«Сенымаш дек куржына»

Се‰ымаш кече вашеш Мишкан районышто куштылго атлетика дене эстафетым эртарымаш шукертсекак поро йўлашке савырнен. Эстафетыште школлаште тунемше-влак гына огыл, тыгак организацийын, предприятийын пашае‰ышт-влак да сельский поселенийлаште илыше-влак участвоватленыт. Тиде кечын профессиональный спортсмен, таза илыш-йўлам кучышо-влак, спорт дене кылым кучышо-влак Кугу Отечественный сарыште колышо миллион дене ен-влакым шарналташ, ветеран-влак деке пагалымашым ончыкташ чумыргеныт. Кажне ийын эртыше эстафетын тенийсе участникше-влак Тўвыра полат воктене чумыргеныт. Кавам петырыше пыл ше‰гечын коклан-коклан кече койылда гынат, йўштє мардеж эстафетын участникше-влакым кылмыкташ тєчен. Тидыже тренер ден эстафетын организаторжо-влакым изишак тургыжландарен, вет спортсмен-влак эстафета деч вара черланен кертыт. Молыгунамсе семынак эстафета эртыме корнышто движений петыралтын, порядкым полиций пашае‰-влак эскереныт. «Сенымаш деке куржына» лозунг дене эртыше спортивный мероприятийын участникше-влакым район администраций вуйлатышын социальный йодыш да район кєргысє политика шотышто заместительже Лариса Александрова саламлен. Эстафетын пытартыш участникше финишыш толын шумеке, районысо физический культура, спорт, туризм да молодежный политика комитетын председательже Николай Зайнитдинов команда-влакым эстафетым сайын эртымышт дене саламлен да награжденийым тўналын. Школ-влак коклаште се‰ышыш Чорай ялысе Яныш Ялкайн лўмеш марий гимназийын командыже лектын. Кокымшо верым Изи Накаряк школын командыже налын. Кумшо вер Мишкан селасе полилингвальный шуко профилян школын командыжлан логалын. Организаций, предприятий, сельский поселений-влак коклаште икымше верыш Чорай сельсоветын, кокымшыш Ирсай сельсоветын, кумшыш Кўрзе сельсоветын командышт лектыныт. Тыгай мероприятийым эртарымаш пеш кўлешан да пайдале, поснак - Се‰ымаш кече вашеш. Вет мыланна эрык илышым арален кодышо кугезына-влакым эре шарнышаш улына.

Виктория ИШМУРЗИНА.