«МуроЭм» Москош миен

Ноябрь – У ийлан ямдылалтме жап. Кугу олалаште тиде пайремлан уже чулымын ямдылалтыт: кугу кож-влакым шогалтеныт, мотор да яндар гирлянде-влакым сакаленыт. Кастене нуно моткоч моторын койыт. Москват У ийлан чулымын ямдылалтеш. Йошкар площадьыште паша шолеш. Вашке тушто юзо пайремлан чыла ямде лиеш: кугу кож, каток, иллюминаций... Теле гына толаш ок вашке, а шыжын кайымыже ок шу – лум ден йуштº аманат уке улыт. Туге гынат тыгай игече ансамбльлан Москвашке У ий передачым возымашке миен толаш чаракым ыштен огыл, Йошкар площадят мемнам шокшын вашлийын - шум-чонышкына юзо ш¢лышым пуртен. 26 ноябрьыште «МуроЭм» калык ансамбль «Жар Птица» каналысе У ий телепередачым возымаште участвоватлен. Ансамбльнам тиде передачыште участвоватлаш каналын тун продюссерже Рамиль Ганеев ужын. Тидлан тудлан кугу таум ойлена. Пайрем передачым «Саввино» ДК-н сценыштыже возымо. Коллектив кок мурым мурен: Галина Баширова возымо «Тый шарнет мо?» муро ден уна вашлийме калык мурым. Икымше мурым «гжель» стилян вургемым чиен мурымо гын, кокымшо мурым мураш чыланат эрвел марий вургемым чиеныт. Мемнан дене пырля передачыште моло коллектив-влакат возалтыныт, нуно Российын турлº кундемлаж гыч миеныт: Рязань гыч, Тверь гыч, турлº села гыч... Нунын коклаште руш, марий, мордва-влак да моло лийыныт. Финн-угор калык-влак шулыш поснак шижылтын, манаш лиеш. Вет передачым вудышº Юлия Никишинат родо-тукым калык гыч улеш улмаш. Йºн дене пайдаланен, ме районысо чыла калыклан: «Шушаш У ий дене!», - манына. «Жар Птица» каналыште У ий передачым 2025 ий 31 декабрьыште, 2026 ийыште 1, 7, 13 да 17 январьыште ончыза. Тушто «МуроЭм» мурышо калык ансамбль шкенжын усталыкшым ончыкта.

Алексей ИБУЛАЕВ, Марий ИКЦ-н т¢‰ специалистше.