Келшымаш
+24 °С
Йӱр
Все новости
Тӱрлӧ
26 Шыжа 2022, 10:53

Мишкан тўзлана

Мишкан сельсовет сельский поселений администраций села ден яллаште тўзатыме пашам икшырымын намия

Мишкан тўзлана
Мишкан тўзлана

Сельский поселенийым опытан вуйлатыше Рустам Адгатович Ишмакаев вуйлата. Шошым лум левен шуктыш веле, сельский поселенийыште улшо корнылаште теле гоч лийше лаке-влакым тӧрлаш пижыч, райцентрыште ончылгоч палемдыме уремлашке асфальтым вакшыт.
Тидын годымак пушеҥгылам шындат, яллаште шўгарла-влакым эрыктат, уремлам тўзатат. Мутат уке, тыгай пашалашке еҥ-влак рўж ушнат, нунылан полшаш сельский поселенийын механизированный бригадыже эре ямде улеш.
Теве кызыт, кеҥеж сезон мучаште райрўдысӧ Совхозный ден Семилетний уремлаште асфальтым вакшме паша мучашке лишемеш. Р. Ишмакаевын мутшо почеш, 800 метр кужыт корныш асфальт пышталтеш. Тиде пашам тендерым сеҥен налше Уфасе «Башальянстрой» ООО организаций шукта.
Асфальтым пышташ тўҥалме деч ончыч кум вере 300 миллиметр диаметран пучым корно гоч пыштыме. Тидыже вўдшор годым йогышо вўдым колташ келыштарыме.
Корно пашаеҥ-влакын пашаштым ончен йӧратет. У техника чыла тўрлӧ пашам шуктен кертеш. Вет нуным уста пашаеҥ-влак виктарат. Но кеч-могай техника лиеш гынат, садак кольмым кучен ыштыме деч посна паша ок шукталт. А тидлан єршашыжат уке, вет Российыште акрет годсекак кольмо деч посна нимогай паша шукталтын огыл.
У корно-влак 1 ноябрьлан ямде лийшаш. Тиде урем дене фотоаппаратым кучен кайыше корреспондентым ужын, еҥ-влак уремыш куржын лектыныт да мемнан газет гоч корным ыштыше-влаклан таум ышташ йодыныт. Ме йодмыштым алал кумылын шуктена да корным ыштыше-влаклан таум каласена!
Вениамин КОНДОГИН.

Мишкан тўзлана
Мишкан тўзлана
Мишкан тўзлана
Мишкан тўзлана
Автор:Вениамин Кондогин