Келшымаш
+25 °С
Раш
Все новости
Новости
9 Шыжа 2023, 14:26

«Геройын партше»

2023 ий 29 сентябрьыште Мишкан селасе Флорид Буляков лємеш 1 №-ан лицейыште Украиныште специальный военный операцийыште ўмыр лугыч лийше выпускник-влаклан «Геройын партшым» торжественно почмо

«Геройын партше» -тиде ученикын ўстелже, тушто Геройын фотографийже, тудын илыш корныжо да подвигше нерген увер верандалтыныт. Проектын цельже - школышто тунемше-влаклан геройло поступкым ыштыше да шке шочмо элна верч илышыштым пуаш ямде улшо герой-землякна-влак нерген шарныкташ. Геройын партыштыже тунеммаште, спортышто сай результатыш шушо, тыгак школын мер илышыштыже ойыртемалтше тунемше-влак шинчаш тўналыт.
Ме шкенан школын историйже дене кугешнена, школ йўлам аралена да виянден толына, геройна-влакым жаплена. «Геройын партшым» почмаште Мишкан район администраций вуйлатышын икымше заместительже Л. Александрова, районысо ветеран-влак организацийын председательже Ю. Балахнина, герой-влакын родо-шочшышт, йолташышт, туныктышо-влак да 9 классыште тунемше-влак участвоватленыт.
- Ме шкенан геройна-влакым палышаш да эре шарнышаш улына, - палемден Лариса Геннадиевна. - Олег Шахмухаметов, Иван Каншаев да Владимир Пашкин - чын патриот лийыныт, нуно шке илышыштым чаманыде шочмо элнам ўшанлын араленыт. Нунын нерген поро шарнымаш эре чоныштына илаш тўналеш.
Юлия Григорьевнан мутшо почеш, герой - тиде званий але орден гына огыл, тиде лўддымылыкым ончыктышо айдеме. Тыгай лўддымє ен-влаклан кєра ме шочмо элнам утларак умылена. Нуно, самырык рвезе-влак, кушкын толшо тукымлан эре пример лийыт.
Погынышо-влак ончылно чон корштен Иван Каншаевын аваже выступатлен:
- Иваным кеч южгунам землякше-влак шарналтыштманын шонем, вет тудо нигєм ужален, нигєм кудалтен, нигєм ондален огыл, а шке порысшым гына шуктен - шочмо элым арален, - манын Светлана Валерьевна.
Рвезе-влакын илыш корныштат икгайрак улыт: кумытынат Мишканыште шочыныт да кушкыныт, 1 №-ан Мишкан кыдалаш школым тунем пытареныт, срочный службым эртеныт, шке кумылын Российым аралаш каеныт.
«Геройын партышкыже» шинчаш эн ончыч тунеммаште отличник, предметный олимпиадыште да конкурслаште сеныше-влак, 10 классыште тунемше Дана Валиева ден 8 классыште тунемше Матвей Шамшияровлан чап пуалтын.
Колышо-влакым шарнаш - илыше-влакын порысышт. Эртышым мондымаш - шочмо элна верч илышыштым пуышо-влакым ужалымаш. Нуно шке илышыштым чаманыде мемнан, икшывына ден уныкана-влакын ончыкылыкыштым араленыт. «Геройын партыштыже» шочмо элна верч илышыштым пуышо рвезе-влакын лўмышт курымешлан возалтыныт. Ме нуным эре шарнаш тўналына!

«Геройын партше»
«Геройын партше»
Автор:Фирдаус Кадикова