Ушан сенаш полша

Спорт званийым тудо тений сулен налын. ™стел теннис дене модаш изинек тў‰алын. Школышто тунеммыж годым Даринам аваже – Наталья Яковлевна туныктен. Ик жап гыч изи сенымаш-влак кугу сенымаш марте шуктеныт. Дарина Апсатарова ик танасымаште веле огыл сенен – региональныйыштат, всероссийскийыштат. Тыгак ятыр гана призер лийын. Вет тыршымаш кечкунамат сай лектышым пуа – ўдыр тренировкыш кошташ изишат єрканен огыл. Дарина 2007 ий 10 октябрьыште шочын. Кызыт 17 ияш улеш. Чонжо поро, тыгак тыршышан, нелылык дечын лўддымє улеш. Ракеткым тудо кидышкыже икымше гана 2 ияшыж годымак налын. 4 ияшыж годым уже сайын модын моштен. Кугу танасымаште икымше гана 5 ияшыж годым участвоватлен - Башкортостан Республикын первенствыштыже модын да кумшо верым налын. Тылеч вара илышыжым спорт дене пенгыдын кылден. - Удырем мый денем пырля спорт залыште кушкын, манаш лиеш, - ойла Наталья Александровна. – Дарина йоча садыш коштын огыл, лучо тренировкыш коштам манын. 1 гыч 7 класс марте Мишкан селасе 1 №-ан лицейыште тунемын. Спорт шуко жапым налын гынат, нылытан ден визытанлан гына тунемын. 7 ияшыж годым Башкортостан Республикын ўстел теннис дене сборныйышкыжо пурен. 12 ияшыж годым спорт мастерлан кандидатлан нормативым темен. 2021 ийыште БР-н сборный командыж дене Россий первенствыште командный танасымаште участвоватлен. Тылеч вара тудлан Москва областьысе Химки оласе 3 №-ан олимпийский резерв училищышке тунемаш пураш темленыт. Чынжым каласаш гын, Москвашке Дарина изинек логалаш тыршен, соцсетьлаште уста теннисист-влакын модмыштым, могай сенымашыш шумыштым эскерен. Тыге тудын шонымашыже шуын. Кызыт Дарина училыщыште кокымшо курсышто тунемеш, Москва областьын сборный командышкыже пура, тыгак Российын 20 ияш марте ўдыр-влак кокласе сборныйышкыжо налыныт. - Мыйын шонымаште сенымашыш шуаш тыршыше кеч-могай спортсмен эн шагалже спорт мастер лияш тырша, - ойла Дарина Апсатарова. – Ыштен кертдыме паша уке. Мыйын шонымаште, шкендын вийлан да тренерлан ўшанаш гын, кугу сенымашыш шуаш лиеш. Спортышто тўн верым эре сенаш тыршымаш да модмаште шонен моштымаш налыт. Устел теннис мылам виклан келшен. Тудын дене модмо годым чолгалык веле огыл, тыгак шонен моштымаш кўлеш. Эше пенгыде койыш-шоктыш лийшаш. Пенгыдылык деч посна, шкендым кидыш налын моштыде, нимогай сенымашыш шуаш ок лий. Тидын верч эре тренировкыш коштман, танасымаште шкендым тергыман. Но сенымашыш шуаш тренировка-влак веле огыл полшеныт. Мылам кеч-кунамат авамын ўшанже да сенаш таратымыже полшеныт. Тудо мыйын икымше тренерем улеш. Спортсмен-влаклан тренер дене пенгыде вашкыл пеш кўлешан улеш. Ончыко каяш да у сенымашыш шуаш лач тренер полша. Спорт дене пенгыде кылым кучышо енлан тренерже ден командыже кокымшо ешла улыт. Кызыт мыйым Светлана Федосеева ден Денис Бочков тренироватлат. Модмаш деч ончыч тўрлє семым колыштам, я авам дене телефон дене мутланем. Тудо изем годсек мыйын эн пенгыде да ўшанле энертышем улеш. Тидлан тудлан кугу тау. Мыйын шонымаште, йоча-влак тунам веле кугу сенымашыш шуыт, кунам нунылан уло чонышт дене ўшанат. Дарина чын улеш, пенгыдылыкым да шкенжын вийжылан ўшаным тудлан лач аваже пуэн. Наталья Андреевна тренер пашам уже 25 ий шукта. Пашаже нерген тудо тыгеракын ойлыш: - Пашам ышташ тўналмем годым йоча-влаклан ўстел теннис дене секций у лийын. Тидлан кєра модаш ятыр ен кумыланын. Чынжым каласаш гын, йоча-влакым модаш туныкташ келшыше условий лийын огыл, туге гынат, чыланат занятийлашке кумылын коштыныт. Мый йоча-влакын шинчаштышт тул ылыжмым ужынам – модмаш нунылан пеш келшен. «Тазалык» физкультурнотазартыме комплексым ыштен пытарымеке, куанна нимучашдыме лийын. Тренировка-влак ынде кугу да волгыдо залыште эртат, тушто сай ўстел-влакым шогалтыме. Тидлан кєра ўдыр-рвезына-влак тўрлє разряд-влаклан куштылгынрак сдаватлат, республиканский танасымашлаште вийыштым тергат. Мый нуным таратыме почеш огыл, а шкеныштын кумылышт почеш сенаш туныктем. Конешне, чыланат чемпион огыт лий, но уда огыл результатым чылан ончыктат. Модмаш нуным тыгак пенгыде лияш, шке вийыштлан ўшанаш, чыташ, чолгалыкыштым пўсемдаш полша. Сенашлан пўртўс пєлеклыме чолгалык веле огыл, тыгак тыршымаш да шкем сенен моштымаш полшат. - Устел теннис – спортын кумдан шарлыше видше. Тудо кенежымсе Олимпийский модмашын программышкыже пурталтын, - ойла «Путник» рўдер директор Вячеслав Князев. – Ме Даринам тыгай сенымашыш шумыж дене алал кумылын саламлена! Тренер-влакланат кугу тау! Дарина дене чыланат кугешнена да эшеат кугурак сенымашыш шуаш тыланена! Тыгак Наталья Яковлевналан кугу тау, ўдыржылан кугу спортыш корным лач тудо почын. Тудо поро ава да уста тренер улеш. Нунын лўмышт районын историешыже курымешлан кодшаш. Эше палемден кодыде ок лий – районыштына ўстел теннис дене спорт мастерна икте веле огыл. Спортын кўлешлыкшым шкенжын ик выступленийыштыже Радий Хабироват палемден. - Илышыште ятыр сенымашыш мый лач спортлан кєра шуынам, - каласен тудо. – Тидлан кєра ик эн тўн задачемлан йоча-влаклан, кугу оалште илат ме, изи ялыште илат ме, Башкирий мучко спорт дене кылым кучаш йєным ыштыме пашам шотлем. Башкортостан Республикыште йоча-юношеский спортым вияндымаш ик эн кўлешан пашалан шотлалтеш. Тидын верч пытартыш ийлаште ятыр ыштыме. Талантан спортсмен-влаклан гын тўрлє полыш ончыкталтеш. Республикыштына спортын 141 видше виянеш, нунын кокла гыч 34 видше – базовый. Физкультурно-спортивный сынан 133 мер ушем регистрироватлалтын, нунын кокла гыч 122-шо – аккредитацийым эртыше региональный спорт федераций.

Светлана ТОЙМУРЗИНА.