Субботник эртен

Тиде ялыште шўгарлаште арулыкым пуртымо, шў­гарла печым олмыктымо шотышто субботник-влак идалыклан икмыняр гана эртен шогат.

Калык суапле пашашке шо­шым, шыжым да семык деч ончыч лектеш. Но коклан кеҥеж покшел­нат поро пашам шукта. Пытартыш тыгай субботник эртыше каныш кечылаште эртен. Пашам ял ста­роста Виссариан Ишмурзин вуй­латен. Тыге ял калык вий дене шўгарла йыр печым уэмдыме.

- Ялыште илыше-влак ончыл­гоч стройматериал ден сеткым налын ямдыленыт, палемдыме кечын печым гына печылаш ко­дын, - ойла Мишкан сельсовет сельский поселений администра­ций вуйлатыше Р. Ишмакаев. – Администрацият тиде паша деч єрдыжеш кодын огыл – кертмыже семын полшен. Рашрак лияш гын, тўрлӧ материалым налаш оксам ойырен.

Каласен кодыде ок лий: Уял калык Мишкан сельсовет сель­ский поселенийыште келшен илымыже, икоян улмыжо да чыла пашамат пырля, келшен ыштымыж дене ойыртемал­теш. Субботникышке, пўтынь ял огыл гынат, калыкын утла­рак ужашыже кумылын лектын. Уял марий-влак тошто печым писын рончен шоленыт, трак­тор тележкыш оптеныт да свал­кышке ужатеныт. Ик жап гыч у меҥге-влакым кушан шогалташ палемденыт да паша шолаш тўҥалын. А печылымаш паша ӧрыктарышын писын ышталтын. Меҥге-влакым ковалде дене кырен огытыл, нуным трак­тор-погрузчик мландышке вашке темдалын пуртен, пӧръеҥ-вла­клан меҥгым тєрлен кучаш да уровень, шпагат дене вискалаш веле кодын.

Каслан паша мучашлалтын да Уял шўгарла йыр мотор да сай у пече кушкын шогалын.

В. КОНДОГИН.