9 январьыште Мишкан районышто специальный военный операцийыште порысым шуктышыла колышо Игорь Валентинович Яшкин дене чеверласымаш эртен.
Тудо Мишканыште шочын, туштак кушкын, школышто, 150-ше профессиональный лицейыште тунемын. Автотранспортым олмыктымо да технический обслуживатлыме шотышто мастер профессийым налын. 2007 ий июньышто армийыш налыныт, инженерно-саперный войскашке логалын. Тушто кок ий наре служитлен, 2009 ий апрельыште гына демобилизоватлалтын. Армий деч вара Игорь йўдвел кундемыш вахта йєн дене пашаш кошташ тў‰алын.
Частичный мобилизацийыш логалдыме ятыр самырык е‰ын, илалше-влакынат єрдыжеш кодмышт шуын огыл да шке кумылын контрактым подписатленыт. Игорь Валентиновичат нунын коклаште лийын. Тудо кум эргын ачаже, эрге-влаклан лўддымылык примерым ончыктен.
2023 ий июньышто тудо уэш военный формым чиен. Разведчик-пулеметчик должность дене служитлаш тўналын. Тудын ўмыржє 2023 ий 26 декабрьыште кўрылтын. Тудлан 38 ий лийын.
Салтак дене чеверласыме годым пырля служитлыме йолташыже-влак тудым сєй пасушто гына огыл, тыныс жапыштат ўшанле йолташ лиймыж нерген ойленыт.
Пенгыде пєръе‰ келшымаш улмылан боец чынжымак ўшанен. Тидын нерген пырля тунемме йолташыже Анатолий Бикбаев ойлен, тудын ешыжлан кугу чаманымашым каласен.
Школышто тунеммыж годым Игорь могай лийын? Тидын нерген туныктышо Эльвира Геннадиевна Васюткина шарналтен.
Салтакын лишыл енже да родо-шочшыжлан Мишкан район администраций вуйлатыше Павел Владимирович Трапезников, Башкортостан Республик Государственный Погын - Курултайын депутатше Ильгам Илюсович Галин чаманымашым ойленыт.
Игорь Яшкиным пытартыш корныш ужатымаште кугу полышым Афган сарын ветеранже-влак ыштеныт, вет мо тугай сар, нуно тидым пеш сайын палат.
Игорь Валентинович шкенжын лишыл енже-влакым, шочмо элым аралышыла колен. Тудын нерген поро шарнымаш эре чоныштына илаш тўналеш.