Келшымаш
+1 °С
Лум
Все новости
Мыскара
22 Пургыж 2023, 14:12

Мыскара муро-влак

Ваче Мыскараче деч муро-влак

Мыскара муро-влак
Мыскара муро-влак

Вучыдымо уна

Шукерте огыл, Ӱярня пайрем вашеш газет редакцийыш, гармонян тальянкыжым сакен, палыдыме, мелна гай йыргешке чурийвылышан, подкогыльо гай пылышан, полдыш гай шинчан, изишак чалемаш тўҥалше ўпан, рўдаҥше ӧрышан, икмарда ийготан (ийготшым нигузе рашемден шым керт) марий толын пурыш. Пурыш да гармонян музиканжым шупшыльо. «Колыштса!», - мае. – «Мый мыскара муро-влакым мураш йӧратем. Ала, келша гын, газетыштыда савыктеда…». Тылеч вара, уло редакцийым тарватен, муро-влакым йоҥгалтарыш. Мурыжо-влак юзо виян улмыла чучо. Молан манаш гын, мурымыж деч вара редакцийыште идалык наре жап озаланыше коля-влак чылан шылын пытышт. А куголя эрлашыжым йєршын возын колен ыле.
Колыштнат, мурыжо-влак газетланат келшышыла чучыч. Тидлан кєра икмынярже дене лудшына-влакым палдарена.
Лўмет кузе манмылан, гармонян музиканче Ваче улам мае да, изиш шоген, ешарыш: «Ваче Мыскараче». Серышыштыжат возымым тыгак лудым. Ваче мутшым, конешне, чыве удырымыла удыралын ыле. Вашкен, очыни.
Шонем, йоҥылыш колын да лудын омыл. Лўмжӧ, очыни, чынжымак Ваче. Но, Вачи але Вачай лийын кертеш манынат шонымаш уло. Икманаш, чынжымак Ваче улеш гын, толын вачем вўчкалта. Уке гын, вачыж гочат лупшалын шолен кертеш. Вет вачыже моткоч кумда. Капшат изижак огыл, ялыште, эре мелна ден подкогыльым кочкын, вийым маска гай поген.
Эсен Элай.

Ӱярня муро


Ӱярня, ӱярня,
Ӱяҥ пытыш вет парня.
Ӱяҥ пытыше парня ден
Коштам ынде ик арня.
Ик мелна, кок мелна
Маныт: «Тамле улына!».
Тамле мелнам она коч гын,
Тамле ок лий омына.
Припев:
Коч, коч, мелнам коч.
Мелнам коч да малаш воч.
Мелнам кочкын
нералтет гын,
Тыланет шинча ок воч.
Воч, воч, малаш воч.
Мелнам коч да угыч воч.
Мелнам кочкын
нералтет гын,
Патыр лият теле гоч.

Самовар, самовар.
Самовар - кугу логар.
Логарна кугу ок лий гын,
Ок оварге вет пагар.
Ик мелна, кок мелна
Кўын лектыт мыланна.
Шокшо мелнам она коч гын,
Кўчык лиеш омына.
Припев:
Коч, коч, мелнам коч.
Мелнам коч да малаш воч.
Мелнам кочкын
нералтет гын,
Тыланет шинча ок воч.
Воч, воч, малаш воч.
Мелнам коч да угыч воч.
Мелнам кочкын
нералтет гын,
Патыр лият теле гоч.

*   *   *

Маска сўан


Корнывожышто мардеж
Сўан сем почеш пӧрдеш.
Пыл-влак южышто куштат -
Шымле йолышт ден тават.
Тарантасыште маска
Эҥертен шинча ласкан.
Ныжыл ўдыр гын шортеш

Шинчавўдшӧ шып возеш.

Припев:
Кече онча, йўр йўреш -
Маска ўдырым налеш.
Ныжыл ўдыр магыра,
А маскаже мўгыра.
- Эх, ма, томаша! -
Кычкырале алаша.

Ӱстел тўрыштӧ шокта
Ямлын шўвырым шокта,
А воктенже туара
Шӧртньӧ тўмырым кыра.
Ямле пеш маска сўан,
Ӱдыр веле шўлыкан.
Но уна-влак рўж гўжлат,
Сўан вате-влак мурат...
Припев:
Кече онча, йўр йўреш -
Маска ўдырым налеш.
Ныжыл ўдыр магыра,
А маскаже мўгыра.
- Эх, ма, томаша! -
Кычкырале алаша.

