Выпускник-влак вашлиймаш

Выпускник-влак вашлиймаш

Поро йўла почеш, июнь тылзыште школлаште тўрлє ийласе выпускник-влак ыашлиймаш-влак эртат, Чорай ялыштат тыгак

9 июньыште, 20 ий эртымеке, школышто 2001 ийысе выпускник-влак погыненыт. Мо вара мемнам тошто, но чонлан моткоч лишыл лийше пырдыжла коклашке ўжеш? Мо чоннам савыра? Очыни, эше ик татлан йоча жапышке пєртылаш, йоча да самырык годсо йолташ-влак дене, йӧратыме туныктышо-влак дене вашлияш, парт коклаште уэш ик жап шинчаш кумыл. Эше изи годсо йолташ-влак дене йомартле йоча жапым шарналлтыме моткоч шуэш.

Икымше туныктышо, икымше ямле оҥгыр йўк, икымше урок, икымше «визытан», икымше сочинений, пырля тунемме йолташын икымше гана шыман ончалмыже, икымше йєратымаш... Ме кугем шумеке веле умылена – ме мемнан илышыштына уло, молан ме тунемынна, лач школ пуэн. Школ мемнам возаш, шотлаш, неле да утыж дене неле огыл задача-влакым решатлаш, эксперимент-влакым ышташ, шонаш да сай ден удам ойыраш туныктен. Лач школ мемнан ончылно тўжем дене корным почын ад чонналан эн лишылжым ойырен налаш полшен. Ме тиде корно дене лўдде ошкылынна да шонымашкына шуынна.

Школышто погынымеке, чоным эн чот туныктышына да класс вуйлатышына Антонида Андреевна Алексеева дене вашлиймаш вургыжтарен. Тудлан тыгай шомакым каласыме шуэш: «Те школышто мемнан туныктышына веле огыл, тыгак эн лишыл еҥна лийында да улыда. Ме тендан деке кеч-могай йодыш дене миен кертынна. Тидын годым те кеч-могай татыштат пашажам кудалтенна да мыланна полшаш тыршенда.

Те эре мемнан верч вуйын шогенда. Йоҥылыш лийынна гынат, мемнан аралаш тыршенда. Тунеммашна куштылгырак лийже манын тыршенда. Икманаш, мемнан верч тунаре шуко ыштенда - чылажымат ушештарашат неле. Кунам ме йоҥылышым ыштенна, мемнан верч авана семын йошкаргенна. Кунам мотекныт – уло кумылда дене кугешненда. Неле татыште полшаш вийдам изишат чаманен огыдал. Те мемнам алал кумылын, ава семын йєратенда.

Мемнан верч тыршымыланда чон гыч лекше тау мутым ойлена. Ме тыланда пеҥгыде-пеҥгыде тазалыкым, суапым да поро кумылан кодаш тыланена.

Ынде ме чыланат кугыеҥ улына, шкенан пашана да сеҥымашна дене кугешнен кертына. А тиде илышыш корным лач те почында!».

Школ деч вара йолташна-влак кугу элна мучко шаланеныт. Но, 20 ий эртымеке, ме чыланат шочмо школышкына вашлиймашке толынна. Икте-весе дене вашлиймеке, школ коридор дене коштынна, кабинетлашке пурен лектынна, парт коклаште шинченна, йолташна-влаклан шкенан илышна нерген ойленна, алал кумылын Антонида Андреевнан шомакшым колыштынна, школышто тунемме годысо оҥай да йомартле тат-влакым шарналтенна.

Школ кєргыш пурен лекмеке, чыланат «Сай вер» кафешке каенна. Пайремна умбакыыже лач тушто шуйнен. Кафеште ме почеламут-влакым лудынна, муренна, куштенна, икте-весылан пєлекым ыштенна, пеледыш аршашым кучыктенна.

Вашлиймаш пеш ямлын эртен да пайремыш толшо кажне еҥын кумылжым нӧлталын.

Полина САЛЯЕВА.