«Кугу кумылын модынна!»

Педагогын да наставникын идалыкшылан лўмлалтше КВН (Весела да йєным муын моштышо-влак клуб) модмашым БР-се калык-влак келшымаш пєрт, Марий историй да тўвыра рўдер, Мишкан район администрацийын самырык-влакын пашашт шотышто отдел да «Эрвел марий» национально-культурный автономий организоватленыт.
КВН модмаште кум марий команде шке мастарлыкшым ончыктен: «Чу ча чи марий» (Йылыш школ), «Ирсай подкогыльо-влак» (А. Искандаров лўмеш Ирсай кыдалаш школ), «Ужарвуй» (Наука да технологий уфимский университетын Пўрє филиалже).
Команде-влак кум конкурсышто танасеныт. Икымше конкурс - «Саламлалтмаш». Команде-влаклан 3-5 минут жапыште шкешт дене палдараш кўлын. Икымше саламлымашак ончышо-влаклан кас весела лийшашым сєрен. Танасен модмаште кє-гынат ончыко лектеш… Сенышым жюри палемда. Икымше конкурсышто жюри член-влак чыланат Ирсай командылан «визытаным» шынденыт. Нунак ончыко лектыныт. Варажым «Ик ОЙ дене илена!» видеороликым онченыт. Ирсай школышто туныктышо тунемме заведенийыште паша кече-влакын веселан да пайдалын эртымышт нерген ойлен. Йылыш школышто ыштыше коллегышт-влак илышыште вашлдиялтше проблем а-влакым кузе куштылгын решатлымыштым ончыктеныт. А студент-влак шке илышышт дене кылдалтше мыскара-влак дене ончышо-влакын кумылыштым савыреныт. Видеоролик-влакым ончымо годым залыште шинчыше-влак мўшкыр кучен воштылыныт. Тиде конкурсышто йылыш-влдак эн шуко баллым погеныт.
Кумшо конкурс «Муно чывым туныкта» мєнгє паша. Регламент почеш тидлан 5-7 минут жап пуалтын. «Ирсай подкогыльо-влак» команде тиде заданийыштат «визытан» оценкым налын.
Палемден кодаш кўлеш, кум командыжат икымше гана сценышке лектын. Мыскара-влак пеш онай лийыныт. Залыште шинчыше-влак шер теммешке воштылыныт. Марий команде-влак чыланат сайын выступатленыт. Тыште муро, куштьымаш, мыскара - чыла лийын. Икманаш, кас пеш веселан эртен.
Кажне команде шке семынже ойыртемалтын, шкалан гына келшыше мыскарам муын. Сценыште выступатлыше кажне командын залыште шке «командыже» лийын. Нуно плакатым нєлтен, сценысе командыштым кумыланденыт.
Вўдышє Алексей Ибулаев шке мыскараже-влак дене ойыртемалтын.
Жюри канашыме жапыште Марий Эл гыч т олшо уна-влак, мыскараче Сергей Карпов ден гитарист, марий бард Геннадий Григорьев выступатленыт. Палемден кодыман, жюри радамыште Марий Элысе республиканский тўвыра рўдерын пашаенже Надежда Николаева лийын.
Жюри тыгай иктешлымашым ыштен: кумшо вер студент-влаклан логалын, йылыш-влак ший призер лийыныт, икымше верыш Ирсай команде лектын. Тиде кастене сеналтше лийын огыл, ме команде-влакым се‰ымашышт дене алал кумылын саламлена!
КВН пытен гынат, ен-влак мєнгє каяш вашкен огытыл. Фоеште «кандырам» кумылын пуненыт. Куштымашке жюри член-влакат, весела КВН-щик-влакат ушненыт.
«Ирсай подкогыльо-влак» командын членже Людмила Бухарева шке шонымашыж дене палдара:
- КВН-ште укчаствоватлымаш пеш поро шарнымашым коден. Фестивальлан шыже каникул жапыште ямдылалташ тўналынна. Командын лўмжє ала-кузе шкеак шочо, а теве сценарийым кажне кечын уэмден шогенна, школ илыш гыч весела историй-влакым погенна, телевизорышто ончыктымо мыскара-влакым шкаланна келыштарен кусаренна. Репетиций годымак шкенан мыскарана-влакым чон канен воштылынна. Капитанна Янина Вячеславовнан тыршымыжлан кєра командына пеш сай, икоян лийын. Ме кугу кумылын модынна.
Командын капитанже Янина Саликаева ешара:
- КВН-ште модаш куштылго лийын, вет «Ирсай подкогыльо-влак» йєным муын моштышо да весела улыт. Вес команда-влак пеш виян ли йыныт, а тидыже сенымаш куаным эше кўшкырак нєлталеш.