Ушнымаште - вий

Ушнымаште - вий

«Единая Россия» партийын верысе отделенийжын черетан заседанийже эртен

Заседанийым партийын верысе отделенийжын секретарьже Татьяна Коледина почын. Тудо партийын районышто шуктымо пашажым иктешлен да декабрьыште Москваште эртыше XVII съезд нерген информацийым ыштен.

Съездын кузе эртымыж нерген тудын участникше, Балтач информационный рўдерын «Балтач таннары» газетын тў‰ редакторжо Рустам Валеев палдарен. Рустам Мавлиевичын мутшо почеш, съезд пеш сайын организоватлалтын, посна отрасль-влак дене секций-влак пашам ыштеныт, Россий калыкын илышыжым саемдыме шотышто пўсє йодыш-влак ка‰ашалтыныт.

«Аграрная сверхдержава» площадкыште шєрым да шылым пуышо вольыкым ашнымым, ял озанлык кооперацийым, аграрный образованийым ыштымым да продукцийым вес эллашке ужалыме йодыш-влак тў‰ верыш лектыныт. «Российское село» партийный проектын федеральный координаторжо, Государственный Думын депутатше Владимир Плотников агропромышленный комплексым вия‰дыме йодышым ончаш луктын.

Партийный проект-влакым ончыктышо выставка ышталтын, шым дискуссионный площадкын пашаже почеш партийын сайлымаш ден ончычсо программыжым шуктымым контрольышто кучышо комиссийын заседенийже эртен. Партийын «Российское село» проектше, тудо 2017-2022 ийлаште шукталтшаш, ялам вия‰дымашке виктаралтын.

Мутлан, мланде пашае‰-влаклан техникын акшылан мониторингым эртарат. А техникым налаш оксам РФ правительствын ойыра. Тиддеч посна партийын ты проектше яллаште илыше-влакын илыш условийыштым саемдышаш. Корным ышташ, школ ден культура пєртлам чо‰аш палемден.

Рустам Мавлавиевичын мутшо почеш ыштен лукмо продукцийым ужалыме, кадр-влакым ямдылыме йодышлам ка‰ашымаш пўсын эртен.

Балтач район гыч толшо уна Владимир Путинын выступленийжым колыштмыж дене палдарен. Россий Президент внешний политика, Российсе илыш нерген ойлен.

Р. Валеев тыгак заседанийыш толшо-влакын йодышыштлан вашештен.

Верысе избирательный штабым, резервный участковый комиссий-влакым ыштыме йодыш дене Татьяна Коледина выступатлен.

«Единая Россия» партийын верысе отделенийжым вуйлатыше Хаматхан Бабичев партийный взносым погымо да подписной кампаний кузе эртыме нерген ойлен.

Кўрзе, Кемий да Ардаш школышто тунемше-влак «Экоурок» партийный проектыште участвоватлымылан диплом дене наградитлалтыныт.

Заседанийыште ка‰ашыме йодышла дене тийышле пунчаллам лукмо.

Фирдаус КАДИКОВА.