Келшымаш
+1 °С
Лум
Все новости
Тӱрлӧ
25 шорыкйол 2023, 10:48

Салтак ден чеверласеныт

17 январьыште Мишкан селаште илыше-влак шке землякыштым, посна военный операций годым колышоКаншаев Иван Романовичым пытартыш корныш ужатеныт.

Салтак ден чеверласеныт
Салтак ден чеверласеныт

Украиныште эртыше специальный военный операций нерген ме телевидений да газетла гоч кажне кечын тўткын эскерен шогена.
Украиныште мо лиймаш шуко еҥын шыдыжым луктеш. Кидыш оружийым кучен, тушман дене кредалаш шуко самырык еҥ каен. Икте шке кумылын, весе контракт почеш, кумшо мобилизаций дене тиде сар пуламырыш логалыныт. Мом ыштет, сарыште кок могырчынат йомдарымаш-влак лийыт. Чаманаш веле кодеш, мемнан район гычат Украиныште спецопераций годым самырык рвезе-влакын ўмырышт кўрылтеш.
17 январьыште Мишкан селаште илыше-влак шке землякыштым, посна военный операций годым колышо Каншаев Иван Романовичым пытартыш корныш ужатеныт.
Тиде кечын Сеҥымаш мемориал воктеке салтак дене чеверласаш пеш шуко еҥ погынен. Салтакын ача-аважлан, лишыл еҥже-влаклан чаманымашым Башкортостан Республик правительствын премьер-министрже И. Х. Сагитов, Мишкан район муниципальный район администраций вуйлатыше П. В. Трапезников, салтакын ончычсо класс вуйлатышыже Н. Я. Александрова, тудын лишыл йолташыже Евгений ойленыт.
БР вуйлатышын Указше дене Каншаев Иван Романович генерал Шаймуратовын орденже дене наградитлалтын (колымекыже). Наградым Иванын ватыжлан Ирек Хайривариевич кучыктен.
Кийыме мландет пушкыдо лийже, Иван! Ме тыйым нигунам огына мондо.
Вениамин КОНДОГИН.

Салтак ден чеверласеныт
Салтак ден чеверласеныт
Салтак ден чеверласеныт
Автор:Вениамин Кондогин