Пӧрт покшелне куштымаш -
Йолжым чот тава пондаш,
Кўшкӧ тӧрштылеш тӧшак,
Руштын сўмырлен мешак.
Весела маска сўан,
Ӱдыр веле шўлыкан.
Кеч ош кече шыргыжеш,
Ӱдыр ныжылге шортеш.
Припев:
Кече онча, йўр йўреш -
Маска ўдырым налеш.
Ныжыл ўдыр магыра,
А маскаже мўгыра.
- Эх, ма, томаша! -
Кычкырале алаша.

*   *   *

Ик моторым вашлийым

Ик моторым вашлийым,
Вес моторым вашлийым.
Ик мотор ден, вес мотор ден

Иканаште таҥ лийым.

Ик моторым ӧндальым,
Вес моторым шупшальым.
Ик мотор деч вес мотор дек
Кече коден куржтальым.

Ик мотор эре вучен,
Вес мотор эре вўчкен...
Ик мотор ден вес моторым
Шоненам кертам кучен.
Но ик кече... Кӧ пужен,
Кӧ йылмем пулаштарен?
Ик мотор ден вес моторым
Ӱжынам мый пулашен.

Ик моторжо кай мае.
Вес моторжат кай мае...
Кумшо йолташ ўдырыштат
Тыгае ок кўл мае.
Вот тыгае томаша...
Йолташем-влак, колыштса,
Кок таҥ дене коштнеда гын,
Ик лўманым кычалза.

*   *   *

Уна муро


Шола могырк ошкылам,
Пурла могырк ошкылам...
Шкетын ямым муын ом керт,
Унала тый тол, манам.
Ик окнашке ончалам,
Вес окнашке ончалам...
Ошкылметше ок кой гынат,
Ала толылдет, манам.
Припев:
Тол, тол, унаш тол!
Тый от тол гын, чай ок шол.
Чайым йўын шуҥгалтат гын,
Наҥгаяшлан ямде вол.
(Припев кок гана муралтеш)

Ик шонышым шонкалем,
Вес шонышым шонкалем...
Ик шоныш ден вес шонышым
Керын-тодын ушкалем.
Чайым ик коркаш темем,
Чайым вес коркаш темем...
Ик корка ден вес коркажым
Шкетын шинчын перкалем.
Припев:
Тол, тол, унаш тол!
Тый от тол гын, чай ок шол.
Чайым йўын шуҥгалтат гын,
Наҥгаяшлан ямде вол.
(Припев кок гана муралтеш)

Ик шинчамлан ал коеш,
Вес шинчамлан гўл коеш...
Кок шинчам ден ончаламат,
Алын-гўлын вел коеш.
Ял мучаште кӧ коеш?
Лайык-луйык тошкалеш...
Йолташемже, помыжалтын,
Лудо гае ошкылеш.
Припев:
Тол, тол, унаш тол!
Тый от тол гын, чай ок шол.
Чайым йўын шуҥгалтат гын,
Наҥгаяшлан ямде вол.
(Припев кок гана муралтеш)

*   *   *

Уна толеш пылыш гоч


Пырыс мушкылтын шинча
Да окнашке шып онча.
Пырыс пылыш гоч мушкеш –
Вашлийза, уна толеш!
Припев:
Уна толеш пылыш гоч,
пылыш гоч.
Уна толеш, омсам поч,
омсам поч!
Уна толеш, чай шолеш –
Ӱстелтӧрышкӧ ўжеш.
Шерге унам сийлена –
Шере пўрым йўктена.

Пырыс мушкылтеш уэш,
Пылыш гоч уэш мушкеш.
Музиканым шупшылам
Да унамым вашлиям.
Припев:
Уна толеш пылыш гоч,
пылыш гоч.
Уна толеш, омасам поч,
омасам поч!
Уна толеш, чай шолеш –
Ӱстелтӧрышкӧ ўжеш.
Шерге унам сийлена –
Мурена да куштена!

Пырыс мушкылтеш мырлен,
Темын шер унам сийлен.
Пырыс, ит кондо унам –
Темыш унана шернам.
Припев:
Уна толеш пылыш гоч,
пылыш гоч…
Тошкалалте пырыс поч,
пырыс поч!
Пырыс, унам ит кондо!
Теве тылат тулвондо!
Уна толеш теле гоч,
Пўрым йўеш черык коч.

Пырыс мушкылтын шинча,
Да ўмбаке шып онча…
Пералтат шыпак окнам –
Пуртыза вашке унам!
Припев:
Уна толеш пылыш гоч,
пылыш гоч.
Уна толеш, омасам поч,
омасам поч!
Уна толеш, чай шолеш –
Ӱстелтєӧышкӧ ўжеш.
Шерге унам сийлена –
Шере пўрым йўктена.
Ваче МЫСКАРАЧЕ.

Автор:Вячеслав Камилянов