Пашаж дене сулен налын

Тений 1 ноябрь ял озанлык пашаште сенымашке шушо ен-влаклан кужу жаплан шарнымашеш кодын. Тиде кечын Уфаште ял озанлык пашаен-влакын кечыштым палемдыме. Башкортостан Республик вуйлатыше Радий Фаритович Хабиров «Урожай - 2023» конкурсышто се‰ыше-влакым наградитлен. Республикыште кугу се‰ымашке шушо эн сай механизатор ден водитель-влаклан Lada NIVA автомашиналан сертификатым кучыктен. Нунын коклаште Мишкан район Тєргымтўр ял гыч Георгий Иванович Якупов лийын. Тудо «Шурным погышо комбайнын эн сай операторжо» номинацийыште сенышыш лектын. Г. Якупов Самвел Кштаев КФХ вуйлатыше индивидуальный предпринимательын механизаторжо.
Георгий Иванович изиж годсекак техника деке шўман лийын. Якуповыт тукымышто пєръен-влак илышыштым тўн шотышто пасу паша дене кылденыт. Георгийын йоча да самырык жапше Емельян ден Борис изаж-влак дене пырля эртен. Кумытынат техника деке шўман кушкыныт. Вет ачашт, Иван Якупович, 33 ий трактор дене коштын.
Горгий Ивановичын ойлымыж почеш, ончыч ялыште кажне суртышто тракторист, южо суртышто икте гына огыл, лийын. Чаманаш веле кодеш, кызыт самырык-влак коклаште ты профессийым налаш кумыланже шагал. Комбайнер ден тракторист-влакын ситыдымашышт яллаште поснак пўсын шога. Самырык-влак олаште илынешт, ялыште кугу оксам ыштен налаш йєн уке, маныт.
Георгий Иванович тиде ситыдымашын тўн амалжылан школлаште паша воспитанийын йоммыжым шотла. Кугурак тукымым тидыже тургыжландара, вет калыклан кочкыш сатум ыштен лукмаш илышыште тўн верым налеш.
Школышто тунеммыж годым Георгий Иванович моло тунемше-влак дене пырля пасушто пашам ыштен, паренгым луктыныт.
Кандаш класс деч вара мыйын героем Пўрє оласе 31 №-ан СПТУ-шко тунемаш пурен. Варажым производственный туныктымашын мастерже лияш шонен да Бугульмасе индустриально-педагогический техникумыш миен. Но тушко пурашлан кыдалаш образований кўлын. Сандене тудлан уэш школ парт коклашке шинчаш логалын.
Георгий Иванович армийыште службым Турментистаныште да Афганистаныште эртен. 1987 ийыште старшина званий дене мєнгє пєртылын, Афган сарые ветеранже лийын.
Самырык рвезын пофессиональный паша корныжо Бирск олаште, сайын палыме училищыште тўналеш. Тушто тудо производственный туныктымашын мастерже лиеш да кумло ий тиде пашаште тырша.
- Ончыч мастер-влак шке студентыштын успеваемостьыштлан, образовательный учрежденийыште да тудын деч єрдыжтат шкем кучымыштлан вуйын шогеныт. А кызыт ответственность куратор-влак ўмбаке кусаралтын, - ойла Георгий Иванович. - Мый, преподаватель семын, студент-влакым механика деке шўма‰даш тыршенам, нунылан онай йодыш-влакым пуэнам…
Георгий Иванович икмыняр ий сулен налме канышыште улеш гынат, паша деч посна ок шинче. Кызыт тудо Самвел Кштаевын озанлыкыштыже механизатор лийын ышта. Республиканский конкурсышто участвоватлымаш - шке пашажым пеш сайын палымым эше ик гана пенгыдемда.
Георгий Ивановичын пелашыже, Елизавета Леонидовна, марийжым чыла шотыштат кумыла‰ден шога. Паша гыч толмо жаплан тамле деч тамле кочкышым ямдыла.
Елизавета Леонидовна шкежат, пелашыже семын, шке профессийжылан ўшанле улеш. Тудынат илышыже техника дене кылдалтын. Кумло ий Нефтекамский автомобильный заводышто пашам ыштен. Пашам сайын ыштымыжлан шуко тауштыме серыш, Чап кагаз дене палемдалтын. Нуным пєрт пырдыжыште радамын сакалыме.
Ешыште кум йоча да кок уныка улыт. Кувава ден коча самырык тукымым паша деке шўма‰даш тыршат.