У ийыш у план дене

Погынымаште программе полшымо дене могай ситыдымашым кораҥдаш рашемдыме. Калык ик ой дене «Йылыш ялысе шўгарлам тўзатымаш да печымаш»
проект верч йўклен. Вет шўгарла кажне еҥын пытартыш «суртшо». Тудым арулыкышто кучымаш – кугезына-влакым пагалымаш. А марий йўла почеш кызытсе
тукым ден кугезына-влак коклаште кыл нигунам кўрылтшаш огыл.
ППМИ-н условийже почеш оксан икмыняр ужашыжым калык погышаш. Тыгак спонсор-влакым муман. Тидлан кӧра погынымаште инициативный группым сайлыме.
Тушко чолгаеҥ, депутат да образований пашаеҥ-влак пуреныт. Нуно калык деч оксам погаш да моло сомылым шукташ тўҥалыт.
Жанна АПКАЛИКОВА.