Ситуаций лўдыкшє огыл

Ситуаций лўдыкшє огыл

Муниципальный район администраций пелен антинаркотический комиссийын заседанийже эртен

Район администраций пелен пашам ыштыше антинаркотический комиссийын заседанийыштыже тачысе жаплан пўсын шогышо йодыш-влакым ончымо.

Администраций вуйлатышын кадр да социальный йодыш шотышто заместительже Л. Александрова республикысе наркоситуаций нерген доклад дене выступатлен. Образований отдел вуйлатыше С. Александров, агропромышленный колледжын представительже Л. Акбулдина, Мишкан рўдє библиотечный системын директоржо Т. Кондогина, физический культура, спорт, туризм да молодежный политика шотышто комитетын председательже Р. Ямаев, рўдє районный больницын тў‰ врачше Л. Абзалтдинов наркотик дене пайдаланыме да тудым закондымын ужалыме ваштареш кучедалме районный программым кузе шуктымышт нерген отчетым ыштеныт.

Районысо общеобразовательнгый школлаште наркотик ваштареш виктаралтше класс шагат, беседа, дискуссий, урок деч варасе мероприятий, конкурс, викторина, анкетирований-влак эртат. Кажне школышто «Профилактика совет», «Нарко-пост» пашам ыштат. Тунемше-влак коклаште социально-психологический тест-влак эртаралтыт.

Кодшо тунемме ийыште 8-10 класслаште тунемше 450 йоча тестированийым эртен. Нунын коклаште наркотикым да психоторопный вещества дене пайдаланыше-влак рашемын огытыл. 2017-2018 тунемме ийыште тыгай мероприятий январь тылзыште эртаралтшаш.

Мишкан рўдє районный больницын пашае‰же-влак ты тема дене 14 лекцийым лудыныт, ныл гана йыргешке ўстел йыр шинчын мутланеныт, 28 санбюлетеньым луктьыныт. Врач-терапевт-влак участкылашке лектын коштмышт годым 200 утла беседым эртареныт. Наркологический кабинетын пашае‰же-влак 97 е‰ым текшыреныт - психоактивный веществам муын огытыл. Кок кугу школышко видеоролик-влакым ончыкташ лектыныт. Школьник-влак наркоманын могай илыш дене илымыжым шке шинчашт дене ужыныт. Тыгай видеоматериал-влакым шукырак налаш кўлеш.

2017 ийыште опий наркотик дене пайдаланыше 3 пациентым пален налме. Кум е‰ым наркотик дене пайдаланаш тў‰алме жапыште пален налме да Бирский наркологический диспансерыште эмлыме, нуно кызыт пе‰гыде контрольышто улыт.

Библиотека-влак самырык-влак коклаште профилактический пашам сайын шуктат. Тидлан нунын информационный материалышт шуко. Отчетный жапыште районысо библиотека-влак таза илыш йўлам кучымо, начар койыш ваштераш кучедалме мероприятий-влакым шуко эртареныт. Тидлан тўрлє йєным кучылтыныт. Мероприятий-влак школ, ФАП, СДК да клуб-влак дене пырля эртаралтыныт.

«Наркотик улман ир кушкыл-влакын кушмо верыштым рашемдыме да нуным пытарыме, закондымын нуным ўдымє пашам шуктымо нерген» Россий МВД-н Мишкан районысо отделжым вуйлатыше Л. Худойназаров выступатлен.

2018 ийыште антинаркотический комиссийын шуктышаш пашаже нерген комиссийын секретарьже О. Биктубаева палдарен.

А. ГРИГОРЬЕВА.