Келшымаш
+24 °С
Йӱр
Все новости
Тӱрлӧ
2 Сорла 2023, 09:42

Нуным теҥыз ушен

Июльын пытартыш рушарняштыже кажне ийын Военно-Морской Флотын кечыже палемдалтеш

Тиде пайрем эртышым, тачысым да ончыкылыкым ушен шога, Отечествын историйыштыже моряк-влакын ратный подвигышт нерген шарныкта. ВМФ-ын историйже - тиде чыла тукымысо моряк-влакын лўддымылыкышт да геройлыкышт нерген возымо летопись. Российыште тиде лўмлӧ кечын, тыгак мемнан Мишкан кундемыштат, Военно-Морской флотышто служитлыше-влакым саламлат.
Пайрем мероприятий эрденак тўҥалын. Ончычсо моряк-влак Культура дворец ончылсо площадкыште чумыргеныт. Варажым Герой-влак аллейыште «Воинам - победителям 1941-1945 гг.» памятник деке пеледышым пыштеныт. Тўҥ мероприятийже райрўдысӧ культура да каныме паркыште эртен. Пайрем мероприятийын ик ойыртемжылан моряк-влакын ныл флагым нєлталтмыштым шотлаш лиеш: Андреевский флаг, СССР Военно-Морской Флотын флагше, теҥыз пехотын да теҥыз пограничник-влакын флагышт. Вет пайрем мероприятийыш толшо-влак коклаште ныл флаг йымалне служитлыше-влак лийыныт. Кажныже шке флагше дене кугешна.
Пайрем митингым Мишкан район муниципальный район советын председательже, районысо теҥыз братство председательын заместительже Вячеслав Сабиров почын. Шке выступленийыштыже тудо палемден, теҥыз братство моло мер толкын-влак дене пырля самырык тукымым патриотически воспитатлымашке суапле надырым пышта. Теҥыз братствын эн чолга еҥже-влаклан район администрацийын пашажым виктарыше Р. Сафин дене пырля район советын да администрацийын Тауштымашыжым кучыктеныт.
Теҥыз братствылан тауштыме шомак дене Мишкан да Бурай районласе военный комиссар Николай Дульцев выступатлен. Тудо палемден, ончычсо моряк-влак районышто эртыше чыла мероприятийыште чолган участвоватлат. Районысо ветеран-влак советын председательже Юлия Балахнина палемден, моряк-влакын кугурак тукымышт ий гыч ийыш шагалем толеш.
Теҥыз братствын председательже Ралиф Мукимов моряк-влакын СВО-што участвоватлыше-влаклан полшымыштлан кугу таум каласен. Нунын вийышт дене 56000 теҥгеаш ныл коҥгам Бирск оласе предприниматель да мер организаций-влак дене пырля Мишкан да Бирск районла гыч кайыше СВО-н участникше-влаклан колтеныт. А варажым погымо окса дене (28000 теҥге) тушонкым, сигаретым налын, лач окопышто улшо-влаклан БР-се Морской Собраний дене пырля колтеныт.
Тиде кечын кажне моряк флотышто служитлымыжым, боевой йолташыже-влакым шарналтен. Ветеран Александр Николаевын саламлымашыже тиде шижмашым утыр кугемден.
Варажым погынышо-влак воинский долгым шуктышыла колышо моряк-влакым ик минут шып шоген шарналтеныт. Митинг мемориал деке пеледышым пыштыме дене пытен. Митинг деч вара погынышо-влак Мишкан мучко машина-влак дене кудалышт савырненыт да Кемийышке миеныт. Тушто Совет Союз Герой Орсаевын памятникше деке пеледышым пыштеныт. Пайрем мероприятий Мишканыште кугу салют дене петыралтын.
Э. МУКИМОВА.

Нуным теҥыз ушен
Нуным теҥыз ушен
Нуным теҥыз ушен
Нуным теҥыз ушен
Автор:Венера Аглямова