Сеҥымаш дене мӧҥгӧ пӧртылза!

Россий Президент В. В. Путин шке обращенийыштыже Оборона министерство ден Генеральный штабын ойжым йєплен, Россий Федерацийыште частичный мобилизацийым увертарен да тудын цельжым палемден: шочмо элым, тудын суверенитетшым да территориальный тичмашлыкшым аралаш, мемнан калыкым да утарыме кундемлаште илыше-влакым аралаш.
Государство вуйлатышын обращенийжым пўтынь эл умылен вашлийын. Чумыр эл мучко военный комиссариат ден муниципалитет-влак палемдыме йодмашлан келшышын, самырык пӧръеҥ-влапкым призыватлаш тўҥалыныт.
25 сентябрьыште Мишкан военкомат ончыко пеш шукео еҥ чумырген. Тушто Украинеысе спецоперацийыште участвоватлаш самырык пӧръеҥ-влакым ужатеныт. Тиде кечын Мишкан район гыч 67 землякна шочмо элнам аралаш каен. Тиде - шукерте огыл Россий армий радам гыч служитлен пӧртылшӧ-влак, кудыштын воинский специальностьыш тачысе кечылан Украинысе спецоперацийлан кўлеш, тыгак Кавказысе пудыранчык ваштареш шогышо-влак, контртеррористический операцийлаште участвоватлыше-влак.
Военный комиссариат пашаеҥ-влакын мутышт почеш, нунын коклаште иктат шылын кодаш тӧчышӧ лийын огыл.
Шочмо элым аралаш кайыше-влак ончылно район администраций вуйлатыше Павел Трапезников выступатлен. Шке выступленийыштыже тудо палемден:
- Мем нан кугезына-влак шочмо элнам арален моштеныт: кокшўдӧ ий ончыч Парижым налыныт, тендан кугезе кочада-влак Берлиныш шуыныт. Ынде тыланда шомо элым, тудын эрыкшым джа суверенитетшым аралаш жап шуын.
Павел Трапезников ўшандарен, шочмо элым аралаш кайыше-влакын ешыштлан чыла тийышле полыш лиеш.
Мишкан ден Бурай районласе военный комиссар Николай Дульцев мобилизоватлалтше-влаклан поро сугыньым пуэн.
Афган сарын ветеранже Василий Бикбаев шочмо элым аралаш какйыше-влак ончылно выступатлышыла каласен:
- Кунам шочмо элна мемнам ўжын, ме тудын аралаш шогалынна, таче Российлан тендан вийда, моштымашда кўлеш. Ме ўшанена, те шке воинский порысдам ўшанлын шуктеда.
Шочмо элым аралаш кайыше-влакын родо-шочшыштын ик тыланымышт гына лийын, тушманым вашкерак кырен шалатен, мӧҥгӧ сеҥмыаш дене пєртылаш.
Мобилизаций дене кайыше-влак шкешт тыге ойлат: «Ме элан кўлына, тудым аралаш мемнан черет шуын». «Ончыл линийыште мемнан землякна-влак кредалыт, нунылан мемнан полышна кўлеш, ме нунын дене пырля шочмо элым аралаш тўҥалына»
- Мемнан элна, калыкна эрыкан огыл гын, нигє ласкан илен ок керт. США-н вуйлатымыж почеш касвелысе эл-влак чумыр вийыштым Донбасым гына огыл, а Российым пытараш колтеныт. Мемнан чекна воктене нацистский режимым шочыктеныт, шкеныштын военный базыштым чоҥеныт. Таче мемнан рвезына-влак шочмо элым аралаш каят, а ме нунын лишыл еҥышт ден родо-шочшышт верч азапланышаш улына, - каласен администраций вуйлатыше Павел Трапезников.
Армийыш кайыше-влаклан сухпаекым ямдылыме, рўдӧ районный больница медикамент-влакым пуэн.
Башкортостан Республик вуйлатыше Ф. Ф. Хабиров 24 сентябрьыште республик правительствын членже-влак да муниципалитет вуйлатыше-влак дене мобилизационный совещанийым эртарен. Совещанийыште тыгак минист ерство ден ведомство вуйлатыше-влак, военный комиссар-влак участвоватленыт. Башкортостан вуйлатыше нунын ончылдно шогышо задача-влакым палемден.
- Ме рвезе-влаклан чыла кўлшым ситарен да ешаштлан полшен кертына. Кажныдам тиде паша деке пеш тўткын относиттлалташ йодам, - каласен Радий Хабиров.
Рвезе-влакым сарыш ужатыме официальный ужаш раш да кўчык лийын. Пеҥгыде ӧндалтыш, кид кучен чеверласымаш да вашкерак таза-эсен пӧртыл толаш тыланыме ой-влак. «Прощание славянки» сем. Жап эрта, тукым вашталтеш, но российын эргыже-влак кеч-кунамат шочмо элым аралаш рўж кынелаш ямде улыт.
Сеҥымаш дене пӧртылза, шерге землякна-влак!
Фирдаус КАДИКОВА.