Куштымаш – чон шулдыр!

Тиде пайремышке калык кажне ийын кумылын мия. А кушто иканаште тынар куштышо коллективым ужаш лиеш? Куштызо-влак фестивальышке Мишкан район гыч веле огыл, моло район ден кундемла гычат толыт. Нуно корно кужу улмо дечын изишат огыт лўд. Ончышо-влакат фестивальышке районысо тўрлє ял гычын миеныт. Тиде пайрем идалык еда йырже ятыр еным чумыра. Куштызо-влакын усталыкыштым посна жюри аклен. Тушко пуреныт: Башкортостан Республик культурын заслуженный пашае‰же Виталий Сагадеев, районысо культура дворецын балетмейстер-постановщикше – «Эрвел» куштышо калык ансамбль вуйлатыше Ирина Имаева, Кўрзе ялысе Культура пєртын культорганизаторжо Елена Асмаева да районысо культура дворецын кружок вуйлатышыже Лада Шаяхметова. Пайрем тў‰алтыште фестивальын участникше ден унавлакым Кугу Соказа сельсовет сельский поселений администраций вуйлатыше Станислав Сергеев саламлен. Салам шомак деч вара вўдышє-влак – Анастасия Белоусова ден Юлия Кильдубаева сценышке фестивальын икымше участникше-влакым – Ардаш СДК пеленсе «Кечыйол» куштышо коллективым (Дарья Хамитова вуйлата) ўжыныт. Тиде коллектив пеш сылнан куштен. А фестивальыште тений тыгай коллектив-влак вийыштым тергеныт: Тымбай СДК пеленсе «Шонанпыл» (Виолетта Янситова), Пўнчер СДК пеленсе «Наследие» (Алексей Иванов), Монар СДК пеленсе «Ший памаш» (Снежана Петрова), Арзамат клуб пеленсе «Рвезылык» (Татьяна Байгазова), Корак ялысе клуб пеленсе «Пеледыш аршаш» (Диана Николаева) куштышо коллектив-влак да Пўнчер ялысе «Юго» куштышо калык ансамбль. Дуэт дене Ардаш СДК пеленсе «Памаш» еш ансамбль (Владимир Хамитов) да Балтач район гыч толшо Диана Алексеева ден Татьяна Аликаева (Диана Алексеева) куштеныт. Сольный выступлений-влакат лийыныт. Сценыште ямлын да моторын Пўнчер гыч Мария Иванова (Алексей Иванов) ден Корак ял гыч Злата Сайсанова (Диана Николаева) куштеныт. Палемден кодыде ок лий, Злата фестивальын эн изи куштызыжо лийын. Куштымаш-влак чыла онай да сылне лийыныт, ончаш мийыше кажне е‰ын кумылжым нєлталыныт. Но мый, тыглай ончышо семын, поснак Ардаш ялысе СДК пеленсе «Памаш» еш ансамбль нерген возынем. Мылам нунын «Колызо ден понгызо» куштымашышт моткоч келшыш. Самырык куштызо-влак артист койышыштым устан почын ончыктен кертыч. Куштымышт годым тўрло арверым кучылтыч: шке кид дене тодмо корзиным, ведрам, кол энерым. Куштымашын мучашыже гын онай деч онай лийын - колызо ведраж гыч колым шўдырен луктын, по‰гызо – понгым! «Памаш» дуэтын кокымшо куштымашыже «Памаш воктене» манылтын. Тушто ўдыр сценышке вўдвара ден ведра-влакым кучен лектын. Нуно куштымашке посна сылнылыкым пуртеныт. Поснак марий вургем-влак нерген каласен кодыман. Марий пайрем-влак моло пайрем-влак дечын палын ойыртемалтыт – тушто могай-гына марий тувырым от уж! Сценыште веле огыл – тыгак калык коклаштат. Поро йўла почеш, марий-влак кеч-могай марий мероприятийышкат калык вургемым чиен мияш тыршат. Тидлан кєра пайрем олык-влак тўрло тўс дене пеледше олыкышко савырнат. Фестивальыште шкетын куштышо-влак коклаште Мария Иванова сенен, Злата Сайсанова кокымшо лийын. Дуэт-влак коклаште икымше верым Балтач гыч Диана Алексеева ден Татьяна Аликаевалан пуымо, кокымшо верым – «Памаш» еш ансамбльлан. Кугу ансамбль-влак коклаште икымше верым Пўнчер СДК пеленсе «Наследие» куштышо коллектив налын. «Изи ансамбль» номинацийыште икымше верым кок коллектив пєлен – Тымбай СДК пеленсе «Шонанпыл» ден Монар СДК пеленсе «Ший памаш». Кокымшо верым Арзамат СК пеленсе «Рвезылык» налын, кумшым – Ардаш СДК пеленсе «Кечыйол». «Кушталташ йодеш чонемже» VIII районный виш фестивальын Гран-прижым Пўнчер ялысе СДК пеленсе «Юго» куштышо калык ансамбль се‰ен налын. Конкурсант-влакым чылаштымат диплом да шерге пєлек дене палемдыме.

Виктория ИШМУРЗИНА.