Пырля ойганена, шортына

Козаш мландыш ойго то­лын. 14 январьыште ял ка­лык Григорий Андреевич Байрамовым пытартыш корныш ужатен. Сареш колышо салтак дене че­верласаш родо-тукымжо, пырля тунемме йолташы­же, военкоматын, государ­ственный властьын, район администрацийын пред­ставительже-влак, тудым палыше тыглай ен-влак райрўдє да пошкудо ялла гыч толыныт.

Траурный митингыште Мишкан да Бурай районласе военный ко­миссарын заместительже Р. Мин­нигалиев, БР-се Государственный Погын - Курултайын депутатше Я. Кугубаев, район администраций вуйлатышын социальный йодыш да внутренний политика шотышто заместительже Л. Александрова выступатленыт.

Григорий Андреевич 1982 ий 16 декабрьыште Пўрємучаш ялыште шочын. 1-11 классым шочмо ялысе школыштыжо ту­нем пытарен. Туныктышо да йол­ташыже-влакын мутышт почеш школышто мутым колыштшан, пенгыде дисциплинан, пашам йєратыше рвезе лийын. Шко­лын, классын мер илышыштыже кумылын участвоватлен. Пеш ты­матле, чылажымат сайын шонал­тен ыштыше, ончылан шындыме цельыш шуаш тыршыше лийын. Тудын койышыштыжо чынлык, принципиальность да шке илыш позицийжым арален моштымаш ончык лектыныт.

Школ деч вара Тюменьыш илаш куснен. Тушто Западно-Си­бирский государственный кол­леджыште тунемын, варажым Тюменский государственный университетыште кўкшє шин­чымашым налын. Оласе орга­низаций ден предприятийлаште пашам ыштен. 2022 ийыште Баш­кирийыш пєртылын. Благове­щенск олаште пашам ыштен.

СВО жапыште єрдыжеш ко­дын кертын огыл. 2023 ий 10 октябрь гыч контракт почеш слу­житлаш тўналын. Боевой зада­нийым шуктышыла, 2023 ий 9 ноябрьыште ўмыржє кўрылтын.

Салтакым ужатыме траурный митингыште Новотроицкий сель­совет сельский поселений вуйла­тыше Людмила Чухнина высту­патлен.

- Ме тендан дене пырля ойга­нена, шортына, - каласен Людми­ла Сергеевна салтакын родо-шоч­шыжлан.

Пўрємучаш школын тунык­тышыжо Р. Александровын вы­ступленийже кажнын чоныш логалын. Радомир Евгеньевич Григорийын класс вуйлатышыже лийын. Тудо шке тунемшыжым порын шарналтен. Пырля тунем­ме йолташыже Наталья Шами­данован выступленийжат кажнын чоныш логалын…

…Траурный марш почеш сал­такым курымашлык суртышкыжо ужатыме.