Мыланна ыштыме моторлык

Мишкан села кунам шоч­мо раш огыл. Шуко вере, конешне, тудо 1709 ийыште ышталтын манын возат, но кызытеш тидым рашем­дыше нимогай документ уке. Мишкан села шочмым ала-молан Михаил Исенба­евлан припускым возымо дене кылдат.

Чынжым гын тиде докумен­тыште Саискан (Ӱлыл Шогертен) ял нерген возымо. 1713 ийыште кызытсе Мишкан олмышто Шига­ман ял верланен. Но, адак гынат, 18 курым мучасе Мишкан ден тиде ялым кылдаш нелырак: Ши­гаманлан Нерге гыч толшо шўды­марий-влак негызым пыштеныт, а 18 курым мучашлан тыште уже вес тўшка марий илен.

Туге гынат, ала-кунам ожно Мишкан шочын да тачысе кечы­лан районын рўдыжє улеш. Олян-олян селана тўзлана да мо­торештеш. Тидым ышташ тўрлӧ государственный программа-влак полшат. Иктыже – «Формирова­ние городской среды».

Кок ий ончыч тиде программа полшымо дене «Ава ден икшывы­же» парк уэмдалтын. Кўчык жа­пыште шкет памятник йокрокланен шогымо пычкемыш да ир парк ка­лыкын ик эн йӧртаыме верышкы­же савырнен. Тыште кугыеҥ-вла­кат кумылын канат, йоча-влакат юарлен модыт. Кодший программа полшымо дене вес пашалан пижме – Сеҥымаш мемориал йырысе пар­кым уэмдаш тўҥалме.

- Ме ондак тошто тротуар плитке-влак ден печым рончен­на, - ойла Мишкан сельсовет СП администраций вуйлатыше Рустам Ишмакаев. – Такшым плитке-влак уда лийын огытыл, сандене ме ну­ным вес кўлешан пашалан кучыл­тынна – Уял да Ленинский ялласе мемориал-влак йыр вакшынна. Икмыняр ужашыжым черкылан пу­энна.

Тротуар плитке-влакым вашталтымеке, панаран у меҥ­ге-влакым шогалтылынна. Ик жап гыч паркым сӧрастарыше арт-объект-влак кушкын шогалы­ныт, тўрлӧ мероприятийым эр­тараш сцена чоҥалтын. Шошым газоныш тўрлє кушкыл ден пеле­дыш-влакым шындыме, теҥгыл ден урна-влакым вераҥдыме.

«Уфастройсервис» ООО ден «УралСпецСтрой» ООО-н паша­еҥже-влак кеч-могай игечыште пашам ыштеныт, - ешара Рустам Адгатович. – Муниципальный бюджет кушеш район админи­страций ончылсо автостоянкым кугемденна, тротуарым уэмденна.

Ик жап гыч шемрокым кон­дымо. Мишкан калык тыршыме дене паркыште вондер да пеле­дыш-влакым шындыме. Тыште чылан тыршеныт, но поснак би­блиотечный система, районысо Культура дворец, район адми­нистраций, сельский поселений­ла администраций, образований отдел пашаеҥ-влакым палемден кодымо шуэш. Нуно паркым тў­затыме верч ятыр кече тыршеныт.

Мишкан селаште тений тўням­бал кўкшытан мероприятий эртен – тиде VI Всемирный фолькло­риада. Икманаш, Мишкан села эше ик мероприятий дене исто­риеш кодын. Ме тиде событий­лан кодшияк ямдылалташ тўҥа­лынна. Тыршымына арам лийын огыл – пайрем пеш ямлын эртен. Уна-влаклан Мишкан мландыште чылажат келшен.

Мишканым йот элла гыч тол­шо-влаклан сай могырчын он­чыкташ манын, селам тўзатыме шотышто ятыр пашам шуктымо. Сабантуй олыкышто спорт пло­щадке-влак йыр да сцена ончыл­но асфальтым вакшме, арулыкым пуртымо. Но паша тушто эше мучаш марте шукталтын огыл – олыкышто теҥгыл ден урна-влак вераҥдалтыт, освещений лиеш, тыгак у сцена ышталтеш.

Фольклориада вашеш тыгак Революционный, Юбилейный, Спортивный, Ленин, Мир, Гага­рин уремлаште асфальтым уэм­дыме. Асфальтым тыгак СССР-лан 60 ий да Муса Джалиль урем­лаште вакшме.

Тидым ойлымыж годым мый самырык, но уже кугу опытан сельский поселений вуйлатышын шинчаже йўлымым ужын, уло чо­нем дене куаненам. Рустам Адга­тович селан кажне лукшым, каж­не вўдўремжым сайын пала, чыла пусакым тўзатыме верч тырша. Кызытеш, конешне, кидше чыла вереат ок шу, но уло селам тўза­таш кумылжо уло. Эше тудо се­лаштына улшо кажне шерге объ­ектым арален кодаш тырша.

- Сўретым кузе сай могырко вашталтен кертынна? Пўтынь ка­лыкын ик ой дене тыршымыжлан кєра гына. Селам тўзатымаште тыршыше кажне еҥ пале нады­рым пыштен, ыштыме пашажлан уло чонжым пуэн: плиткым тыр­шен оптен, пеледышым, вонде­рым моторештын кушкышт манын шынден. Йӧн дене пайдаланен, мый нине еҥ-влаклан чылашт­ланат чон гыч лекше тау мутым ойлем. Мый ўшанем: Мишкан се­лаште илыше ден уна-влак тиде пашам аклаш тўҥалыт да кажне кушкыл ден тротуар плиткым са­клаш тыршат. Вет ыштыме мо­торлыкым ме пырля веле арален коден кертына.

Ме ынде Мишканыш толшо уна-влаклан икмыняр объек­тым кугешнен ончыктен кертына. Мутлан, «Ава ден икшывыже» паркыште оҥай йоча площадке ден фонтан улыт. Сабантуй олык ден Паралимпийский рўдерыште спортын тўрлӧ видше дене кылым кучаш йӧн ышталтын. Тушто тыгак канен кошташ але сер воктене ка­нен шинчаш лиеш.

Сеҥымаш паркыштат мотор да сєрале. Тротуар дене парк мучко кошташ, теҥгыллаште шинчын каналташ йӧн уло. Кумылан-влак памятник воктеке миен да Кугу Отечественный сарыште кредал­ше-влакым шарналтен кертыт. Паркыште тыгак тўрлӧ оҥай да мотор арт-объект-влак верлане­ныт.

Чыла тиде моторлык ала-кӧлан огыл, а лач мыланна ышталтын. Тидлан кӧра мыланна тиде мо­торлыкым аралаш да сылнылы­кым ешараш тыршыман.

Фирдаус КАДИКОВА.