Все новости
Тӱрлӧ
2 Сӱрем , 10:47

Пашажлан кӧра награда!

Мыйын материалемын геройжо, район администраций пеленсе ял озанлык отделын тўҥ инженерже Абукаев Александр Алексеевич кодшо кечылаште 60 ияш юбилейжым палемден

Мыйын палымем, ме икияш улына, тўжвал тўс дене 60 ияш кочай гай ок кой. Тидлан «амалжымат» муаш лиеш: государство 60 ияш-влакым шоҥго ра­дам гыч кораҥден, пенсий ийготым ешарен. Сандене Александрлан шке илыш корныжым уэш ончал савы­рнаш да шкенжым рве­заҥдаш пернен.

Александр илышлан єпкем ок кучо, мо пўралтмым ужде кодаш ок лий, манеш. Икманаш, чы­лажымат радам дене.

Мыйын героемын илыш корныжо тўжем дене ик­таҥашыж-влакын деч нимо де­нат ок ойыртемалт. Шочын, шко­лышто тунемын, профессийым ойырен, пашам ыштен…

Тудо 1961 ий 17 июньышто шуко икшыван кресаньык ешыште шочын. Ачаже - Алексей Изиля­нович Изилянов, аваже - Абукае­ва Галя Абукаевна. Ешыште шым йоча кушкын.

«Шкемым мыняр шарнем, ача-авам эре пашаште «йомы­ныт», - манеш Александр Алек­сеевич.

Ача-аван пашам йӧратымышт икшывышт-влак деке куснен. Нуно чыланат тийышле образо­ванийым налыныт. Кок шўжарже педагог корным ойырен, иктыже кужу жап ик организацийыште тўҥ бухгалтерлан ыштен.

Александр лу ияш улмыж го­дым пашаш кошташ тўҥалын. Ик­таҥашыж-влак дене пырля пасум сомылаш коштын. Йоча-влак ку­мылын ыштеныт. Вет озым пасум шўкшудо деч эрыктен, колхозлан пайдам кондымыштым умыленыт. Кудымшо класс деч вара тудо Чо­райысе кермыч заводышто пашам ыштен, кеҥеж каникул жапыште…

«Ме тунам пашам ыштымылан­на пашадарым налынна. Ыштен налме оксана еш бюджетым сай­ынак пойдараш полшен», - шар­налта мыйын героем.

Александр Алексеевич тўҥ паша корныжым 1978 ийыште, Миш­кан райсельхозтехникын Чорай филиалыштыже тўҥалын. Ондак слесарь сомылым шуктен, вара кочегар лийын. Тиде организаций­ыште ыштымыже тудлан ончыкы­лык профессийым налаш негызым пыштен - инженер лияш кумы­лаҥын да Башкирский ял озан­лык институтыш корным почын.

Институт деч вара Александр Алексеевич шочмо районышкы­жо пӧртылын. Самырык специа­листлан Мишкан райсельхозтех­никыште инженер-дефектовщик пашам ўшаненыт. Варажым Ап­тыкаев лўмеш колхозыш тўҥ ин­женерлан кусареныт. Кум ий гыч опытым поген шуктышо самырык специалистым «Мишкинский» совхозыш инженер-механиклан шогалтеныт, вара Ленинский от­деленийым вуйлаташ ўшаненыт.

1996 ийыште пўрымашыже тура савыртышым ыштен. А. Абу­каевым Ленинский сельсоветым вуйлаташ сайленыт. Тиде долж­ностьышто тудо 14 ий, Ленинский сельсоветым Мишкан сельсове­тыш ушымо марте, пашам ыштен. Тиде жапыште Александр Алексе­евичын вуйлатымыж почеш шуко паша ышталтын. Чылажым ойлен шукташат ок лий. Но чылалан шинчаш койшыжым каласен ко­даш уто огыл. Тудын годым Ки­газытамак ялыш шумеш асфальт корно пышталтын, тиде ялыштак школ, клуб капитально олмыктал­тыныт. Ленинский ялыште пазар чоҥалтын, урем-влак асфальти­роватлалтыныт…

Тиде должностьышто улмыж годым эсогыл Башкортостанын икымше президентше Муртаза Рахимов дене вашлийын. Мур­таза Губайдуллович Ленинский ялыште у кевыт да кафем торже­ственно почын.

Александр Алексеевич ден мутланыме годым икте поснак ойыртемалтын: тудо шкеж нер­ген йӧршын ойлаш ок тырше, кажне йодышлан пашам пырля ыштыме коллегыже-влак нерген мутым лукташ тӧча. Тидыже, ко­нешне, айдемын пеш скромный улмыжым ончыкта.

- Айдемын шеҥгелныже пеҥ­гыде тыл уло гын, паша ворана, - манеш Александр Алексеевич. - Мыйын тыгай тылем - Снежана Валентиновна пелашем. Еш шок­шым, пыжашым арала.

Александр Алексеевичын тыр­шыман пашажым шуко Тауштыме серыш ден Чап кагаз-влак пеҥгы­демдат.

- Мутат уке, Тауштыме серыш, Почетный грамота чоным куан­дарат гынат, еҥ-влакын пага­лымашышт деч кугу наградыже илышыште уке, - манеш юбиляр.

В. КОНДОГИН.