Келшымаш
+24 °С
Йӱр
Все новости
Тӱрлӧ
26 Шыжа 2022, 11:25

«Уралсиб» пӧртылын

Кодшо арняште Мишканыште «Уралсиб банк» ПАО-н лайт-офисше почылтын

«Уралсиб» пӧртылын
«Уралсиб» пӧртылын

Райрўдыштє илыше шуко еҥлан тиде вучыдымо, но куанле событий лийын. Икмыняр ий ончыч тиде банкын тичмаш офисше мемнан дене пашам ыштен, но варажым петыралтын. Теве ынде уэш почылтын.
Мый офис почылтмо кечын тушко мийыше икмыняр еҥ дене мутым вашталтышым, чыланат изи офис почылтмылан куаненыт.
- Мыйын пенсий «Уралсиб» банкыш толеш, - манеш ик еҥже. - Оксам налшашлан мыланем кажне гана больница марте каяш кўлын, лач тушто гына ты банкын ик банкоматше шога. 3-4 километрым кошташ пернен. Южгунам такси дене миялтеш, уто роскот лиеш. А ынде тиде проблема пыта, чыла воктенак лиеш.
Моло-влакат тыгеракак шонат. Офисыште клиент-влакым ешартыш офисын управляющийже - тўҥ клиентский менеджер Наталья Шамуратова ден клиентский менеджер Регина Газизова обслуживатлат.
Управляющийын мутшо почеш, офис кызытеш физический лицо-влак дене гына пашам ышта. Еҥ-влак тыште кредитым, дебитовый картым оформитлен кертыт, оксам аралаш пышташ лиеш. Тыгак коммунальный услугым да моло тўлам процент деч посна тўлаш лиеш.
Тачысе кечылан «Прибыль» дебетовый карт эн пайдалылан шотлалтеш. Икымше кок тылзыште 11 % ставка, а варажым - 7,5%. Ончыкыжым кугурак ял ден селалаште банкоматлам шындаш план уло.
- Чыла тидыже ял калыклан сай лийже манын ышталтеш, - манеш Наталья Викторовна.
Офисым почмашке «Уралсиб банк» ПАО-н Поволжье макрорегион подразделенийын розничный бизнес шотышто управляющийже Р. Исламов, сетьыште розничный ужалыме управленийын директоржо Е. Елизарова толыныт. Тиде мероприятийыште тыгак район администраций вуйлатыше П. Трапезников, районын тўҥ врачше В. Гареев, администраций пеленсе финанс управленийын начальникше З. Шамсутдинова, рўдӧ библиотечный системын директоржо Т. Кондогина лийыныт. Нуно чыланат «Уралсиб» банклан шке клиентше-влакым сайын обслуживатлаш тыланеныт.
Палашлан: «Уралсиб банк» ПАО - шуко филиалан российский универсиальный банк. Рўдӧ офисше Москваште верланен. 2021 ий ноябрьлан банкын региональный сетьыштыже 6 филиал, 144 ешартыш офис да 98 операционный касса лийыныт.
Венера АГЛЯМОВА.

«Уралсиб» пӧртылын
«Уралсиб» пӧртылын
«Уралсиб» пӧртылын
«Уралсиб» пӧртылын
«Уралсиб» пӧртылын
«Уралсиб» пӧртылын
Автор:Венера Аглямова