-влак пашам ыштат. Спорт дене заниматлалташат жапым муыт, скандинавский коштмаш дене коштыт. Кугырак тукым спецоперацийын участникше-влакланат полша. ™дырамаш-влак маскировочный сеткым пидыт, блиндажыште йўлаташ сортам ыштат да боец-влаклан посылкам колтат. «Час женского общения», «Поэтическое крылечко» лўман мероприятий-влак пеш ласкан эртат. Литературный вашлиймаш тылзеш ик гана эрта, пытартышыже 23 январьыште эртен. Мишкан селаште илыше Серафима Дмитриевна Антонова – педагогический пашан ветеранже. Йылмым туныктышын чумыр паша стажше 37 ий. Тудо – Калык просвещенийын отличникше, Башкирский АССР-ын сулло туныктышыжо, мероприятийыште шкенжын рушла да марла возымо почеламутшо-влакым лудын. Ик почеламутшым 53 ий пырля пиалан илыш дене илыме йєратыме пелашыже Григорий Михайловичлан пєлеклен, тудын тўням кудалтен кайымыжлан 6 ий шуэш. Тыгак Сергей, Вадим эргыже-влаклан, родо-шочшыжлан пєлеклыме почеламутшо-влакым уло кумылын лудын. Почеламут корнылаже чонеш логалше улыт. Мероприятийыште Мишкан села гыч шкешотан поэтесса Светлана Салиева куандарен. Туныктышо улмыж годым тудо йоча-влаклан почеламут-миниатюра-влакым возен да пашаштыже кучылтын. Светлана Ивановна 1998 ийыште Йошкар-Олаште лекше «Мишкан – мыйын шулдыр» книга нерген ойлен. Тиде книга сборникыш тудынат почеламутшо-влакым пуртеныт. Лекше книга тудым шулдыранден да тиде жап гыч Светлана Салиева почеламут да мурым возаш шуко жапым ойыраш тўналын. Чынжымак марла мастарын воза. Литературный вашлиймаште тудын шуко почеламутшо йонгалтын. Ик почеламутшым Марий Эл республикын калык писательже Абукаев-Эмгаклан пєлеклен. Поэтессым пеш шуко ен пала да пагала. Нунын кокла гыч иктыже – Ирсай ялысе ветеран организацийын председательже, педагогический пашан ветеранже Валентина Аптиева, тудын почеламутшым сылнын лудын. Марий йылме дене возымо мотор почеламутлам ятыр жап марий йылмым туныктышо, кызыт сулен налме канышыште улшо Нина Алексеевна Ямурзина воза. Тудо яра жапшым поэзийлан пєлекла. – Поэзий деч посна илышым умылаш йєсє, - ойла тудо. - Шонымым рифма дене каласет гын, тудо волгалтеш, шўмыш логалеш да чоным ылыжта, мемнан илышнам ятырлан пойдара. Нина Алексеевна пўртўс да шочмо йылме нерген почеламутшо-влакым лудын. Погынышо-влак тудын «Эрвел» калык ансамбльлан пєлеклыме почеламутшым поснак куанен колыштыныт. Варажым мероприятийыште «Цените жизнь» книга презентаций лийын. «Вдохновение» рўдерын вуйлатышыже Юлия Григорьевна Балахнина погынышо-влакым уна - Светлана Тоймурзина дене палдарен да тудын литература деке шўман улмыж нерген каласкален. Книга гыч ик ойлымашыжым лудыныт. Вашлиймаште Светлана Салмиярован (ўдыр фамилийже) школысо туныктышыжо-влак – Любовь Викторовна Ашиева ден Алевтина Петровна Паситова, талантан тунемшыштылан моктеммутым ойленыт, умбакыжат возгалаш кумыланденыт. Шкеныштын сай шонымашышт дене Серафима Дмитриевна Антонова ден Файруза Минемуллиновна Сабирова пєлалтыныт. Яныш Ялкайн премийын лауреатше Рита Каникиевна Ялаева каласкала: – Кидешем «Цените жизнь» книгам кученам. Книган ўмбалныже илышлан куаныше ўдырамаш кечан кечшудо коклаште шыргыжеш. Тиде Светлана Тоймурзина. Мый тудын ойлымаш сборникше лекшашым вученам. Паленам, Светлана тиде ошкылым ышта, ыштыме пашажын ужашыжым иктешла. Ойлымашыже-влак шкеж гаяк шокшо, волгыдо, яндар да поро улыт. Нуно поро койышлан туныктат да поро пашалан кумыландат. Авторым кугу куанже дене саламлена да тудын у пашаж-влакым районный газетыште вучена. Се‰ымашым тылат тыланена, Светлана! Литературный вашлиймаш шокшо, шўм-чонеш логалше, поро шўлышан лийын. Жап пеш писын, шижде эртен.