«Сенымашым шарнен»

Тудо ялласе культура учреждений-влак коклаште эртен да Отечествым аралыме идалык кышкарыште Кугу Отечественный сарыште сенымылан 80 ий теммылан лўмлалтын. - Конкурсым ме Отечествын воинский чапшым да историйын геройло лаштыкше-влакым художественный йєн дене калык коклашке шараш, шочмо элым аралыше-влак деке пагалымашым шочыкташ эртаренна, - ойла жюри председатель, «Мишкан» РДК пеленсе «У илыш» марий калык театрын режиссержо Мария Минилбаева. – Ме самырык тукымым патриотизм шўлышеш воспитатлаш, нуным театр искусство деке шўмандаш тыршена. Конкурсын участникше-влак Кугу Отечественный сар да Сенымаш темым почын очыктышо театральный постановка-влакым ямдыленыт. Ямдылыме сценке-влак 15 минут деч кужу лийшаш огытыл. Стильым, жанрым да спектакльым шындыме йєным театр коллектив-влак шке ойырен налыныт. Конкурсыш лукмо паша-влакым жюри тыгай критерий-влак дене аклен – эн сай режессер паша, эн сай сценарий, посна артист-влакын мастарлыкышт. Тыште чыла ончалтын – музыкальный оформлений, сценыште шкем кучымаш, ойырен налме произведенийын шергылыкше, репертуарын нелылыкше да молат. Кугу Отечественный сар нерген шарнымаш – тиде эртыше историй, летопись гына огыл, а, эртыше опытым иктешлен, ончыко каяш корным ойырымаш. Кугу Отечественный сар жапысе событий-влак мемнан деч утларак да утларак торлат. Шарнымаш эстафетым пуымаш, руш калыкын геройло подвигше дене кушкын толшо тукымым палдарымаш, ачана, кочана, кугезе кочана-влакын подвигыштым курымашлык шарнымашеш кодаш - патриотический воспитанийын тўн задачыже. Тений мемнан элна Кугу Отечественный сарыште сенымылан 80 ий теммым палемда. Ту пагытыште фронтышто геройла кредалше, тылыште шкем чаманыде пашам ыштыше-влак мемнан шарнымаштына эре илаш тўналыт. Отечествым аралыше идалыкыште ме Башкортостанын геройло эргыже-влаклан, кудышт нацизмым кырен шалатымаште кугу надырым пыштеныт, вуйнам савена. Мемнан республикын эргыже-влак Москвам да Ленинградым аралымаште, Сталинград верч кредалмаште, Курский дугаште да Днепрыште, Крымым, Украиным, Белоруссийым, Кавказым, Прибалтикым, Рўдє Европым утарымаште илаш-колаш кредалыныт. Милитаристский Японийым кырен шалатымаште геройлыкым ончыктеныт. Мемнан республикын 200 тўжем утла енже боевой награда дене палемдалтын. Совет Союзын Геройжо кўкшє лўмым 278 землякна налын. Летчик-штурмовик Муса Гареев кок гана герой лийын. 47 землякна Чап орденын тичмаш кавалерже. Ме Минигали Шаймуратовым, Тагир Кусимовым, Даян Мурзиным, Ахат Ахметьяновым, Наталья Ковшовам, Магуба Сыртлановам, Клавдия Абрамовам, Николай Киселевым да моло-влакым эре шарнен илена. Сенымаш мемнан эллан пеш шергын толын. Мемнан республик гыч 700 тўжем утла ен фронтыш каен. Тушечын пелыже наре шке вуйжым сєй пасушто пыштен. «Фронтышто да тылыште мемнан калыкын геройло подвигшым ме нигєлан амырташ огына пу. Таче мемнан салтакна-влак 80 ий ончычсо гаяк нацист-влак ваштареш кредалыт. Нуно тушманым обязательно сенат», - каласен регион вуйлатыше Радий Хабиров. 6 гыч 19 ноябрь марте жюри районысо театральный коллектив-влакын выступленийыштым аклен. Жюри составыште лийыныт: «У илыш» марий калык театрын режиссержо Мария Минилбаева (председатель), Тўвыра полатын методический отделжым вуйлатыше Римма Самиева, калык творчество да фольклор шотышто вўдышє методист, БР тўвыран сулло пашаенже Рауия Саматова. Жюри график почеш верысе культура учрежденийлашке лектын, театр коллектив-влакын конкурсыш лукмо пашаштым аклен. Смотр-конкурсышто районысо 25 культура учреждений, чылаже 176 ен участвоватленыт. Ялласе Культура пєрт-влак коклаште I степенян дипломым Чорай СДК-н «Сандалык» коллективше налын. II степенян диплом дене Изи Накаряк СДК-н «Калейдоскоп» да Кугу Шаде СДК-н «Аманат» коллективышт палемдалтыныт. III степенян дипломым Нерге СДК-н «У вий» да Монар СДК-н «Орвуй» коллектив-влаклан пуымо. Клуб-влак коклаште сенышыш «Дуслык» (Татарбай клуб) ден «Ший онгыр» (Кульчубай) лектыныт. Кокымшо верым «Самовар» (Новотроицкий) налын. Кумшо вер «Фантазия» (Тєнгак) да «Эр ўжара» (Эшым) коллектив-влаклан логалын. «Эн сай сценический костюм» номинацийыште Корак клубын «Весела илыш» коллективше палемдалтын. «СВО темым почмылан» номинацийыште Ирсай СДК-н «Чын марий-влак» да Ардаш СДК-н «Ардаш» коллективышт ойыртемалтыныт. «Кокымшо планан эн сай ўдырамаш роль» номинацийыште Лилия Галиуллина (Изи Накаряк СДК), Ольга Денисова (Новотроицкий СК), Гульсима Бикбулатова (Янагуш СК), Фильсина Шайхинурова (Карач СК), Зубаржат Гайсина (Татарбай СК), Эльвира Шайдуллина (Кугу Шаде СДК), Полина Яндубаева (Пекшек СК), Ирина Шаймарданова (Эшым СК), Дарья Сарбашева (Эшым СК), Лилия Шамиева (Чорай СДК), Елизавета Андреева (Чорай СДК) палемдалтыныт. «Кокымшо планан эн сай пєръен роль» номинацийыште Радик Бикбулатов (Янагуш СК), Ильфак Арсланов (Кугу Шаде СДК), Руслан Янситов (Тымбай СДК), Глеб Янгуатов (Кугу Соказа СДК) ойыртемалтыныт. «Эн сай пєръен роль» номинацийыште Пекшек клуб гыч Снежана Валиева палемдалтын. Мом ыштет, пєръен-влак ситыдыме годым пєръен рольым ўдырамаш-влаклан модаш логалеш.

Светлана ТОЙМУРЗИНА.