Келшымаш
-2 °С
Пылан
Все новости
Тӱрлӧ
19 шорыкйол 2023, 10:05

Раевка ик еҥлан шукемын

Мишкан районысо ЗАГС отделыште тений шочшо икымше йоча регистрироватлалтын

Раевка ик еҥлан шукемын
Раевка ик еҥлан шукемын

Ӱдыр Раевка ялысе самырык ешыште шочын. Тудын нелгытше 3 килограммат 490 грамм, кужытшо 52 сантиметр.
Ача-аваже тудлан Эльвина лўмым пуэныт. Испан йылме гыч кусарет гын, «принцесса» лиеш. Ӱдырын ачаже Валентин Григорьевичын мутшо почеш, лўмым ватыже ямдылен. А тудо вик келшен.
- Ме пеш куаненна, - манеш шочшо ўдырын ачаже. - Ӱдырна кызыт кувава да кочаж дене - мыйын ача-авам Григорий Сайпашевич ден Людмила Ямыкаевна Шайбаковмыт дене кодын.
Самырык ава Ангелина Николаевна палдарыш, кужун вучымо йочашт Бирск олаште 23 декабрьыште 20 шагатат 35 минутышто шочын.
- Кунам райрўдышкӧ ўдырнан шочмыжо нерген свидетельствым налаш кайышна, мемнан Эльвина тений РФ-ын регистрироватлалтше икымше гражданинже лиеш манын шоненат огынал, - куаныштым шылтыде ойлат самырык ача-ава.
Мишкан районысо ЗАГС отдел вуйлатыше Алена Терегулова Ангелина ден Валерийлан ўдырыштын икымше документшым пуымыж годым чыла сайым гына тыланен.
Светлана ТОЙМУРЗИНА.

Раевка ик еҥлан шукемын
Раевка ик еҥлан шукемын
Автор:Светлана Тоймурзина