«Башкортостан Республикын 2020 ийлан бюджетшым шуктымо нерген»

Законын проектшым респу­бликысе парламентын профиль­ный комитетшын заседанийышты­же текшырыме.

2021 ийыште 10 июнь гыч 16 июнь марте БР-се Кугыжаныш Погын – Курултайыште тудын шо­тышто каҥашымаш эртен.

Законопроект тыгай пара­метр-влак гыч шога.

2020 ийыште республикын бюджетше коронавирусный ин­фекций шарлыме жапыште шук­талтын, тидлан кӧра тудын эҥгек­шым кораҥдаш да экономикын экшыкыш погалше отрасль­же-влаклан полшаш кўлын. Эко­номический ситуаций уда лиймы­лан кӧра, тыштат коронавирусный инфекций титакан, Башкортостан Республик бюджетыш окса ша­галрак пурен.

2020 ийыште Башкортостан Ре­спублик бюджетыш чылаже 219,9 млрд теҥге пурен. Тушечын нало­говый да налоговый огыл доход – 123,2 млрд теҥге лийын, тиде 2019 ий дечын 16,1 процентлан шагалрак.

Налоговый да налоговый огыл доход-влакын тўҥ источникышт: физический лицо-влакын до­ходыштлан налог – 18,7 про­цент, организаций-влакын прибыльыштлан налог – 14,8 про­цент, акциз-влак – 9,7 процент, погылан налог – 6,2 процент, го­сударственный собственностьлан шотлалтше пого дене пайдаланы­мылан доход – 3,4 процент.

Тидын годым безвозмездный поступлений 2019 ийысе дечын 45,2 млрд теҥгелан артен да 96,7 млрд теҥге лийын. Окса, тўҥ шо­тышто, коронавирусный инфек­цийым сорлыклаш виктаралтше мероприятий-влаклан ойырал­тын. Тиде окса полшымо дене уда сценарийым кораҥдаш да здра­воохранений системым вияҥдаш йӧн лектын.

Республик бюджетын роскот ужашыже 259,4 млрд теҥгелан шукталтын, 44,2 млрд те‰гелан артен.

2020 ийыште коронавирусный инфекций шарлен гынат, соци­альный обязательство-влакым чыла шуктымо. Социальный ро­скот-влак 192 млрд теҥге (74 про­цент) лийыныт. Тушечын соци­альный политикылан 66,8 млрд теҥгем ойырымо (25,8), обра­зованийлан – 56,2 млрд теҥгем (21,7), здравоохраненийлан – 42,7 млрд теҥгем (16,5), жилищ­но-коммунальный озанлыклан - 14,8 млрд теҥгем (5,7), культу­рылан, кинематографийлан – 7,2 млрд теҥгем, физический культу­ра да спортлан – 2,6 млрд теҥгем (1), массовый информаций сред­ствалан – 0,9 млрд теҥгем (0,3), йырысе средам аралаш – 0,8 млрд теҥгем (0,3). Экономикын реальный секторжым вияҥдаш 43,9 млрд теҥге ойыралтын (16,9), муниципальный образова­ний-влакын бюджетышкышт - 12,8 млрд теҥге (4,9), национальный оборона, национальный безопас­ность да законым аралыме паша­лан – 2 млрд теҥге (0,8), моло пашалан 8,7 млрд теҥге ойырал­тын (3,4 процент).

Коронавирусный инфекций шарлыме дене кучедалаш да тудын кондымо эҥгекым ко­раҥдаш роскотын кугытшо 32,8 млрд теҥге лийын. Тиде окса гыч утларак ужашыже здраво­охранений да социальный по­литикылан ойыралтын. Кўчык жапыште черле-влаклан эмлал­таш у зданий-влак келыштарал­тыныт, кўлеш оборудованийым да эмым налме, медик-влакын паша условийыштым саемдыме. Коронавирусный инфекций дене кучедалше медицина да соци­альный пашаеҥ-влаклан посна тўлам тўлымӧ.

Республикын государственный порысшо 21 млрд теҥге лийын. Республикын кредитный нагруз­кыжо лўдыкшє огыл уровеньыште улеш.

«Moody’sInvestor’sService» да «FitchRatingsInc» тўнямбалсе кредитный рейтинговый аген­ство-влак республикын кредит­ный рейтингше 2019 ийысе кўк­шытыштак кодмылан шотленыт («Ваl» да «ВВВ», прогноз «Ста­бильный»). Тидын годым «Экс­перт РА» рейтинговый агентсво «Негативный» прогнозым «Ста­бильныйыш» вашталтен.