Келшымаш
+24 °С
Йӱр
Все новости
СПОРТ
12 Шыжа 2022, 10:41

«Шӧртньӧ шыже»

Чорай ялысе Я. Ялкайын лўмеш марий гимназийыште шыже кросс эртен

«Шӧртньӧ шыже»
«Шӧртньӧ шыже»

Чевер кеҥеж шеҥгелан кодо, лышташ-влакым рўдаҥдыше шыже тольо. Тиде жап изишак шўлыкан улеш гынат, мемнам поянлыкше да тыматле койышыж дене ӧрыктара. Лач тыгодым Чорай ялысе гимназийыште «Шӧртньӧ шыже» таҥасымаш эрта.
Тений кроссым Чорай сельсовет СП администраций дене пырля эртарыме, тидлан кӧра тушко кугурак ийготан-влакат ушненыт. Куржмо корнымат уэмдыме. Тушто ынде изирак курык-влак улыт. Тыгай корно гимназийыште тунемше-влаклан веле огыл, унана-влакланат келшен. Вет таҥасымашке самырык спортсмен-влак Ардаш, Кугу Соказа, Тымбай, Кемий, Пўнчер, Монар да Корак ялласе школла гыч толыныт.
Эн ончыч эн изи (8 ияш марте) йоча-влак куржыныт. Нуно писылыкыштым 500 метр кужытан дистанцийыште ончыктеныт. Нунын деч вара моло йоча-влак вийыштым тергеныт. Мучашлан 60 ияш да шоҥгырак пӧръеҥ-влак ден 55 ияш да шоҥгырак ўдырамаш-влак стартыш лектыныт.
Игече пыланрак лийын гынат, «Шӧртньӧ шыже» кросс пеш шуко еҥым чумырен. Чылаже 200 наре еҥ куржын. Чорай ялысе марий гимназий пашаеҥ-влак ден Чорай сельсовет СП администраций пашаеҥ-влакын тыршымышт дене спортсмен-влаклан шокшо чайым йўктымӧ да тамле кадырым пукшымо.
Мероприятий чыла еҥланат алал кумылым пӧлеклен. Сеҥыше ден призер-влак чап грамот да медаль дене палемдалтыныт.
Г. АХМЕТОВА.

«Шӧртньӧ шыже»
«Шӧртньӧ шыже»
«Шӧртньӧ шыже»
Автор:Фирдаус Кадикова