Ош йўксє-влакым ида лўйє

Ош йўксє-влакым ида лўйє

Нерге ял воктене Юмын кайыкым пуштыныт

Шукерте огыл Нерге ял воктенсе Кожъерышке мужыр йўксє чо‰ештен толын. Нуным ондак кўтўчє-влак ужыныт. Ик жап гыч уло ял калык пален налын.

Е‰-влак тиде моторлыкым ончаш лўмын миеныт. Ондак йўксє-влак айдеме-влак дечын моткоч лўдыныт. Ик жап гыч кєнаш да айдемым йолташ семын ужаш, тудлан ўшанаш тў‰алыныт. Йоча-влак нунылан киндым да моло сийым пукшеныт, канде ерыште моторын ийын

коштмыштым куанен онченыт. Юмын кайык-влак ял калыклан кугу куаным конденыт. Вет тиде ерышке мотор йўксє-влак икымше гана толыныт. Е‰-влак ўшаненыт – мужыр йўксє дене пырля калыклан волгыдо суапат толеш. Но... Но молан дыр поро калык коклаште

шакше чонан ораде-влакат улыт. Чынжымак ораде-влак. Вет тыгай е‰-влакым айдеме манаш йылмат ок савырне. Ала-могай шем чонан, опкын койышан «е‰лан» ош йўксє-влак илашыже пулаштареныт – ала тудын шўлышаш юж дене шўленыт, ала кочшаш киндыжым кочкыныт,

ала тудет калык куанымылан лайыкын мален кертын огыл... Но ик кечын тиде «е‰ет», шонемат, темын кертдыме опкын логаржым темаш шонен, узо йўксыжым лўен пуштын...

16 майыште, кечывал кечын, кўтўчє-влак кенета пычал дене лўйымє йўкым колыныт... Мо тиде? Могай азап? Ала калыкым куандарыше мотор йўксым лўеныт?!

Кўтўчє-влак виклан ер воктеке куржын миеныт... Но вараш... Ала-могай кў чонан «айдеме» узо йўксым лўен... Юмын кайыкым пуштын, но капшым луктын шуктен огыл – е‰-влак толмо йўкым колмеке, вашкерак машинашкыже шинчын да шылын кудалын...

Кузе тиде орадын тыгай пашалан кидше нєлталалтын? Тылеч вара иктаж суап ден порым ужеш мо тиде «е‰»? Тылеч вара тудет калык коклаште могай чон дене коштеш? Шонемат, тудын ешыжат, икшывыже-влакат улыт... Суртышкыжо миен, ватыже ўмбаке тудет кузе ончалеш? Икшывыже-влаклан, «ачай, молан мотор йўксым пуштыч?» манын йодмыштлан, кузе вашешта? Ала тиде ораде йєршын чондымо улеш? Ир янлыкла логаржым темыме нерген веле шона. Но вет ир янлыкат арам нимом ок пушт. Машинаже, пычалже уло гын, кочкашыже

уке мо? Каргыме «е‰»!

Ожно кугезына-влак йўксым Юмын кайыклан шотленыт да суксо семын жапленыт, Юмын ўдыржє але эргыже семын ужыныт. Нуно пўтынь калыклан суапым конда манын ўшаненыт. Тиде «е‰» иканаште икмыняр осал пашам ыштен: Юмынкайыкым пуштын, тудын пелашыжым

курымешлан ойгатен да пўтынь калыкым Юмын суап деч посна коден... Эн чот, конешне, ава йўксын чонжым сусыртен. Вет тудет ончыкыжым вес мужырым ок му, ончычсо пелашыжлан ўшанле кодеш да кодшо ўмыржым шортын эртара да колымешкыже шўмыштыжє пелашыжым

пуштшылан єпкем куча.

Кузе ынде ме тиде кайыклан чыла айдемат шакше чонан огыл манын умылтарена? Кузе тудын ойгыжым луштена? Мо дене полшен кертына? Ава йўксын чонжо дене пырля мыйынат чонем шортеш, шинчавўдем йога. Чонем сусыргышо йўксыла орлана – векат огеш лыплане. Ава йўксє кажне кечын канде ер ўмбалне чо‰ештылеш да шке мужыржым - йєратыме пелашыжым кычалеш...

Айдеме, шоналте сайын! Молан тый пўртўслан тыгай э‰гекым ыштет?! Ала тый йєршын шўмдымє улат?

Пўтынь Нерге ял калык лўм дене Людмила М.