Граждан-влакын интересыштым аралат

Граждан-влакын интересыштым аралат

Профессиональный пайремышт вашеш районысо прокурор-влак эртыше ийысе пашаштым иктешленыт

РФ прокуратура кече вашеш ме районысо прокурор Дамир Ишмуратов дене вашлийна да пашашт нерген мутланышна.

- Кажне службын посна пашаже да направленийже уло. Тендан пашаштыда могай направлений тў‰лан да эн кўлешанлан шотлалтеш?

- Прокуратурын тў‰ пашаже – закон пудыртымаш да коррупций дене кучедалмаш, граждан-влакын правашт ден интересыштым аралымаш.

- Эртыше 2017 ий районысо прокуратурылан могайрак лийын?

- 2017 ий моло ийла дечын кугун ойыртемалтын огыл. Кодший чылаже 620 закон пудыртымашым рашемдыме. Текшырымаш почеш 129 протестым кондымо; чумыр шотышто 1737 те‰гелан 80 искым (заявленийым) возымо; 254 представленийым пуртымо, нуным тергымеке, 199 лицом дисциплинарно наказатлыме; район прокурорын пунчалже почеш административный юрисдикций орган-влак 74 лицом административно наказатленыт; 5 организацийым шекландарыме; РФ УПК-н 37-ше статьяжын 2-шо ужашыжын 2-шо пунктшо почеш уголовный делам почмо шотышто 3 материалым колтымо, нунын почеш уголовный 3 делам почмо.

- Закон пудыртымаш-влак могай сферыште чўчкыдынрак палдырна?

- Закон пудыртымаш-влак утларакшым гражданинын праваж ден эрыкшым аралымаште палдырнат. 2017 ийыште тиде сферыште 278 закон пудыртымашым рашемдыме, нунын почеш 39 протестым кондымо; судыш 47 искым (заявленийым) колтымо (чумыр шотышто 251 тўжем те‰гелан); закон пудыртымашым кора‰даш таратыше 113 представленийым пуртымо, нуным тергыме почеш 72 е‰ым дисциплинарно наказатлыме. Район прокурорын пунчалже почеш административный юрисдикций орган 32 е‰ым администривно наказатлен; 5 организацийым шекландырыме.

Граждан-влакын паша праваштым шуктымо сферыште 99 закон пудыртымашым рашемдыме. Нунын почеш 1 протестым кондымо; судыш 36 искым (заявленийым) колтымо (чумыр шотышто 251 тўжем те‰гелан); закон пудыртымым кора‰даш 21 представленийым пуртымо, нуным тергыме почеш 3 е‰ым дисциплинарно наказатлыме. Район прокурорын пунчалже почеш 31 е‰ым административно наказатлыме.

ЖКХ сферыште 61 закон пудыртымашым рашемдыме, нунын почеш закон пудыртымашым кора‰даш таратыше 52 представленийым пуртымо, 59 должностной лицом дисциплинарно наказатлыме.

- Дамир Рафисович, ме ужына: районысо прокуратура, коллективда кугу огыл гынат, пашажым пе‰гыдын шукта. Неле огыл?

- Чын, коллективна мемнан кугу огыл, но ме чыла пашамат ик ой дене ыштена. Тыге чыла нелылыкым се‰ена. Прокурорын заместительже Гульнара Дакимовна Аслямова кугу опытнан да пе‰гыде койышан улеш, прокурорын полышкалышыже Назгуль Сарбаева чолгалыкше дене ойыртемалтеш. Мый тыште 2015 ий ыштем – тиде ийыште февраль тылзыште мыйым Федоровский районысо проркрорын заместительже должность гыч Мишкан районыш кусарышт. Ты жап гычын ме ик команда улына да ончылнына шындыме задачым сайын шуктен шогена.

Профессиональный пайремна вашеш коллегем-влакым чылаштымат алал кумылын саламлем, неле, но кўлешан пашам тыршен шуктымыштлан тауштем, пегыде тазалыкым, еш суапым да пашаштына кугу се‰ымашыш шуаш тыланем.

Фирдаус КАДИКОВА мутланен.